رواية صعيدي خطف قلبي الفصل العاشر 10 - بقلم جروح لا تنتهي

في عربية جمال. جمال: الو يا هاجر. هاجر: ايوه يا جمال بيه اى اوامر. جمال: اللى هقولك عليه دا تعمليه. هاجر: أنا تحت امرك ياباشا. جمال: أنتِ بتقولي ان فيروز ادتك رقم دياب عشان تتواصلي معاها صح. هاجر: ايوه ياباشا. جمال: طب اللى هقولك عليه دا تنفذيه بالحرف الواحد تمام. هاجر: قول ياباشا وأنا هنفذ. جمال: اسمعي....................... فهمتي. هاجر بخبث: فهمت يا باشا. جمال بخبث: أنا مش عايز غلطة والموضوع دا يتم بكرة.

هاجر: عيوني ليك يا باشا بس حسابي فين. جمال: الموضوع يتم بكرة وهديكي اللى أنتِ عايزاه. هاجر: كدا اتفقنا سلام. جمال: سلام. وقفلو مع بعض. جمال: والله يا فيروز لعرفك مين هو جمال يا زبالة. عند فيروز. قاسم ويونس وسليم بيضحكوا. دياب بضيق: ما خلاص يا د انت وهو ايه دا. هاله باستغراب: هما مالهم بيضحكوا يا دياب. سليم بضحك: هو أنت متعرفيش. هاله: اعرف ايه يا ولدي. يونس بضحك: أصل في نحلة قرصت دياب في بوقة.

ساميه: ايوه صح هو مال بوقك في أحمر كده يا ولدي. دياب بيمسح بوقة. دياب بنرفزة لفيروز: عشان تبقي تحطي زفت روج تاني. قاسم بضحك: وهي روز مالها يا دياب ولا أنت اللي نمس. كلهم بيضحكوا لأنهم فهموا وفيروز هتموت من الإحراج. أحلام بضحك: خلاص يا واد منك ليه. دياب بابتسامة توعد: بكرة الصبح في اجتماع في الجنينة ليكم أنتم التلاتة وعايزكم وياريت تحضروا بالزوق بدل ما أخلي الرجالة تجيبكم بالعافية.

قاسم وهو بيخبط على إيده: مش قولتلكم آخر الضحك دا في مصيبة. سليم بخوف: عايزنا في ايه يا دياب. دياب بابتسامة صفرا: عايزكم في كل خير متخافوش. فيروز بإحراج: عن أزنكم أنا أنا هروح أنام. دياب: استني يا فيروز. فيروز وقفت وفجأة نزل على رجلها وطلع خاتم الماظ وبيلبسهوليها وبعدين وقف. دياب وهو بيبوس إيدها بحب: النهاردة أنا أسعد إنسان لأنك اتكتبتي على اسمي بحبك. فيروز بخجل: وأنا كمان. قاسم بهزار: أوعدنا يارب إمتى بس القمر يحن.

ليلى بتتكسف. يونس بزهق: ايه يا عم روميو يلا عايزين ننام. هاله: النهاردة جات أم نادر والله ست محترمة وآخر أدب. أحلام: اه والله آخر أدب وأخلاق. دياب: ايوه أنا عزمتهم إمبارح واتفقنا إن كتب الكتاب إن شاء الله بعد بكرة. ساميه: على خيره الله يا ولدي. فيروز وهي بتحضن فاطمة: ألف مبروك يا فاطمة. فاطمة: الله يبارك فيكِ يا فيروز. كلهم باركوا لفاطمة. ساميه وأحلام: نستأذن احنا بقا. هاله: ليه خليكم بيتنا معانا النهاردة.

أحلام: لا مرة تانية إن شاء الله. دياب: استني ما مرت عمي أنا هاجي أوصلكم. ساميه: توصلنا ايه يا ولدي دا التلات بيوت جمب بعض واحنا معانا سليم يعني متخافش يا ولدي يلا سلام. كلهم: سلام. هاله: يلا نطلع نرتاح احنا كمان. دياب: يلا. في صباح اليوم التالي. بعد ما خلصوا فطار. الحارس: دياب بيه سليم بيه مستنى حضرتك بره. دياب بتوعد: قوله إن جاي دلوقتي. فيروز: أنت هتعمل فيهم ايه. دياب ببراءة: متخافيش أنا مش هعمل فيهم حاجة خالص.

فيروز بشك: مش مرتاحة ليك. دياب بضحك: هتعرفي كل حاجة دلوقتي هو فين قاسم ويونس. ورد: أول ما خلصنا فطار طلعوا بره على طول. دياب: كويس طلعوا بالزوق أنا طالع دلوقتي. بره في الجنينة. يونس: ياترى دياب هيعمل ايه. سليم: مش عارف أنا قلبي واقع في رجلي. قاسم: وأنا والله مش قولتلكم آخر الضحك دا مصيبة. دياب: اهلا من غير كلام تعالوا ورايا. كلهم مشيوا ورا دياب لحد ما وقف عند الإسطبل.

دياب وهو بيمسك الكرباج: الإسطبل دا في خلال ساعتين ألاقيه نضيف. قاسم بهزار: مسيو جاك أنا ظابط محترم. سليم: يعني أنا اللي طبال مانا كمان ظابط. دياب: أنا مش عايز كلام كتير وأنت يا أستاذ يونس مش بتتكلم ليه. يونس: شوفت أنا محترم إزاي عشان معملش حاجة. دياب وهو بيقلد يونس: أصل في نحلة قرصت دياب في بوقة. قاسم وسليم ماتوا على نفسهم من الضحك. يونس: ايه دا أنا مش بتكلم كده وإنتوا بتضحكوا على ايه.

