رواية صعيدي علمني الأدب الجزء الثاني الفصل الثاني والعشرون 22 - بقلم حنين عادل

روح واقفه ساكته وبتبص ليه بصدمة. لوردينا ماسكه ضهرها وبتتوجع ودماغها اتخبطت. يونس: وربنا مافي حاجة من اللي في دماغك صدقيني. روح كانت بتبص ليه وساكتة. لوردينا: ليش هيك يانمر؟ وجعتني كتير. يونس قرب من روح. روح طلعت تجري وهوا يجري وراها. يونس: استني أرجوكي.. استني. الشركة كانت مليانة ناس. فجأة مالقهاش قدامه. كان بيجري زي المجنون يدور عليها. بيسأل نفسه: معقول دي روح؟

لو كانت روح ماكنتش هاتعمل كده. كانت هاتجنن، هاتزعق، هاتضرب. إيه اللي اتغير؟ طلع يجري بره الشركة مالقهاش. سأل السكيورتي ماشافوهاش. الدنيا شتت جامد مرة واحدة. قعد يبص مش لاقيها. يونس: عارفك بتحبي الشتا. أكيد هاتطلعي. كان قلقان وبيدور عليها في كل حتة. بيروح عند خالد مش بيلاقيها. بيلف عليها كل الشركة. بيقلق وبيبقى مش عارف يعمل إيه. معقول تكون سامية عملت فيها حاجة؟ بيمسك دماغه: فكر يا يونس. هيا فين؟

حتى الحمامات مش فيها. والأمن بيأكد إنها ما طلعتش. بيفتكر... #flash _back روح كانت قاعدة على رجله. روح: يا نمري. يونس: يا روح النمر. روح بابتسامة: افرض مثلا.. مثلاً يعني. يونس: أيوه. روح: لو أنا ضعت مثلاً ومالقتنيش هاتعمل إيه؟ يونس: استحالة تضيعي. عمري يضيع وإنتم لأ. روح: يا جامد.. ماشي. افرض بقا مالقتنيش. يونس: في حاجات كتير. من ضمنها موبايلك بيحدد مكانك. روح: لا. سيبك من الكلام العملي ده.

يونس: مش فاهم. عاوزة إيه يعني؟ روح بتحط إيدها على قلبه: عاوزة ده يلاقيني. يونس: آه. هاندخل في الهندي اللي لاحس دماغك ده. روح: مش انت بتقول بتعشقني؟ والعشق موجود سواء هندي أو عربي. ترابط القلوب ده مش بالساهل. يونس: يعني لو لاقدر الله اختفيتي أعمل إيه؟ روح: لو فكرت بقلبك مش بعقل الظابط هتلاقيني. #back يونس كان بيلف حوالين نفسه. وفجأة وقف. عامل: السطح.. السطح هنا مفتوح؟ يونس: أيوه يافندم. يونس: فين المدخل؟

بيشاور على سلم. بيطلع يونس عليه. بيفضل يطلع لحد ما بيوصل للسطح. بيلاقي روح واقفة وباصة للسما والدنيا بتشتي فوقها وهدومها اتملت ميه. بيقلع الجاكت بتاعه وبيقرّب منها وبيحطه فوق دماغه ودماغها. روح: ابعد عني يا نمر. اطلع من حياتي. كفاية بقى. يونس: كان ممكن من زمان. دلوقتي لأ. ماقدرش أعيش من غيرك. مش هبقى موجود من غيرك. مفيش نمر من غير روح. إن بعدت عنك كأني بعدت عن نفسي. انتي حياتي. عشقي. سلامي. أنا عايش عشانك انتي بس.

الجاكت بيطير من الهوا. والمطر بيغرق يونس وروح. يونس مسك وشها وبص في عينيها. يونس: بصي في عيني. بصت روح في عينيه. يونس: تفتكري أنا كداب؟ كل نفس بتنفسه بإسمك. انتي إدماني. قلبك بيقولك إني ماعملتش حاجة. أنا النمر اللي جددت قلبه. ونستيه وجعه. بتمشي روح. بيشدها وبيحضنها. يونس: أنا آسف على كل لحظة وجع مريتي بيها وأنا ماكنتش موجود واتسببت فيها من غير قصد. لأني عمري ما أجرحك بقصدي. روح: سيبني يا يونس أرجوك.

