رواية روح الصقر الفصل الثامن عشر 18 - بقلم بسملة بدوي

اياد بصدمة. مين دي؟ الظابط أنتِ ياشبر ونص. وأنا أقول الحكومة مالها تلاقيها منك. قاطعته مني. انت يااض اتكلم بأدب أحسن ليك. بس محبوس بسبب التعدي على ظابط بالسب. اياد ببرود. هاتيلي حد كبير أتكلم معاه. أنا مش بتكلم مع عيال. مني بغضب. انت يااض بتكلم مين كده؟ انت أهطل؟ اياد بغضب شديد. أنا أهطل ياروح أمك. قاطعته مني بصفعة على وجهه. لتاني مرة بقولك متجيبش سيرة أمي. اياد بغضب شديد. وانتِ بتضربيني بالقلم!

المرة اللي فاتت عدتها بمزاجي. المرة دي وربنا ما هرحمك. وأنا ممكن أضربك برده بس مش هنزل لمستواكي. ولا مستواك. والله ما أنا عارف انت بنت ولا ولد. وفين الرقة والهدوء يابنتي. مني بصت ليه والدموع في عينها. اياد زعل جامد من نفسه أنه كده جرحها. ولسا هيتكلم. قاطعته. لو خلصت كلام ممكن تقعد عشان أشوف شغلي. اياد قعد وقال بهدوء. بصراحة أنا كنت عايش في تركيا. قاطعته مني بطفولة وفرحة. كنت فين؟ تركيا بجد؟ تركيا؟ يبختك. اياد بصدمة.

نعم؟ أيوه تركيا. مني بطفولة. روحت لبوراك ولا إيه؟ هه؟ قول قول. اياد بصدمة على شكلها وتصرفاتها الطفولية. بوراك؟ أيوه. وبعدين قال بغضب مصطنع. اسمعي بقا للآخر ومش تقاطعيني. مني بصت له بغيظ. اياد بهدوء. كان ليا صاحبة طفولتي وجارتي برده. عايز أعرف هي فين. مني بغباء. طب ما تروح ليها البيت. اياد بستهازاء. أوووو بجد انتي عبقرية بجد. وبعدين قال بغضب. أنا قولت إنك هتشيللي. طب لو أنا عارف بيتها هجيلك ليه؟ ليييييه؟

مني بضحكة بلهاء. آه صح. طب انت مش فاكر بيتها فين خالص؟ اياد بهدوء مصطنع. لا. مني بتفكير. اممم. طب معاك رقم أي حد من عيلتها؟ اياد بهدوء. آه. بس مبيردش عليا عشان كان فيه مشاكل بينا. مني بهدوء. خلاص محلولة. gbs جيب رقمه. اياد بهدوء. تمام. الرقم أهو. ******* همشي أنا لحد ما تعرفي المكان وتقوليلي. عشان هحتاجك عشان في بينا مشاكل أنا وأخوها. تمام. مني بهدوء. تمام.

مشهد: روح صقر بغضب جحيمي وعروقه بارزة. راح لزين وضربه بالبوكس في وشه ونزل ضرب فيه. (خد علقة مخدهاش حرامي غسيل 😂😂😂) قاطعه صوت الظابط وهو بيقول. خلاص يصقر بيه. هيموت في إيدك خلاص. واحنا هنتعمل معاه الواجب وزيادة. وخد زين. وقبل ما يخرج. زين بخبث وبرود. راجع ليكوا تاني. وربنا ما هسيبك ليه يروح. وبص لي صقر باستفزاز. صقر لسا هيروح له. روح مسكت إيده وبصت ليه برجاء أنه مش يروح لزين.

صقر خد روح ومشي وركب عربيته. وطول الطريق كان الصمت سيد المكان. وراح القصر. تسريع الأحداث. وصلوا في الجناح. روح بدموع وشهقات. قربت من صقر اللي كان قاعد وعلامات الحزن على وشه وأيده على وشه. روح بصوت أقرب للبكا ومبحوح. ص.ق.ر. صقر فجأة مسكها جامد وقعدها على رجله. وقالت بصوت مبحوح. صقر مالك؟ انت زعلان مني؟ صقر بحنان وحزن. لا مقدرش. بس كل ما افتكر الحيوان ده بتعصب جامد. وبقول لو كنت اتأخرت شوية كمان. كان إيه اللي حصل؟

كنت ممكن أموت نفسي فيها. روح بدموع مسكت وشه بين إيديها. وقالت برقة. بعيد الشر عليك. إن شاء الله أنا وانت لا. وانفجرت في العياط. صقر بحنان اشتالها وراح عند السرير ونيمها وهي لسا في حضنه. وقعد يهديها ويطمنها ويقول لها كلمات غزل تنسيها اللي حصل لها. وبعدين قال بخبث وحب. رووح. روح بحب. نعم. صقر بخبث. مش ناوية تديني فروالة بقا. روح بكسوف شديد. تؤ. صقر قرب وشه ليها جامد وقال بمشاكسة. مأكدة. روح بتحرك راسها بمعني آه.

صقر بمشاكسة وابتسامة عابثة. أنا قفلت الفون خلاص. مفيش هروب. ورفع صباعه ومشاه على عيونها ووشها. روح عضت صباعه وطلعت تجري على الحمام وقفلت الباب. وقالت بفرح. أحسن. أحسن. تستاهل ياقليل الأدب. صقر بغضب مصطنع. كده يارووح. اصبري. وبعدين قال مشاكسة. خلاص انتي حرة. أنا هروح لمها. روح بسرعة وتهور فتحت الباب وقالت. والله؟ خلاص خلاص. مش تسبني. صقر بسرعة مسكها من خصرها وقربها منه وقال. دخلت عليكي يمزتي.

روح بصدمة. قاطعهم صوت الباب. وكانت مها ولابسة فستان أو قطعة قماش بالأصح. ووشها مليان مكياج. وقالت بمياعة. صقر حبيبي. وبعدين قالت بصدمة. روح؟ إزاي؟ مش انتي روحتي مع زين. صقر ببرود. أنا رجعتها. وانتِ كمان ارجعي عشان غلط المشي كتير على اللي في بطنك. مها بصت عليهم بشر وغيظ ومشت. صقر بهدوء قرب من روح ومسك إيدها وقعدها قدامه على الكرسي. وقال بحنان. فاكرة الموضوع اللي اتكلمنا فيه قبل ما تروحي عند الحيوان اللي اسمه زين.

روح بحزن. آه. صقر مسك إيدها برقة وقال. كنت بتقولي مين اللي قال ليكي متخلينيش أقرب منك. روح بطيبة وبراءة. مها. صقر بغضب جحيمي وافتكر الكلام اللي هي قالته على روح وجمع الأحداث ببعض. وعرف أنها عايزة تفرقهم عن بعض. وقام بغضب وقال بصوت عالي جدا لدرجة كل اللي في القصر سمعه. مممههاااااااااااااا. عند اياد. قاعد بيشتغل على اللاب توب. قاطعه صوت فونه وهو بيرن. اياد بهدوء. الو. مني. اياد أنا عرفت العنوان. انت تعالِ بسرعة القسم.

اياد بفرحة. تمام تمام. مسافة السكة وهكون عندك. مني بهدوء. تمام. تسريع الأحداث. اياد راح القسم. وبعدين راح عند بيت روح. عند فارس وعفاف. كانوا قاعدين بيتفرجوا على TV. قاطعهم صوت الجرس. لسه بيفتحوا. عفاف بصدمة. منى.