رواية رسالة الي زوجي العزيز الفصل الثامن 8 - بقلم نبض القلب

مرتضى: يافريده، أنا ماليش بيهم، أنا كنت مركز أصلح لهم الكمبيوتر وأمشي. فريده: (بتحذير) أوعى تروح لهم لوحدك. مرتضى: (يضحك) اطمني، هاخدك معايا. فريده: مش بهزر، قول لهم يجيبوا الكمبيوتر في المحل عندكم. مرتضى: (ابتسامة) حاضر. وصلوا أمام المنزل. فريده: (نظرت إلى الصيدلية) أنا نسيت، كنت عاوزة أجيب أي حاجة من صيدلية. مرتضى: انتي أصلاً مكنتش هتجيبي حاجة من صيدلية. فريده: صدقني نسيت، أنا كنت هجيب أي حاجة. مرتضى:

(وهو يحاول يكتم ضحكته) طب اطلعوا. أغلق مرتضى باب المنزل، ثم صعد الدرج، هو وفريده. فجأة توقف مرتضى وهو ينظر إلى فريده التي تصعد الدرج أمامه. مرتضى: (يتحدث في صمت) مالك فرحانة أوي كده ليه؟ عشان شايفاكي بتغيري عليا. فاق على صوتها. فريده: مرتضى، واقفت ليه؟ يلا اطلع. مرتضى: (انتبه لنفسه) ثم صعد الدرج حتى وصلوا للشقة. دخلت فريده ومرتضى الشقة. فريده: صدقني أنا كنت نازلة معاك عشان أجيب حاجة من صيدلية، بس نسيت فجأة. مرتضى:

(بتريقة) طبعاً، طبعاً أنا مصدقك. ثم تابع حديثه وهو يضع يده على كتفها: بقولك إيه، أنا عاوز أكل، جعان أوي. مش عارف ليه نفسي اتفتحت للأكل، يمكن عشان فرحان. فريده: إيه اللي فرحك؟ مرتضى: مش عارف. فريده: تصدق أنا كمان كده، جعانة وعاوزة آكل. مرتضى: فرحانة انتي كمان؟ فريده: باين كده. مرتضى: إيه اللي فرحك؟ فريده: (ابتسامة) مش عارفة. ثم تابعت حديثها: طب يلا ندخل المطبخ. مرتضى: قوليلي صحيح، إحنا هنعمل أكلة إيه؟ فريده: بيتزا.

مرتضى: طيب بتعرفي تعمليها؟ فريده: (بضحك) طبعاً، هنجيب طريقتها من على النت، وانت هتساعدني فيها. مرتضى: (بضحك) طبعاً، هروح أنام وأسيبك. فريده: طيب، مش هعمل البيتزا. مرتضى: بهزر، إحنا نعملها. لو طلعت البيتزا حلوة ناكلها، لو وحشة نبعتها لحد عزيز عليا أوي. فريده: (تضحك) قصدك مراد. مرتضى: (يضحك) طبعاً مراد. ذهبت فريده ومرتضى إلى المطبخ ومرت فترة طويلة من الوقت وهما في ضحك وهزار، معلناً قلب كل منهم رفضه أن يبعد عن الآخر.

في صباح يوم جديد، رجع مرتضى من شغله، بيفتح باب الشقة. فجأة جريت فريده عليه مسرعة وهي تحضنه. فريده: نتيجة ظهرت. مرتضى: (بقلق وخوف) عملتي إيه؟ كلمي. فريده: (بفرحة) جبت كلية طب. مرتضى: (بفرحة) بجد يا فريده؟ فريده: أيوه بجد. مرتضى: الحمد لله، الحمد لله. فريده: فرحان يا بيه؟ مرتضى: أيوه فرحان، حلمي اتحقق. لسه ليا حلم تاني، يارب يتحقق. فريده: إيه هو؟ مرتضى: (ابتسامة) بعدين، انتي دلوقتي يا دكتورة، اطلبي اللي انتي عاوزاه.