يونس: عمري ما أقدر أسيبك. روح بصت ليه بدموع. يونس بصلها: اعتبريني مش النمر. أنا حد غريب. احكيلي على اللي مضايقك. روح: للأسف عمري ما هقدر أعتبرك غريب يا نمر. لأنك قريب أوي. يونس: طب احكيلي. بيقعد يونس وبتقعد جنبه. روح: تعبانة يا نمر. مش لاقية نفسي. ماعادش حاجة من روح لما شفتها كده. أنا متأكدة إنك عمرك ما هتعمل كده. بس بدل ما أطلع شحنة الغضب اللي جوايا فضلت إني أمشي من غير كلام. أنا بقيت ضعيفة يا نمر.

يونس: أنا معاكي. هرجع روح وهابدأ. بصت ليه روح بإستغراب. شدها وقام. يونس بإبتسامة: أظن إن مافيش جو أحسن من ده للرومانسية. بيشدها وبيرقص معاها. وبيشيلها وبيلف بيها وهيا بتضحك. يونس بصوت عالي: بحبك. بصت ليه روح وهيا مبتسمة. في نفس الوقت كان في كاميرا بتصور فيهم أكتر من صورة.

بيشيلها يونس على إيده وبينزل على السلم. وهوا بيبص ليها. بيفضل ينزل لحد ما بيبقى قدام كل الشركة. والكل بيبص ليه ومتفاجئ. والبنات بتقول عليه إنه رومانسي. بفضل ماشي. وكل اللي مركز فيه عيونها. وهيا بتبص لعيونه. وكأنهم في عالم لوحدهم. لوردينا شافتهم وهيا ماسكة ورق. وقفت مستغربة. بيدخلها يونس العربية وهو بيركب. بيسوق يونس من طريق غير الطريق. بيشبك إيده في إيد روح. روح: انت رايح فين؟ يونس بيبصلها وبيبتسم وبيبوّس إيدها.

بعد وقت بتكون روح نايمة. يونس بيوقف العربية وبينزل وبيصحي روح ببوسة رقيقة على خدها. بتكون الدنيا ليلت. بتفتح عينيها بتبص بتلاقي قدامها البحر وقلب كبير على الشط بالشمع وجواه اسمها. بيمسكها يونس من إيدها. بتبص بتلاقي بوابة متزينة بالورد والنور. وممر مليان ورد أحمر وعلى الجنبين شموع. بتكون متفاجئة وبتضحك. ويونس بيبص لضحكتها وبيضحك. الممر بيوصل لكوخ متزين بالورد الأبيض والنور.

يونس: فيه فستان جوه البسيه. بس مش هتلاقيه بسرعة. روح بإستغراب: إزاي؟ يونس: قصدي هاتدوري عليه. ادخلي يلا. دخلت روح لقت ظرف واقع على الأرض. ب... افتحي الدرج الأبيض بتاع الكومودينو. وبتجّري روح تفتح الدرج بتلاقي علبة قطيفة. بتفتحها بتلاقي فيها عقد ألماس قمة في الجمال. بتمسكه وبتبتسم. بتلاقي ورقة مكتوب فيها: ح... ها يزيد جمال لما تلبسيه يا روح النمر. افتحي الدولاب الرف الأول. بتضحك روح بفرحة: إيه ده؟

معقول كل الرومانسية دي تطلع منك؟ بتجري على الدولاب تفتحه وبتدور على الرف الأول. بتلاقي علبة بتفتحها بتلاقي فيها فستان بيبي بلو. كاب وطويل ومزخرف بشكل جميل زي فستان الأميرات. بتحطه روح على جسمها تشوف شكله. بتكون فرحانة جدا. بتلاقي ورقة بتقرأها. ب... طبعاً بتقولي النمر اتجنن ولا إيه؟ وبقى رومانسي فعلاً. النمر اتجنن. بحبك يا روح النمر. اتخيلتك في الفستان أميرة. ودلوقتي بقا بصي تحت السرير. روح بضحك: مجنون.

