رواية صعيدية امتلكتني الفصل الخامس عشر 15 - بقلم اسماء صالح

غادة بتزعق في المطبخ: انتي مش بتفهمي ولا انتوا شاطرين في البهايم اللي زيكم. واقفة قدامها بنت بتعيط بصوت مكتوم وبتعدل في هدومها المقطعة. جريت عليها فتحية بقلق: في ايه يا ست هانم؟ غادة بترمي الكوباية في الأرض: فيه زفت في غباء. قلتلها تعملي قهوة من غير سكر، تحط فيه سكر. مفيش دماااغ. فتحية بأسف: معلش يا ست غادة امسحيها فيا. هي لسه جديدة اهنه ومش من البلد. سعيدة داخلة ع صوت الزعيق: في ايه هنا بتزعقي ليه يا غادة؟

غادة بغرور: اسأليهم. رجعت بصت ع البنت: اعملي قهوة غير اللي اترمت. فاهمة. طلعت غادة بتمتم وهي طالعة ع السلم. سعيدة بطبطب ع كتف البنت: معلش يا حبيبتي. انتي اسمك إيه؟ ابتسمت بخوف وبصت لفتحية: اسمها فيروز. بنت اختي. هي مش من هنا من بلد جانبينا. هتقعد معايا. سعيدة: ااه. انتي قاعدة فين قبل كده وهتسيبي اهلك. فيروز بصوت واطي: ابوي وأمي متوفين. وعشت مع عمي وعياله. بس قلت اعيش مع عمتي اهنيه.

سعيدة: طيب يا حبيبتي. بصي علشان انتي لسه مش عارفه طلبات المطبخ هتساعدي فتحية. بس تكوني مهتمة شوية بالزرع بره. ماشي يا فيروز. هزت برأسها بابتسامة: حاضر يا ست هانم. طلعت سعيدة وسابتهم. فتحية: تعالي معايا يا فيروز بره في الجنينة. كبيرة والزرع فيها كتير وهنهتم بالورد. ماشي. فيروز بطيبة: حاضر يا عمتي. رقية كانت داخلة البيت. سمعت صوت غادة. وقفت شوية لاختفاء ظهور غادة.

وقفتها مريم: رقية انتي فين من الصبح. تعالي نقعد مع بعض بره. رقية بتمسك ايد مريم: مريم أنا عايزة اتكلم معاكي في موضوع مهم. استغربت مريم من ايد رقية متوترة: موضوع مهم. موضوع ايه؟ طيب تعالي في اوضتي فوق. سندت ع ايديها وطلعت معاها. سعيدة في اوضة مكتب جمال بترتبها. اكرم نازل ع السلم شاف الاوضة مفتوحة. دخلها. اكرم: بتعملي ايه يا مرات عمي. سعيدة: مفيش يا حبيبي بنضف الاوضة. انت عارف عمك مش بيحب حد يدخل الاوضة دي غيري.

اكرم: حقه الصراحة. فيها كل اوراق مهمة. طيب انا طالع ورايح ليهم المصنع. سعيدة: وهتسيب سمية يابني. ده النهاردة صبحيتكم. اكرم: انتي عارفه عمي وحازم. لازم نشتغل ع المصنع. سلام. في اوضة مريم. مريم بقلق: ها يا رقية. ايه الموضوع اللي عايزاني فيه؟ رقية: مريم أنا سمعت صوت غادة بتتكلم مع حد وبتقوله ع البيت. مريم باستغراب: بيت ايه. ومين الشخص ده. مش فاهمة.

رقية بخوف: مريم من الاخر. أنا سمعت صوت اسمه سليم. ده بيتكلم مع غادة. والاتنين بينصبوا ع عمي جمال وحازم في المصنع. وكل الفلوس. قامت مريم بصدمة: ايه. انتي بتقولي ايه. يعني هي اللي باعتة سليم ينصب علينا. يعني ولا شريك ولا حاجة. غادة كانت خارجة من اوضتها. سمعت مريم وهي بتقول اخر جملة. وقفت بخوف ورجعت اوضتها تاني. غادة بخوف: نهار اسود. سمعتنا. العامية دي تسمعنا وانا مشوفته. هتوديني في داهية. أنا لازم اعمل حاجة.

وقفت ورجعت شعرها بغضب. ونزلتها بابتسامة. وعرفت هتنفذ ايه. فيروز في الجنينة بتزقي الورد. وبت قص الزرع. بزعقة: استني عندك. كل دي مية بتزقيها للزرع. مينفعش كده. فيروز بتمثل القوة وبترجع خطوة بخوف: انت مالك انت. انت مين اصلا. ابراهيم: انتي اللي مين. أنا شغال عند العمدة. وبزقي الزرع ده. فيروز بارتباك: اا الشغلانة دي الست هانم هي اللي قايلالي عليها. روح روح. شوف شغلك بعيد. رفع حاجبه بابتسامة: شوف شغلك بعيد.

مسكها من دراعها قربها بوشه بعصبية. وقعت طرحتها وظهرت كتفها من تحت العباية المقطعة. مدارية بيه طرحتها. وفضل يبص في عينيها بتركيز. زاحته بعيد عنها بزعيق. وهو في عالم تاني ومش سامع صوتها. ومركز مع ملامحها الجميلة. الغفير: وبعدين معاك يا واد يا ابراهيم. مش هتبطل مشاكل من وقت ما جيت اهنيه. ابراهيم: فيه ايه يا غفير. البت دي بتدخل في شغل مش شغلها. فيروز بعصبية: هو اللي بيدخل. وواحد مش محترم. ابراهيم

بقرب وهمية احمرت بعصبية: بتقولي ايه. اخدت المية ودخلت جوه بتجري. بخوف من تحوله. ضحك على تصرفها ومشي. وساب الغفير يتكلم. فيروز دخلت المطبخ وهي بتنهد. ورمت جردل المية في الحوض: واحد متخلف وقلل الأدب. _إحنا بنكبر المصنع وهو محتاج كده. حازم واقف بيزعق في المهندسين: مين قللكم تكبروا المصنع وتبنوا ع اراضي أهل البلد. بتبنوا ع زرع الناس الغلابة ازاي. سليم بصوت عالي: أنا اللي قولت كده. بص حازم ليه بعصبية: وو.