فريده: أول حاجة نروح المصيف. مرتضى: من عنيا، إيه تاني؟ فريده: مش عارفة دلوقتي، أول ما أفتكر هقولك. فجأة قطع حديثهم طرق على الباب. مراد: ندخل ولا نمشي؟ مرتضى: إيه يا عم، بيت بيتك، اتفضلوا. منال: (بفرحة) إزيك يا دكتورة فريده؟ فريده: الحمد لله، شفتي النتيجة؟ مراد: فضلت سهرانة طول الليل، مسكت رقم الجلوس وحطيته إيديها على خدها مستنية الموقع يفتح. منال: مبروك يا حبيبتي. فريده: الله يبارك فيكي.

فريده، وهي مازالت تكتب الرسالة. فريده: (وهي تكتب) صدقني فرحتي بنتيجتي يا مرتضى مش أكتر من فرحتي لما شفت الفرحة والسعادة في عينيك. بس وقتها أنا خفت إنك ممكن تسيبني. مرتضى: (وهو ينظر إلى فريده) إيه رأيك نروح المصيف؟ فريده: دلوقتي؟ مرتضى: (وهو يقرب منها بصوت منخفض) انتي طلباتك أوامر. مراد: فريده، هو بيقولك إيه؟ مرتضى: (التفت إليه) إنت مالك؟ مراد: طيب يا خوي، هنيجي معاكم المصيف.

أمام البحر وهم جالسين، وأمامهم منضدة صغيرة عليها بعض الأكل وعصائر. منال: أنا هنزل البحر، تعالي يا فريده. فريده: (بفرحة) طيب. مرتضى: لا طبعاً. فريده: (بزعل مثل الأطفال) ليه؟ عشان خاطري، أنا عاوزة أنزل البحر، عشان خاطري. مرتضى: انتي قلبتي طفلة زنانة كده ليه يا فريده؟ مراد: إحنا هننزل إحنا يا منال. ذهب مراد ومنال إلى البحر. فريده: (وهي تنظر بغيظ لمرتضى) ماشي. مرتضى: (يضحك) معلش.

ثم تابع حديثه: طب تعالي نمشي على الرمل شوية، وبعد كده ننزل البحر. في طريقهم وهم يمشوا على الرمل. فريده: هو انت ليه رفضت إنزل البحر؟ مرتضى: هننزل بس مش دلوقتي، مش شايفه ناس قد إيه في البحر؟ استنى لما الجو يهدى شوية، كمان الشمس تروح. فريده: طب انت رايح فين؟ مرتضى: رايح أجيبلك عباية. فريده: ليه؟ مرتضى: عشان تنزلي البحر بيها. فريده: ما ممكن أنزل بالـ dress اللي لابسة ده. مرتضى: لا، تعالي نروح نشوف المحلات فين.

ذهبوا إلى المحلات القريبة من البحر. داخل المحل. مرتضى: شوفي يا فريده عباية ليكي. فريده: شوفي عباية دي حلوة. مرتضى: عبايات الخروج هنجيبها بعدين. فريده: امال إحنا هنا بنعمل إيه؟ مرتضى: جيبي أي عباية، المهم عندي إنها تكون واسعة، مش تكون ماسكة أوي وتبين تفاصيل جسمك، وإنتي طالعة من البحر. فريده: (ابتسامة) حاضر. بعد فترة من الوقت اختارت فريده عباية، دخلت ارتدت العبايه في البروفة بالمحل ثم خرجت. فريده: (ابتسامة) كده كويس؟

مرتضى: (ابتسامة) زي القمر. قطع حديثهم صوت عمر. عمر: (بفرحة) آنسة فريده. مرتضى: (التفت إليه وهو يحاول يكتم غضبه) أهلاً يا عمر. عمر: إزيك يا أستاذ مرتضى. مرتضى: (وهو يكز على أسنانه) كويس أوي. فريده: (هي تضع يدها على قلبها في خوف وقلق في صمت) يعني كان لازم تظهر دلوقتي؟ أنا مصدقت إنه قلبي لان. مرتضى: (وهو ينظر بغضب إلى فريده) يلا، عشان نمشي.