رواية رهف حياتي الفصل الثالث عشر 13 - بقلم رحمة محمد

اسر احمر وجهه من الغيظ وتوجه نحو سيف. راح مسكه من رقبته ورجعه لورا. "انت مين انت عشان تقول واخدة رهف على فين لوحدكم." كلهم اتخضوا من اسر. نورهان: "ايه ده سيب ابني انت عبيط اوعي كده هتموته." رهف: "سيبه يا اسر سيبه" وعمالة تشيل في ايده من رقبة سيف. مصطفى وهو بيزعق: "اسررررر سيبه انا بقولك سيبه." اسر راح اداله بالبونيه في وشه وسابه. بوق سيف نزل دم. نورهان: "ابني حرام عليك انا هسجنك."

رانيا: "ايه يا اسر اللي انت عامله ده." اسر: "ملوش انه يسأل كده هو مين هو اصلا." سيف وهو بيمسح الدم بقوة بكل غيظ: "انا هبقى جوزها." اسر: "رايح يضربه تاني." مصطفى وقفه. اسر: "سيبني يا حج والله لموته النهارده." رهف: "باااااااس ف أي ايه اللي بتعملوه ده وانت يا سيف هتبقى جوز مين حد قالك انه موافق ولا حاجة." سيف: "هتجوزك يا رهف انا فضلت طول عمري مستنيكي ومش هسيبك ابدا للشخص ده انه ياخدك مني."

اسر عايز يقوم يموتة وابوه اللي مسكه. رهف: "وانا مش عايزك يا اخي انا مش موافقة بيك هو بالعافية وبعدين انا مقولتش ليك تستناني كنت دايما بعرفك اني مش موافقة." نورهان: "بقي كده يا رانيا انا ابني يتعامل كده عندك" عملت نفسها مقموصة وهتمشي. رانيا: "لا طبعاً مش هتمشي وكل حاجة هتتحل." نورهان: "بعد ما ابني اتضرب كل حاجة هتتحل." رانيا: "اه استني بقى خلاص." مصطفى: "اتأسف لسيف يا اسر." اسر: "نعم اتأسف لمين ان شاء الله."

مصطفى: "انا بقولك اتأسف ليه انك انت اللي بدأت الضرب." اسر: "مش متأسف لحد" راح مسك ايد رهف واخدها ومشيو. نورهان بمياصة: "عجبك كده يا أستاذ مصطفى." مصطفى: "معلش يا مدام نورهان حقك عليا يا سيف معلش." سيف: "ولا يهمك يا عمي." رانيا: "يلا اطلعوا الاوضة بتاعتكم وروقوا كده حصل خير." نورهان: "حاضر ماشي" وطلعوا هما الاتنين. رانيا: "مينفعش اللي اسر عمله ده يا مصطفى." مصطفى: "وهو ابن اختك بيستفزه ليه انتي عارفه انه اسر عصبي."

رانيا: "عارفة بس مكنش ينفع بردو." مصطفى: "احسن انا فرحان فيه مش عارف ليه" وفضل يضحك. رانيا: "بس ياراجل الله." نورهان: "ورحمت ابويا لعرفهم مقامهم بس يستنى عليا هقلبها عليها وطيها بس يصبره بس الصبر جميل." سيف: "مش هسيبه يا ماما ومش هسيب رهف انا تكلمني كده ماشي." نورهان: "هتعمل كل الكلام اللي قولتهولك عليه بكرة ماشي." سيف: "ده اكيد." وفضلوا يخططوا هيعملوا ايه. رهف: "سيب ايدي كده ايه اللي انت عامله ده."

اسر: "عملت ايه انتي مش سامعة قال ايه." رهف: "ما يقول اللي يقوله انت شوفتني رديت عليه." اسر: "وانا محدش يمشيني على مزاجه وهو يسأل ليه تمشي لوحدك معايا ولا متمشيش هو عبيط ده لا واي جوزها." رهف: "بس مكنش ليه لزوم انك تضربه كده يا اسر." اسر: "رهف انا اي حد هيجي على سكتك هقتله انتي فاهمة." رهف حست انها مبسوطة اوي منه لما قال كده. رهف: "قصدك ايه يعني." اسر: "قصدي يلا اركبي العربية عشان نروح الكافيه."

رهف: "طب فين منه وعلي استنى ارن على منه وانت رن على علي." اسر: "ماهو لا مفيش منه وعلي." رهف: "ازاي يعني." اسر: "زي الناس اخلصي اركبي." رهف: "ماشي اما اشوف اخرتها معاك ايه." نزلوا في مكان حلو اوي كده على البحر. اسر: "استني متقعديش." رهف: "ايه ف ايه." اسر: "استني اشيلك الكرسي واقعدي نعم زي الافلام" وبيغمز ليها. رهف: "والله طب يلا" وهي مبتسمة. اسر شد ليها الكرسي وقعدت ودخل الكرسي تاني وهو كمان قعد جنبها.

