رواية رهف الفصل الثاني 2 - بقلم سندس محمد

فاقت رهف لقت مامتها وباباها قاعدين قدامها. رهف بوجع: إيه اللي حصل؟ مامتها أول ما شفتها خدتها في حضنها. مامتها: وجعتي قلبي يا رهف. رهف افتكرت كل حاجة ودموعها نزلت بحزن شديد. باباها بحزن عليها: إيه اللي حصل يا رهف. رهف حكتلهم على كل حاجة من الأول خالص. باباها بصدمة شديدة: كل ده وإنتي منطقتيش. رهف بوجع: كنت فاكرة إنه مع الوقت هيحبني، لكن أنا طلعت غلطانة. مامتها بدموع: آه يا بنتي استحملتي كل ده.

رهف بحزن شديد: ممكن تسبوني أنام شوية معلش. باباها بحزن شديد: ماشى يا بنتي، يلا يا أم رهف. خرجوا الاتنين، وأول ما خرجوا رهف انهارت في العياط. رهف بعياط شديد: ليه يا أدهم تعمل فيا كده ليه، آه يا رب. ونامت ودموعها على خدها. صحت رهف على صوت زعيق عالي، كان صوت باباها. طلعت بسرعة عشان تشوف فيه إيه. باباها: يعنى إنت اتجوزت على بنتي وجاي تصالحها. أدهم بحزن: آه يا عمي، أنا اكتشفت إنى بحبها. باباها: اطلع بره.

أدهم بصدمة: إنت بتقول إيه يا عمي. باباها: بقولك اطلع بره، إنت اتجوزت على بنتي، إنت فاهم إنت عملت إيه. أدهم: طب اديني فرصة أشرحلك بس. باباها بعصبية شديدة: تشرحلي إيه، إنت بجح أوى يا شيخ، والعيب مش عليك أصلا، العيب على بنتي اللي كانت ساكتة ومستحملة من الأول، بس خلاص ورقة طلاقها توصلها فاهم. أدهم بعصبية: طب أنا طلاق مش هطلق، وأنا هرجع تاني وهاخد مراتي حتى لو بالغصب.

ومشى أدهم وهو متعصب، وباباها نداهلها وهي طلعت بسرعة واترمت في حضنه. رهف بوجع شديد: شوفت يابا، رجع بعد كل حاجة يقول إنه بيحبني، طب ما كان من الأول ليه يعمل فيا كده، آه يا بابا آه. باباها: اهدى يا بنتي، هو ميستهلش دمعة من عيونك، وطلاق هيطلق وهتشوفى. عدى شهر، كان أدهم طلق رهف عشان باباها هدده وهو ريح دماغه وطلقها وعايش هو ومراته. ورهف انهارت، بس في الآخر بتحاول تنسى عشان هو ميستهلش دموعها.

كانت رهف قاعدة في أوضتها، ولقيت الباب بيخبط. رهف: ادخل. باباها دخل: حبيبة بابا عاملة إيه. رهف ببسمة: الحمد لله يا بابا. باباها ببسمة: دايما يا رب، بقولك يا بنتي. رهف: اتفضل يا بابا. باباها: جهزي الشنط عشان هنسافر عند جدك الصعيد. رهف بصدمة شديدة: إيهههه مستحيل.