رواية رهف الفصل السابع 7 - بقلم اميرة محمد حكايات ميرا

رهف قربت عليها ولسه بتساعدها. ملك صرخت من وجع جسمها ورجلها. راحت مسكت رهف من شعرها. رهف بتعيط وبتسلك نفسها منها. مش عارفه. باسل بزعيق: مللللللللك. ملك ولا هنا خالص. باسل ضربها قلم على وشها. حطت ايديها على عنيها وبصتله بصدمة. رهف كانت هطلع بس وقفت لما سمعت اللي قاله باسل. باسل بغضب: رهف تبقي مراتي واياكي تتجرائي وترفعي ايدك عليها تاني. ملك بصدمة: ايييه مراتك... مراتك ازاي. باسل: مراتي على سنة الله ورسوله.

ملك بغضب: وانت استغليت مرضي وأنا في المستشفى وروحت اتجوزت عليا. انت إيه يابني معندكش دم. باسل بهدوء: ممكن تسمعيني. ملك: أسمع إيه هو فيه حاجة تتسمع بعد اللي أنت قلته. باسل سكت مردش عليها. راح شالها وطلع بيها أوضتهم قدام عين رهف. رهف لنفسها: أنا اتضايقت ليه لما شالها وليه قلبي وجعني كده. بس... بس أنا في الآخر مش مراته غير على الورق. اتنهدت وطلعت أوضتها وقفتلت على نفسها. ملك بغضب: نزلني ياباسل بقولك نزلني.

باسل نزلها على السرير وقعد جمبها ومسك ايديها: أنا اتجوزتها لسبب معين لإن أكيد مش بحبها. ملك: وإيه هو السبب ده. باسل: حمزة ابننا. ملك: حمزة! باسل: آه. وقعد حكالها كل حاجة. ملك: طب ولما حمزة بيتعالج مطلقتهاش ليه؟ باسل: لإن لسه متجوزها من يومين وينفعش أرجعها بيتها في أول أيام جوازها. ملك: يعني إيه. باسل: يعني هتفضل معانا فترة وبعدين أطلقها. ملك: تمام. باسل حضنها وباس راسها: أنا مبحبش غيرك أنتِ.

ملك بخبث: وأنا كمان ياحبيبي مش بحبك غيرك. عدى أسبوع. ملك بتهين رهف وتذلها وباسل ميعرفش لأنه أغلب الوقت في الشغل. ملك اتحسنت جدا وبقت تمشي على رجليها. حمزة حالته بقت أحسن من الأول. رهف عايزة تطلب الطلاق بس خايفة من رد فعل مامتها. ليلي بتشتغل في الكافيه وعمر وإهانته ليها شاغلة تفكيرها. عمر بيفكر في ليلي وكبريائه مانعه يعتذر لها. في بيت رهف. فوزيه: يبنتي أنا عايزة أطمن عليكي زي رهف عشان أموت وأنا مرتاحة.

ليلي: بعد الشر عليكي متقوليش كده تاني ياماما. دا أنا ماليش غيركم. فوزيه: لو معتبراني أمك بجد وافقي تخلعي اللبس ده وتلبسي فساتين زي البنات. ليلي: لا ياماما الدنيا علمتني إن الطيبة ملهاش لازمة وإن مكنتش بنت بمية راجل مش هعرف آخد حقي. فوزيه: يبنتي ياحبيبتي اسمعي كلامي أنا عايزة أسلمك لراجل يصونك. ليلي بمرح: شكلك عايزة تخلصي مني زي رهف مش كده. فوزيه: بس يابت دا أنتِ بنتي حبيبتي اللي البيت ملوش لازمة من غيرها.

ليلي: تعرفي إني معرفتش الحنية غير على إيدك. عمرك مفرقتي بيني وبين رهف وعمري ما فرقتي. حقيقي لو عشت عمري كله مش هعرف أوفي حقك. أنا بحبك أوي ياماما. فوزيه خدتها في حضنها: وأنا كمان بحبك ياقلب أمك. عمرو: الله الله وأنا مليش من الحب جانب ولا إيه. ليلي: لا ملكش ويلا طرقنا. عمرو بتمثيل: أكمني غلبان ومكسور الجناح و... ليلي قاطعته: اسكت بقى أنت هتشحت. عمرو بضحك: تسلم يارجولة.