بتحط الفستان على السرير جمب العقد. بتبص تحت السرير بتلاقي شوز عالية من النوع اللي بتحبه ولونها فضي وفيها ورقة. ك... بحبك. كملتي الكلمة زي ما كملتي حياتي. شايفه الشوز دي هاضربك بيها على دماغك. اخلص منك لو لسه زعلانة. روح بضحك: هاتفضل النمر. بتلبس روح الفستان والعقد. بتقرب من المراية بتلاقي مكتوب عليها: (افردي شعرك يا روح النمر. بحبه مفرود.) روح سابت شعرها على ضهرها ولبست الشوز. بصت لنفسها في المراية وكأنها سندريلا.

طلعت من الكوخ. لقت يونس واقف لابس بدلة وقمة في الوسامة. يونس: الجمال عدى الكلام. بينزل بركبته على الأرض وبيطلع علبة قطيفة وفيها خاتم. يونس: تتجوزيني؟ روح: ما إحنا متجوزين يا مجنون! يونس: عاوز أبدا معاكي حياة جديدة. مافيهاش حزن. مافيهاش غير روح والنمر. وافقي بقا. روح: بس أنا زعلانة والمفروض إننا هانتطلق وكده. يونس: عارف إن كل اللي فات كان من ورا قلبك. وبعدين لو عاوزة تتطلقي إيه اللي خلاكي تلبسي ده؟

كفاية بقا بعد يا روح النمر. ها هتوافقي بقا ولا إيه؟ رجلي ورمت. ضحكت روح ومسكت إيده. يونس بضحك: يادين النبي. أخيرا. لبسها يونس الخاتم. روح شدته وحضنته. يونس ضحك: دا إنتي واقعة أوي بقا. روح ضحكت وهيا في حضنه: افتقدت شعور الأمان اللي بحس بيه في حضنك. خوفي وأنا مش معاك ده إحساس وحش أوي. والأوحش خوفي عليك. بيحضنها النمر وبيقعدها على ترابيزة بيكون عليها العشا على ضوء الشموع.

بيتعشوا. بيقومها وبيرقص معاها وهيا في حضنه. مش بتتكلم. وكأن الحضن بيحكي عن اللي في قلوبهم. بيخدها يونس في حضنه وبيدخل القلب الكبير على الشط اللي مليان ورد. روح: انت عملت كل ده إمتى وإزاي؟ يونس: انتي أول اهتماماتي. مافيش دقيقة بتعدي من غير ما أفكر فيكي. بيقرب يونس منها ولسه هايبوسها بتحط إيدها على بوقه. بتقوم تجري. يونس بضحك: هاجيبك.

بيفضل يجري وهيا بتجري وبتضحك. بتحاول تقلع الجزمة. وقعت ويونس كان وراها علطول. وقع فوقها. يونس بضحك: يا محاسن الصدف. روح بتزقه من فوقها. بينام جمبها على الأرض. روح: كده عيب يا نمر. ضحك يونس عليها. يونس: بصي للسما كده. بصت روح للسما. شاور ليها يونس على نجمتين جمب بعض. يونس: دول روح والنمر. علطول مع بعض. مايقدرش يبعدوا عن بعض. هايختلفوا. هايحصل بينهم مشاكل. بس حبهم هايتحدى كل الصعب. بصت ليه روح بعيونها.

يونس: عنيكي الخضرا دي بتغسلني من جوه. ضحكت روح: جبت الكلمة دي منين يا يونس؟ يونس لعب في شعره وهو بيضحك: من خالد! بصت ليه روح وهيا بتضحك. يونس: ماتبصيش كده. الله. روح: ليه بقا؟ يونس: عشان هاضعف! اشتالها يونس وقام وهيا بتبص في عينيه. دخل الكوخ نزلها على السرير. ومسك خصلات من ياسمين شعرها يشم فيها. نزل بإيده على رقبتها ووشها وباسها بحب واشتياق كبير. وبدأ يقلعها الفستان. وسكتت شهرزاد عن الكلام المباح. _في الصباح.

بيصحي يونس من نومه مبتسم و...