رواية روح صقر الفصل الخامس عشر 15 - بقلم رنا احمد

في قصر العزايزي .. في غرفه ندا .... كانت تقف بدموع غزيره من تحت نقابها لذلك المشهد وماذا يكون أصعب من أن تجد حبيبك في أحضانه غيرك. كان ينظر إليها بثقه ليمدها إليها أما ندا فكانت تمسح دموعها سريعا لالتقاط أنفاسها. ندا بارتباك: اتفضلي ي روح اتفضلي ي خيتي انتي كمان وحشاني جوي. صقر: غريبه ي عني مقولتليش إنك جايه هنه. روح بنبره مهزوزه: ابدا كنت جايه أطمن على رحمه وهبه وندا وأشوفهم لأني اتوحشتهم جوي.

ندا: متشوفيش وحش ي خيتي اقعدي ارتاحي. روح بوجع: لا عاد معلش لازما أمشي عشان مأسيبش أمي لوحديها. ندا لتخفيف الأجواء: ربنا يخليهالك ي روح والف مبروك ي خيتي. روح بألم: الله يبارك فيكي. صقر: هوصل روح وأرجعلك لسه الكلام بينا مخلصش. ندا بقلق: تحت أمرك ي اخوي. صقر: يلا ي روح. كانوا يسيرون على الدرج لتقف أمامهم سوزي بدلع وابتسامه خبيثه. سوزي: انتي بقا روح بصراحه كان نفسي أتعرف على اللي سرقت قلب صقر العزايزي.

روح كانت تنظر إلى هيئتها وهي تتضغط على يدها بوجع وألم في قلبها ما عاد يحتمل كل ذلك الخفاء والغموض لتتحدث بنبره جاده بعض الشيء. روح: أيوه أنا روح تشرفنا ي هانم. صقر بغضب: متقوليش ي هانم مفيش هانم غيرك اهنه. لتنظر له بدموع وألم كأنها تتهمه. أنت كان وضعك في ذلك الوضع المهين. صقر بصرامه: عن إذنك ي سوزي يلا ي روح. لتسير بجانبه ذلك المغيبه لتنظر إليهم سوزي بغضب وغيظ. على الجانب الآخر ...

كانت تقف صباح وهي تفكر في حالتها ليخفق قلبها يخبره بأنها ليست سيئه لذلك الحد. ليعلن هاتفها عن رساله لتفتحها لتبتسم تلقائيا على ما بها. رسالة: كنتي زي القمر النهارده أول مره أكون كده مش قادر أتكلم مع واحده بجراءه يقف قدامك مبعرفش أنطق انتي عملتي اللي محدش قدر يعمله ي صباح. لتقرب الهاتف إلى قلبها بسعاده وهو يخفق بشده فقد تتدخل العشق إلى ثنايا قلبها ليغير كل شيء به الحب وحده قادر التغيير.

لتتنهد براحه لتذهب إلى غرفه صقر لإنهاء كل شيء. في غرفه رحمه ... كانت تقف بصدمه وهي تنظر إلى ذلك الاختبار الذي يوحي بأنها تحمل في أحشائها وأخيرا نطفه من زوجها. كانت تضع يدها على بطنها بارتباك وهي تحسس جنينها برفق لتبتسم تلقائيا وهي ترى شاكر يحتضنها بتملك من الخلف. لتخفي الاختبار سريعا ليقبلها في خدها بحنان. شاكر برغبه وهمس: وحشاني جوي جوي ي رحمه. رحمه بارتباك وهي تدفع يده: معلش ي قلب رحمه بس النهارده مش قادره واصل.

شاكر بضيق: فيه إيه عاد ي رحمه بقولك وحشاني. رحمه بحدة: فيه إيه عاد ي شاكر بقولك تعبانه فيه إيه. لتسرع إلى الحمام ليشعر شاكر بوجع شديد وألم فمن الواضح أن رحمه لم تتصفا معه بعد. فكان يشعر بأنه أخيرا قد تقاربت القلوب. أما هي كانت تقف خلف الباب وهي تبتسم ببراءه. رحمه: ههههه ماشي ي شاكر أنا هوريك النجوم في عز الضهر مانا خلاص هبقى أم الغالي أظبط اللي يليق بخبر زي ده يستاهل فرحة الدنيا وبعدين أقولك ي أبو الغالي.

في سياره صقر ..... صقر: مالك ي روح شكلك مش زين. روح وهي تنظر له بألم: انت عايز تتجوزني ليه ي صقر. صقر باستغراب: قصدك إيه عاد. روح بانهيار ودموع: قصدي أنا إيه لازمتي في حياتك ي صقر مجرد بنت صغيره عجبتك وخلاص مش كده. صقر بحده: انتي شايفه كده وإيه اللي أنا عملته خلاكي تقوليلي كده. روح بانهيار: اللي شوفته دلوقتي ي صقر أكبر دليل على ده طبعاً ندا أحسن مني بكتير مش كده. صقر باستفزاز: بصراحه عندك حق تحسي إنها ست مش عيله زيك.