دياب: على فكرة كل الكلام دا من وقتكم أنا لو الإسطبل متنضفش خلال ساعتين هخليكم تعيدوا من الأول. راح قاسم ويونس وسليم غيروا هدومهم وابتدوا في التنضيف. قاسم بتأثر وهو بينضف: يا دنيا طفيتي شمعي. سليم بتأثر: يا ناس كترتوا دمعي. يونس بتأثر مصطنع: والعمر راح هضر. دياب: هتفضلوا تغنوا كده كتير صوتكم يقرف. قاسم: أهلي دول وأخوات ولمة ولا دول تعابين وسامة. دياب كان هيتكلم قاطع كلامهم تليفونه اللي رن. دياب: السلام عليكم.

هاجر: وعليكم السلام دا رقم دياب. دياب: ايوه أنا دياب مين معايا. هاجر: أنا هاجر زميلة فيروز وكنت عايزة أكلمها ينفع. دياب: اه طبعا ينفع بس أنتِ عرفتي رقمي منين. هاجر: هي ادتهولي. دياب: تمام ثواني هديها التليفون. دياب دخل القصر. دياب: خدي يا فيروز كلمي صحبتك هاجر. فيروز أخدت منه التليفون وهو طلع بره. فيروز: ازيك عاملة ايه. هاجر: الحمدلله بخير بقولك ايه في شوية محاضرات تعالي خديهم.

فيروز: أخدهم من فين أنا مش معايا عنوانك. هاجر: عنواني اهو ******* هو دا يستي عنواني. فيروز: مش عارفة دياب هيوافق ولا لا. هاجر بخبث: هما خمس دقايق مش أكتر. فيروز: مش عارفة هقوله حاضر. فيروز لبست ورايحة عند دياب تقوله. فيروز راحت وشافت منظر يونس وسليم وقاسم ضحكت عليهم. سليم بغيظ منها: اضحكي يا أختي ربنا على الظالم. دياب: أنتِ رايحة فين. فيروز: رايحة عند صحبتي هاجر عشان المحاضرات. دياب: وخدتي إذن مين إن شاء الله.

فيروز: والله هروح بسرعة يا دياب والنبي. دياب: خدي السواق معاكي. فيروز: حاضر. وقفت العربية عند بيت هاجر. هاجر: استني هنا هما خمس دقايق وهنزل على طول أنا هطلع الدور التاني. السواق: حاضر يا هانم. طلعت فيروز لهاجر وخبطت على الباب وهاجر فتحت ليها. هاجر: تعالي ادخلي. دخلت فيروز. فيروز: ورق المحاضرات فين. هاجر بخبث: ادخلي الأوضة دي هتلاقيه في جرد المكتب. فيروز دخلت الأوضة. هاجر بصوت واطي: اطلع يا جمال هي جوا.

جمال طلع فلوس كتير: خدي اهو زي ما اتفقنا. هاجر أخدتهم بطمع: وأنا أعمل ايه دلوقتي. جمال: خليكِ متمشيش. هاجر: حاضر. في الأوضة. فيروز: هو فين الورق دا. جمال: ورق ايه أنتِ صدقتي اللعبة يا حلوة. فيروز برعب: ج جمال. عند السواق. السواق: الو يا دياب بيه فيروز هانم بقالها نص ساعة منزلتش وهي قالت خمس دقايق. دياب بقلق: ازاي يعني أنا جاي دلوقتي قولي العنوان. السواق: ***** هو دا العنوان يا بيه. قاسم: في ايه يا دياب.

دياب بقلق: فيروز بقالها أكتر من نص ساعة عند صاحبتها أنا رايح دلوقتي. سليم: استني احنا كمان هنغير هدومنا ونروح. دياب: تعالوا ورايا وهاتوا الحراس معاكم. جهز دياب نفسه بأقصى سرعة ولبس لبس مش صعيدي عشان يقدر يتحكم في نفسه (يعني لو هيجري أو كده) عند فيروز. فيروز: أنت عايز مني ايه. جمال: هو دياب الهواري أحسن مني في ايه. فيروز: دياب الهواري دا رجل منك يا زبالة. جمال صفعها على وشها. جمال: أنا هوريكي وشي التاني.

جمال مسك فيروز وشد منها الحجاب وكان بيقطع هدومها وهو بتصرخ. عند دياب وصل تحت البيت وجرى على العمارة وطلع على الدور التاني وكسر الباب ودخل هو والحراس. هاجر برعب: ايه اللي أنت عملتو دا. دياب بعيون حمرا: حسابك معايا بعدين يا زبالة خدوها. وسمع صوت صراخ فيروز. دخل الأوضة وكسر الباب في وصول قاسم ويونس وسليم. دياب مسك جمال وبعّده عن فيروز وكان بيضرب فيه بغل. وبعدين راح لفيروز وسليم أداله الجاكت بتاعه.

دياب لبس الجاكت لفيروز اللي بتبكي وكان ماشي بيها. جمال بضحك جنون: هههههه ملحقتش أعمل عليك في فيروز يا بن الهواري بس معلم عليك في موت أبوك. دياب وقف من الصدمة..............