فوزيه بضحك: مجانين والله. أنا قايمة أعملكم حاجة تشربوها. عمرو: أحلى أم دي ولا إيه. ليلي: قوم ذاكر ياض. عمرو: يارب ياشيخة يبتليكي بعريس قمر يرحمنا منك. ليلي جرت وراه وفضلوا يضحكوا مع بعض. عمر كان عنده اجتماع مع ناس في الكافيه اللي بتشتغل فيه ليلي. أول ما دخلوا وقعدوا طلبوا قهوة. بعد شوية ليلي جابت القهوة وجات. وغصب عنها دلقتها على عميل من العملاء اللي جايين مع عمر. ليلي بتوتر: أنا آسفة يا فندم. مكنتش أقصد.

العميل: إيه اللي عملتيه ده. دا أنا هوديكي في داهية. عمر: خلاص حصل خير. العميل بغضب: حصل خير إزاي وأنا اتبهدلت كده. المدير اللي هنا فين. المدير جه على صوته: في إيه يا فندم. العميل: في إن الأستاذة اللي حضرتك مشغلها قليلة ذوق. ليلي: يا فندم أنا... العميل قاطعها: أنتِ اخرسي خالص. ولسه هيرفع إيده عليها عمر مسكها. عمر بغضب: أنت اتجننت ولا إيه. العميل: عمر باشا ياريت متدخلش في حاجة متخصكش. عمر: لا تخصني ويخصني أوي كمان.

وراح عند ليلي وحط إيده على نصها وشدها للحضنه. عمر بيبص في عينيها: المدام تبقى مراتي. ليلي مصدومة من اللي بيعمله ومش عارفة تعمل إيه. العميل بتوتر: احم... أنا آسف يا عمر باشا. عمر ببرود: اعتبر الصفقة اللي بيني وبين شركتكم اتلغت. العميل حاول يقنع عمر بس رفض. وعمر أخد ليلي وطلعوا برة. ليلي بغضب: أنت إزاي تقولهم إني مراتك. عمر ببرود: أنتِ تطولي. ليلي بدموع: لا متطولش يا عمر بيه. ممكن بقى تبعد عن سكتي.

عمر فتح باب العربية: استعدي بالليل عشان هاجي نحدد معاد كتب الكتاب. باي ي... يا ليلووو. وركب العربية ومشي من غير ما يسمع ردها. ليلي بعصبية: دا بعينك ياحيوان. ملك استغلت عدم وجود باسل في البيت وراحت جمعت كل صحابها والجيران وكل صغير وكبير. مخلتش حد وطلعت عند رهف اللي كانت نايمة فوق بلبس نوم داخلي مينفعش تطلع بيه. وشدتها من ايديها. رهف: في إيه. ملك: انزلي معايا ياحلوة وإنتي تعرفي. رهف: هغير هدومي.

ملك: لا مهو انتي هتنزلي كده. رهف بصدمة: أنزل كده إزاي. أنتِ عبيطة. ملك بغضب: أنا هوريكي العبيطة دي هتعمل إيه. مسكت رهف من دراعها وعمالة تخرجها برة ورهف بتصرخ وتزعق فيها. ولما مقاومتها قلت رهف جابت غطا السرير ولفته على جسمها. وملك نادت اتنين من الخدم يطلعوها معاها ونزلت بيها تحت للناس ورمتها تحت رجليهم.

ملك بتمثيل: شايفين ياناس الخدامة اللي شغلتها في بيتي. وكانت بتاكل أكلنا وتشرب شربنا. ويعلم ربنا كنت بعاملها زي أختي بالظبط. راحت استغلت غيابي ولفت على جوزي واتجوزته خطافة الرجالة. الناس بقت تتمتم بكلام مش مفهوم بس رهف سمعاهم وعمالة تعيط. منهم اللي بيقول بنت قليلة أدب ومطمرش فيها العيش والملح. واللي يقول دي آخرة اللي يأمن لخدامة على بيته. ربنا ينتقم منهم كلهم. بقوا يتكلموا عليها.

ملك بتمثل العياط: أعمل إيه في بيتي اللي اتخرب وجوزي اللي خطفته. آه ياني أروح لمين. النسوان قاموا على رهف فضلت تشتم فيها وضربوها وقطعولها شعرها وبوقها جاب دم. وهي كل ده مقاومتسش لأنها متثبتة في الغطا وخايفة جسمها يبان. بعد شوية مسكوها رمموها برة الفيلا وهما مشوا. رهف مكنتش عارفة تعمل إيه. اترجت واحد من الحرس يديها تليفون ورنت على باسل. باسل فتح عليها بس ميعرفش إنها هي: الو. رهف بعياط: م... م... مكن تيجي. وقفلت الخط.

باسل بخوف: رهف... رهف. خد مفاتيحه وخرج من الشركة ركب عربيته وطلع فوراً على البيت.