روح بدموع: أنا عيله ي صقر أنا. صقر بضيق: اللي انتي بتعمليه هو اللي خلاني أقول كده انتي عارفه كويس أنا بحبك قد إيه ومصممه تقوليلي كلام أهبل. روح بصراخ: كلام أهبل إني ألاقي ندا في حضنك ده هبل. صقر: ده على أساس إيه عاد دخلتي لاقتينا بنحب في بعض ولا إيه مانتي شوفتي إنها كانت منهاره وكان لازم أكون جنبها لأني يعتبر نفسي الكبير في كل حاجة.

روح بصراخ: طب ما عندها شاكر أخوها أشمعنى انت عاد ده غير البت المايعه اللي شوفتها في القصر مين دي كمان. صقر بتنهيده: موضوع ندا ميخصنيش ولا يخصك ده يخصها هي ومش من حقي إنك تعرفي أما سوزي بقا فـ تعودي على وجودها لأنها دبحتني بسكينة تلمة ولازم أنتقم منها الانتقام اللي يشفي غليلي. روح بخوف: أنا حاسة إني معرفكش ي صقر حاسة إني خايفة منك.

صقر بعشق: أوعي تخافي مني انتي بالذات الحاجة الجميلة اللي في حياتي ثقي فيا ي روح أو عي تضيعيني من إيدك أنا بجد مش متحمل. روح بدموع: صارحني ي صقر قولي اللي جواك. صقر: مش هقدر ي روح ساعتها هفضح ناس من دمي وأنا مستحيل أكون كده. روح بتعب: طيب ي صقر روحني عاد لأني لازما أرتاح وأعيد حساباتي من تاني. صقر بخوف: قصدك إيه ي روح إحنا خطوبتنا بكرة وأنا مش هقدر أعيش من غيرك واصل.

روح بتنهيدة ألم: متقلقش ي صقر أنا كمان مش هقدر أعيش من غيرك بس محتاجة أقعد مع نفسي شوية. صقر بثبات: تمام يلا بينا. في قصر العزايزي .. كانت تسير صباح بحذر إلى غرفه صقر لتلمحها سوزي لتسرع إليها تتبعها ببطء لتبتسم بشر لتمسك بهاتفها سريعا لتصورها وهي تمسك بيدها ذلك العمل. صباح بابتسامه: خلاص عاد انت ملكش لازمه واصل أنا مش عايز صقر أنا لقيت اللي الحب اللي بجد ومبقتش صباح اللي كلها شر حاتم اتولدت على إيده صباح صباح جديدة.

لتشعر إلى ذلك الذي تنظر إليها بكره وغضب فحاتم هو عشق سوزي الأبدي. سوزي: كله اللي كده إلا حاتم ده أنا أولع في الدنيا باللي فيها أخلص بس من صقر وهدمرك وأحرق قلب حبيب القلب عليكي اللي حبك وفضلك عليا بعد كل اللي عملته عشان. في شقه قاسم ... قاسم بابتسامه: صباح الفل ي ست الحبايب. فاتن بلهفه: صباح الفل ي حبيبي تعال علشان عندي لك خبر حلو أوي. قاسم بابتسامه: أنا إن شاء الله اللي مستني خبر حلو أوي قريب بس قول لي ي أمي.

فاتن: فاكر صافي بنت طنط ليلي رجعت من أمريكا بالدكتوراه وزي القمر هنحدد ميعاد عشان نروح نطلبها. قاسم بابتسامه: لا ي أمي أنا إن شاء الله هتجوز أحلى بنت في الدنيا طالبة عندي أول ما تشوفوها هتحبيها أوي ي أمي. فاتن بغضب: انت بتقول إيه ي قاسم بقولك دكتوره تقولي طالبة عندك ده كلام. قاسم: ي أمي أنا بحبها دي بنت متربية أحسن تربية ومن الصعيد دي عاملة زي الأطفال. فاتن بغضب: كمان فلاحة ده انت اتجننت ي قاسم إيه الكلام ده.

قاسم بتصميم: ماما أنا بحبها. فاتن بغضب: بس أنا مستحيل أوافق على الجوازة دي أبدا ي قاسم. في منزل عثمان .. روح بدموع: هو ده اللي حصل ي أمي. بدريه بتنهيده: بصي ي روح ي بتي أنا مقدرش أقولك غير أن صقر إنسان محترم ي بتي محدش عارف إيه اللي مخليه يمكن حاجة تأذي حد من عائلته حد ربنا ستره يبقى مينفعش هو يفضحها ي ضنايا انتي المفروض تكوني فخورة بيه.

