رواية رهف الفصل الأول 1 - بقلم سندس محمد

كانت واقفة قدامه وهي بتبكي بحرقة شديدة. رهف بعياط شديد: أنا أستاهل عشان أنا اللي استحملتك من الأول، قولت أستنى يا رهف هيحبك مع الوقت، لكن أنت معبرتنيش. أنا عارفة إنك بتحبها وأنت قولتلي، بس مكنتش أعرف إنك هتتجوزها. ليه يا أدهم؟ طب أنت مش قولت إنك هتطلقني الأول؟ ليههه ليه تكسرني كده؟ ليه يا أدهم؟ أدهم بتبرير: اسمعي يا رهف. رهف بصريخ: أسمع إيه ها؟ قولي أسمع إيه؟

أنا تعبت تعبت، أنت أصلاً مش معتبرني موجودة في البيت ورغم كده استحملتك. أدهم: ما أنتِ لازم تستحمليني. رهف بصريخ: أستحملك؟ لا بجد ضحكتني، ده مفيش واحدة تستحمل اللي أنا استحملته. أنا صبرت كتير وكنت كل مرة بصبر نفسي وبقول: "أهدي يا رهف، هيحبك يا رهف". يا شيخ طب حتى كنت تقولي، لكن أنت إزاي سبتني على عمايا؟ ليه؟ أنا عملتلك إيه لكل ده يا أدهم؟

حتى كنت أعتبرني موجودة، بس أنا كنت شفافة بالنسبالك. بس أنا خلاص جبت آخري يا أدهم وزهقت. أدهم: يا رهف اسمعي. رهف بوجع: لا مش هسمع يا أدهم، أنت اتجوزتها وأنا شفت بعيني القسيمة. ها؟ هتقول إيه بقى؟ أدهم سكت ومنطقش. رهف بوجع: أنا خلاص جبت آخري يا أدهم. أدهم: يعني إيه يا رهف؟ رهف بقوة: يعني طلقني يا أدهم. أدهم بعصبية: بس أنا مش هطلقك يا رهف.

رهف: هتطلقني يعني هتطلقني يا أدهم، حتى لو هرفع عليك قضية وأنا اللي هكسبها يا أدهم. ف بالذوق كده طلقني عشان أنا خلاص جبت آخري. أدهم بحزن: يا رهف. رهف بوجع: طلقني يا أدهم، أنا همشي وورقي يوصلني وعيش أنت والسنيورة اللي اتجوزتها عليا يا أدهم، خليها تنفعك، بس مترجعش تندم. بصتله بسخرية ووجع ومشيت من عنده وأنا موجوعة ومقهورة. هو أه مكنش بيموت فيا، بس أنا كنت بحبه أوي. ليه يعمل فيا كده؟

إحنا من أول ما اتجوزنا قالي إنه مش بيحبني وفترة وهيطلقني عشان بيحب وحدة تانية. أنا قلبي اتكسر، بس قولتله إنه مش فارق معايا، إحنا كده كده مش بنحب بعض. أنا وهو كنا جيران. رهف الراوي: عندها 25 سنة، عيونها لونهم عسلي وشعرها لونه بني وناعم ومختمر، وطولها حلو، متخرجة من كلية تجارة إنجلش. رهف هادية ورقيقة أوي. رهف روحت بيت أهلها. أمها أول ما شفتها اتخضت من شكلها، وشها أصفر، شعرها مش مرتب، عينيها حمرا ودموعها مغرقة وشها.

مامت رهف بخضة: مالك يا قلب أمك؟ إيه اللي عمل فيكي كده؟ رهف بصتلها ثواني ووقعت من طولها.