اسر: "انتي قمر اوي على فكرة." رهف اتكسفت كده شوية: "ميرسي انت كمان شكلك حلو اوي." اسر: "شكلك عسل وانتي مكسوفة." رهف: "ما خلاص بقى الله." اسر: "تحبي تشربي ايه." رهف: "اللي هتجيبه منه انا هشرب منه." اسر: "عايز اشربك انتي ااااااحم قصدي نشرب ايس كوفي ايه رأيك." رهف: ضحكت كده خلاص ماشي. اسر: "انتي هتروحي الجامعة امتى عايز ابقى اروح معاكي." رهف: "الاسبوع اللي جاي هروح هو انت متخرج من اي."

اسر: "كلية تجارة جامعة القاهرة بردو." رهف: "اه جميل جدا وبدأت بعد كده ازاي لما اتخرجت." اسر: "عايز اقولك الموضوع بدأ يبقى صعب اوي من هنا." رهف: "ازاي يعني."

اسر: "روحت اشتغلت بشهادتي في شركات كتير اوي وكان اخر مرمطة وظل بقى عملت ليه شوية فلوس كده وروحت سافرت برا كملت شغل هناك وتعب بردو ومرمطة لحد ما عملت لنفسي شركة صغنن كده هنا في مصر وبدأت اشتغل لحد ما ربنا وقف معايا وبقي اسمي اسر مصطفى المنشاوي والكل عارف اني من اكبر رجال الاعمال في مصر." رهف: "تعبت كتير في حياتك وربنا بيعوضك صدقني." اسر: "الحمدلله على كل شيء فعلاً الحلال بيجي بالصعب اوي."

رهف: "انا بقى مش عايزة اي حاجة غير اني بعد ما اتخرج افتح ليا عيادة خاصة بس." اسر: "ان شاء الله هيحصل متقلقيش وانا هفضل في ضهرك ومعاكي." اول لما اسر قال الجملة دي رهف حست بأمان وسند ومبسوطة منه اوي. رهف: "شكرا يا اسر." اسر: "شكرا على ايه يا بت احنا أصحاب واعز كمان." رهف: "قولي بقى حد دخل حياتك قبل كده." اسر: "كتيررررررر" وهو بيضحك. رهف حست انها اتضايقت منه اوي: "اااااه يعني بتاع بنات."

اسر: "لا والله كنت وانا صغير شوية عن كده دلوقتي توبة الحمدلله." رهف: "ماهو باين ايوه ايوه." اسر: "والله توبة الحمدلله كنت في سن ال 20 كده مقضيها دلوقتي خلاص بح." رهف: "اشمعنى بقى." اسر: "زهقت كنت كل يوم بكلم واحدة شكل وهما كلهم واحد." رهف: "لا مش كلهم واحد على فكرة." اسر: "يمكن انتي اضمن طب وانتي في حد دخل حياتك."

رهف: "لا ما انت عارف اني عمري ما فكرت في الحاجة دي غير لما اخلص تعليمي انما اه عندي صحابي معايا في الجامعة وكده." اسر: "نعم ياختي صحاب في الجامعة مفيش منه الكلام ده." رهف: "ايوه نعم في ايه." اسر: "انتي سمعتي قولت ايه يبقى هو ده اللي هيحصل ولا اقولك وريني فونك ده كده." رهف: "خد اهو." اسر: "مشاء الله احمد وكمال وحسن حلو اوي الكلام ده." رهف: "يابني ده احنا بنبدل لبعض ملازم هو انت مسكت في الولاد بس ما في بنات اهي."

اسر: "بلوك بلوك بلوك." رهف: "يخربيتك مش بلوك طيب امسح الارقام ولا هات الفون ده كده انا ادتهولك ليه اصلا هااااات." اسر: "بس يابت انتي اسكتي" راح عمل لكل الولاد بلوك وادها الفون. رهف: "ماشي يا اسر ماشي." اسر: "ماتيجي نقوم نتمشى على البحر شوية." رهف: "يلا بينا." قاموا ومشوا على البحر. اسر: "رهف." رهف: "نعم." اسر: "هو انتي لسه زعلانه مني في حاجة." رهف: "لا خالص." اسر: "انا عايز اقولك على حاجة." رهف: "قول."

اسر: "انا مش عارف ليه بحس اني عايز امسك خدودك دي افضل اضربها واعضها" وفضل يضحك. رهف: "ها ها ها ها يا خفة انت امشي ياض وانت ساكت." اسر: "طب ماتجيبي اجرب كده." رهف: "اسر احترم نفسك عشان وربنا ما هدفك في المايه دي." اسر: "خلاص دا انتي باردة." رهف: "انت متجوزتش ليه لحد دلوقتي." اسر: "ملقتش البنت اللي هتبقى مراتى وحبيبتي يعني محبتش حد عشان اتجوزه." رهف: "امممم طب ماتدور." اسر: "لا ما انا خلاص شكلي لقيتها" وابتسم.

رهف: "ومين اللي امها دعيلها دي." اسر: "يلا بينا نروح." رهف: "يلا بينا." روحوا هما الاتنين. مصطفى: "ايه كل ده تأخير الله." اسر: "كنا بنتفسح يا عم." رهف: "كانت فسحة حلوة بصراحة." رانيا: "ربنا يجعلكم مبسوطين كده دايما يا حبايبي." الوقت اتأخر والكل طلع الاوضة بتاعته. باب رهف بيخبط. رهف: "مين." سيف: "انا سيف يا رهف...