رواية صعيدية امتلكتني الفصل التاسع عشر 19 - بقلم اسماء صالح

سعيدة: الحكومة كانت عايز’اك في ايه يا جمال ع الصبح بدري اكده؟ جمال وهو بيقعد ع الكرسي بتعب: كانوا عايزيني في موضوع سليم. سعيدة باستغراب: سليم هما اخد’وه حبسوه خلاص؟ جمال وهو بيشرب بق ميه: أيوه هيتسجن شهرين وغادة موجودة في المستشفي وعليها حراسة وتتحكم عليها بست سنين. سعيدة بخضة: ست سنين.. وكملت بكرة: بس تستاهل علشان تخطف بناتي وتبهدلهم كده.

جمال: ما هي المحكمة حكمت عليها علشان المواد المخدرة اللي كانت بتبيعها وتشتريها يا سعيدة. سعيدة براحة: الحمد لله ربنا بعدها عنا وعن شرها. ... أوضة أكرم.. واقف بخوف بره الحمام.. طلعت سمية بدوخة وحاضنة بطنها بتعب. أكرم بقلق: ها حاسة بأيه دلوقتي يا حبيبتي؟ سمية بألم: بطني وجعاني أوي يا أكرم مش قادرة. أكرم وماسك أيدها بتوتر: قلتلك يلا نروح المستشفي ومفيش اعتراض. أخدها وراحوا المستشفي. بعد ساعتين.. سعيدة مستنياهم بقلق..

وصلوا البيت والفرحة ع وشهم. سعيدة بلهفة: ايه الأخبار يا حبيبتي.. التعب ده أكيد دور برد شديد. سمية بفرحة: ياما أنا حامل. سعيدة بفرحة مفاجأة: إيه بجد يا سمية بتتكلمي جد؟ أكرم وهو بيقبل رأس سمية بسعادة: بجد يا مرات عمي سمية حامل بس لسه في أول أسبوعين. سعيدة بفرحة وبتحضنها: مبروك يا حبيبتي مبروك ربنا يكملها ع خير. مريم نازلة من ع السلم سمعتهم وجريت ع سمية بتحضنها: بجد يا سمية حامل مبروك يا قلب أختك.

سمية: الله يبارك فيكم. ابوكي فينه علشان أخبره؟ سعيدة: أبوكي طلع ع المصنع هو وحازم. تعالي يا حبيبتي استريحي هنا. ... في الجنينة رقية قاعدة ومعاها يحي بيتكلم معاها. رقية: ها وبعديني. يحي بطفولية: أنا بقي روحت ذاكرت كتي كتير وجبت مجموع كبير أوي. رقية: شطور يا يحي برافو عليك. فيروز بتقعد جنب رقية ع الأرض: روح كلم ماما يا يحي. يحي بطاعة: حاضر. فيروز بمرح: سمية هتجيب نونو زي القمر يا رقية. رقية بفرحة: إيه ده بجد هي حامل؟

فيروز: أيوه لسه جاية من عند الدكتور. عقبال ما نفرح بيكي. رقية بحزن وبفراغ: هو أنا هفرح زييكم.. أنا عمياء يا فيروز. فيروز بزعل عليها: رقية متقوليش كده انتي جميلة أوي وطيبة جدا وأنا بحبك أوي. وكملت بمشاكسة بتميل ع كتفها: ههه وناس تاني بتحبك. رقية بتوتر: ناس ناس زي مين؟ فيروز: زي سليم مثلاً. رقية بحدة: فيروز.. انتي بتقولي إيه بطلي هزار.

فيروز: هزار إيه انتي عارفه بيحبك كفايا أنه أنقذك ولما تعبتي كان هيموت من الخوف عليكي. رقية بحزن: هو صحيح غلط وغلطة كبيرة كمان بس مش معني أن أحبه أو يحبني مش هينفع يتجوز واحدة زي يا فيروز. فيروز بعفوية: يوه عاد مطلعيش العرق الصعيدي اللي فينا متقوليش كده تاني. ضحكت رقية ع كلام فيروز بانفعالية وقطعت الضحك: وإبراهيم. فيروز بهدوء متوتر: إيه ابراهيم ده مين ابراهيم ماله؟! رقية: مفيش!

راجل جدع وشهم وأنا بسمع حاجة كتير اليومين دول يلا خلينا كده. كانت فيروز هتتكلم.. قطع كلامها حضور ابراهيم وهو رافع كم جلابيته وفي إيده صندوق: صباح الخير. لامؤاخذة أم يحي قاعدة جوه. فيروز باستغراب: أيوه عمتي قاعدة مع ست سعيدة. ابراهيم بإحراج: طيب أنا هدخلها الحاجة دي عندها. دخل وسابهم مستغربين وسألتها رقية فيه إيه صندوق. فيروز: مش عارفه بس شكله فرحان أوي. رقية: يمكن هيتجوز. بصدمة: إيه..

وبصت مكان أثر دخوله بحزن: ممكن برضو؟ بليل.. سمية نايمة ع السرير وجنبها أكرم بيأكلها: مش قادرة يا أكرم خلاص أنا لسه في بداية الحمل مش كدة. أكرم باهتمام: في البداية بس حملك ضعيف ولازم تتغذي. سمية بتاكل: اممم كفايا مش قادرة أتنفس علشان خاطري. أكرم: طيب ماشي خلاص. حط رأسه ع رجليها وباس بطنها بحب وهي مالت برأسها وباسّت خدّه بابتسامة ونام بحضنها. بتقوم فيروز من النوم تشرب. طالعة من أوضتها بنوم داخلة المطبخ!!

سمعت صوت ابراهيم بيتكلم مع فتحية. ابراهيم: أنا مليش غير بنتي وامها متوفية من زمان وانتي عارفة. فتحية: عارفه يابني واكيد هفرح لبنت أخويا ومش هلاقي حد يحبها ولا يحافظ عليها غيرك. استخبت فيروز بعيد عنهم ووقفت بفرحة!! لاكن صدمت من كلام فتحية مقاطعة: بس مش هينفع يا بني. ابراهيم بزعل: ليه؟؟؟ فتحية بحزن: عمها وابن عمها كلمني وهيوصلوا بكرة. فيروز بصدمة خوف ووو..؟؟؟