روح بدموع: أيوه ي أمي بس أنا بنادمه ومن حقي أغار عليه أنا عارفة إن صقر أنضف الناس وندا كمان بس غصبن عني اتقهرت. بدريه بلهفه: بعد الشر عليكي ي ضنايا من القهرة دي بكرة حنتك ي ضنايا افرحي ي قلب أمي وأخزي الشيطان الرجيم. روح بمرح: ياما اسمها خطوبتي فيه إيه عاد. بدريه بغيظ: وإحنا إش عرفنا ي بت إحنا نقوله عليها كده. روح: ولا يهمك ياما اللي انتي عايزاه قوليه. بدريه: طب يلا ي اختي ننام يلا. في جنينة القصر ..

جاسر بلهفه: عاملة إيه ي هبه. هبه بحزن: زعلانه جوي جوي الكل مشغول وأنا مش لاقيه حاجة أعملها واصل. جاسر بعشق: وأنا مقدرش على زعلك واصل تعالي نشوفوا هنعملوا إيه. رحمه بابتسامه: عامل إيه ي أخوي. جاسر بابتسامه: الحمد لله ي رحمه. رحمه بحنان: يلا ي هبه عندينا جوه شغل كتير يلا. هبه بسعاده: يلا ي رحمه. جاسر بعشق: خلاص ي هبه لازما تكوني مراتي أنا مبقتش أقدر أعيش من غيرك واصل. في المدافن ....

كان يقف صقر بدموع أمام قبر حازم فهو بالفعل كان يعتبره ابنه. ليضغط بيده بغضب جحيمي وتوعد. فلاش باك ... في فيلا صقر بأمريكا. كان يسير حازم بسكر واضح لينظر إليه صقر بغضب. صقر بحده: جرا إيه حازم هو كل يوم كده. حازم بسكر ونعاس: وبعدين معاك عاد ي صقر مقولتلك إني كنت مع ناس أصحابي.

صقر بحنان: ي حازم ي أخوي انت في أكبر جامعة هارفارد ي عني لازما تتخرج منها بمجموع كبير وتبقى دكتور كبير وتفتح مستشفى في الصعيد وتعالج الناس الغلابة زي ما كنت عاوز. حازم وهو يفرك في يده من أثر المخدر: طيب ي صقر أنا عايز أنام بقا تصبح على خير ي أخوي. صقر بتنهيده: ربنا يهديك ي حازم. في اليوم الثاني صباحا.. على مائدة الإفطار .. صقر: لا بقا كده كفاية نوم عاد. في غرفه حازم ..

كان حازم ساقطاً أرضاً جثة هامدة ليقترب منه صقر بدموع غزيره وألم يكفي العالم ليهزه فيه بطريقه هيستريه. صقر: حاااازم قوم ي أخوي رد عليا حاااازم. بعد عده أيام .. في أحد المخازن كان معلقاً عصام بحبل وهو صديق حازم المقرب. عصام بصراخ: نزلوني من هنا نزلوني. صقر بغضب: هينزلوك بس مش قبل ما تقولنا الحقيقة. عصام بصراخ: حقيقة إيه.

صقر بغضب: انت كنت صاحب حازم ابن خالي مات بجرعة زيادة من المخدرات مين اللي وصله للسم ده انطق بدل قسما بالله أدمنك هنا. عصام بخوف: لا هقول لحضرتك على كل حاجة حاتم حاتم الزهار وبنت عمه سوزي هما اللي وقعوا حازم وضحكوا عليه وخلوه يدمن واستولوا على أملاكه صدقني هي دي الحقيقة. باك ... صقر بتوعد وانتقام: وحياتك عندي ليكونوا مكانك قريب أوي ويدفنوا تحت التراب قريب أوي ي أخوي. صباح خطوبة صقر وروح ...

كان يقف صقر وهو يباشر إشرافه على العمال. جابر بابتسامه: واه عاد العريس بذات نفسه هو اللي واقف في الأرض. صقر بابتسامه: كيفك ي عم جابر إيه أحوالك. جابر بقلق: زين ي ضنايا بس كنت عايزك في موضوع أكده ي صقر ي ابني بصراحة فكرت فيه كتير جوي. صقر بقلق: خير ي عم جابر. جابر: بصراحة ي ابني من كام يوم كده روح كانت طالبة مني أنها تشتغل مع الأنفار بالأجرة بصراحة أنا اتفاجأت بصراحة بس أنا مش عايز البت دي تتبهدل.

صقر بغيظ مكتوم: البت دي ي عم جابر عيله صغيره وبتقول أي كلام متاخدش على حديدها ي عم جابر. جابر بابتسامه: ربنا يخليكم لبعض ي ابني سلاموا عليكم. صقر بغيظ: ماشي ي روح بتحديني. ليمسك هاتفه سريعا. صقر بحده: أيوه شاكر اسمعني كويس جوي كلم الشيخ علام يجيلنا بليل لأني هكتب على روح النهارده.