رواية صعيدي معكي للنهاية الفصل الحادي عشر 11 - بقلم سلمي ابراهيم

المأذون: يلا يبنات تعالو امضو. قلقو البنات شويه لأنهم اتاخرو عليهم لكن فجأه سمعو صوت زعيق جامد تحت. زين: اطلعلي يحسن. جه وقت الحساب. أحمد: جينلكم بطولنا منغير رجاله زي ما انتو بتعملو. سامعين يعيلة الشريف. سمعو البنات الصوت ومسكوه في ايد بعض واطمنو اوي. زيدان: انزل انت وهو يلا ليهم. انا عاوزكم تدف.نوهم. ومتنسوش ان انتم 3 وهما 2 بس. ثروت: يلاثروت. هو دا وقتو يعني. مش عارفين يستنو شويه لحد ما نكتب الكتاب.

أحمد: متيجو. ولا معندكوش رجاله في عيلتكم. هتنزلولنا النسوان. حسن: يلا بينا يجماعه مينفعش يتحط علينا. أيمن: خشي انتي وهي وجوه الاوضه. ليله: حاضر. يلا يمريم. واخدتها ودخلو الاوضه لكن وقفو في الشباك يتفرجو عشان نارهم تبرد. خرج حسن وثروت وايمن وادامهم زيدان. زيدان: مش عيب اللي بتعملوه دا يزين انت واخوك. زين: لا والله. ولما ابنك النطع دا جه وضر.بني غدر وسط رجالته.

كان احمد عمال يفرك في ايدو وايدو بتاكلو اوي عاوز يجيب رقبة زيدان. زيدان: طيب انتو اللي اختارتو. خشو عليهم يرجاله عيلة الشريف. فجأه اتحول احمد وزين لاتنين بيض.ربو بيد من حديد. مسك احمد ايمن وفضل يض.رب فيه بغلل شديد ورقدو في الأرض ونزل فيه ضر.ب. وزين مسك ثروت لانو متغاظ منو جدا انو كان خاطب حبيبتو. ايوه زين وقع ومحدش سما عليه. فضل يضر.ب فيه جامد اوي. اما حسن واقف خايف يقرب اصلا لأنهم بيض.ربو جامد اوي وخلصو ضر.ب.

زين: سيبلي انا حسن يا احمد. أحمد: ماشي ونا هعلم عمي زيدان درس خفيف. مسكو زين من دراعه. زين: مينفعش دا راجل كبير. زق ايدو احمد. أحمد: متقلقش.

قرب زين من حسن واخد بتارو منو وهزقوهم وسط البلد. إنما احمد قرب من زيدان اللي كان خايف يمد ايدو عليه يقلل من هيبتو في البلد. وقف احمد ادامو وفي نار طالعه من عينه وبص لمريم اللي كانت واقفه في الشباك جنب ليله وفرحانين لكن مش مبينين. ورفع ايدو ضر.بو نفس القلم اللي هو ضربو لمريم وافتكر مريم كانت منهاره ازاي مقدرش يتمالك اعصابو ونزل فوقو يض.ربو لكن زين جري عليه وشد. زين: اهدي يا احمد اهديا.

أحمد: لازم يدوق من اللي بيعملو فيها. بيضربها لي هااا. ابقي مد ايدك عليها تاني. حط زين ايدو علي بقو وشدو وهدي احمد وبص لمريم وهي بصتلو بفخر شديد. وماهتمش حد لكلام احمد لأنهم فيهم اللي مكفيهم ومشيو. نزلت الام وفضلت تصرخ علي رجالتها وكمان ومرات عمهم وندهو علي ليله عشان تعالجهم لأنها دكتوره. وصل احمد وزين بيتهم وهما مبسوطين وحاسين بالنصر. الاب: ايوه كدا رفعتو راسنا.

زين: دا أقل حاجه يبوي. معاش ولا كان اللي يعمل كدا في عيلة رضوان. الاب: ونت يا احمد كنت بت.ضرب بغلل او. أحمد: اه طبعا مش اخويا ولازم اجيب بتا.رو. ضحك زين وخبط علي كتفو. زين: اه طبعا طبعا. وسابهم ابوهم ومشي. أحمد: المهم انا لازم اشوف حبيبتي دلوقتي. زين: ونا كمان لازم اشوف حبيبتي دلوقتي. أحمد: الكلام خادنا ومقولتليش. هو نت حبيت ليله. زين: اي يبني اللي انت بتقولو دا. يلا بينا نمشي. مسكو احمد من كتفو. أحمد: انت جبان.

زين: انت بتقول اي يبني. أحمد: انت جبااااان. زين: طب اقطم بقا عشان بجد هرقدك زي ثروت وحسن. أحمد: طب لو مش جبان بجد. قول انا بحب ليله. زين: اسكت دلوقتيا. أحمد: اهو. انت جبان. انا بحب مريم وبعترف. انا بعشق مريم. انا مدمن لمريم. اهو كدا انا راجل بعترف. زين: انت قصدك اني مش راجل. أحمد: اه مش راجل. زين: احمد اسكتا. أحمد: قول بحبك يليله. زين: بحبك يليله اوي. اوي. واخدوه في حضنه.

أحمد: لا انت فهمت غلط. انا مش ليله. يلا الحضن دا ليها. هيبعد عنو زين. زين: وربنا انت ابن كل.ب. وضحكو سوا. في بيت عيلة الشريف. كانت ليله ومريم قاعدين جنبهم بيطهرولهم الجر.وح. زيدان: انا. حتت عيل زي دا يضر.بني انا. حسن: وديني ما هسيبهم يبوي واخد حقنا كلنا. ثروت: بقا الاتنين دول يقدرو علينا احنا. واحنا ٣ لا لا. أيمن: وكتب الكتاب يعم. زيدان: انت حيو.ان يلا انت. كتب زفت اي دلوقتي منغير ما ناخد حقنا.

ابتسمو لبعض البنات وقامو وقفوا. أيمن: طب ما نبلغ الحكومه. زيدان: شيلو الحيو.ان دا من ادامي. احنا مبندخلش بينا حكومه من زمان يبني. هو دي أصول العيلتين. ليله: خلصنا يبوي. زيدان: غوري فداهيه انتي وهي ومش عاوز اشوف خلقت حد فيكم. ودخلو هما الاتنين ومريم مبسوطه اوي وليله كمان.

جهه الليل ونامو العيله كلها وكالعاده اتسحبو البنات وراحو لبيت احمد اللي تحت الارض. ونزلو لقوهم تحت. نزلت مريم في حضن احمد اوي حضنته بحب وفخر وحاسه راسها مرفوعة. مريم: بحبك اوياحمد. أحمد: ونا بعشقك اوي. وشالها فحضنو. أحمد: احنا هندخل الاوضه كدا نتكلم في موضوع مهم هااا. مش عاوز اسمع نفسكم بقا. زين: يلا يو.سخ من هنا. ليله: اختي ياض. اتظبط معها. وضحكو. زين: متيجي كدا نقعد في المطبخ. ليله: ماشي.

ودخلو هما الاتنين عملو شاي وبيشربو وهما بيتكلموا. زين: ليله. هو نتي عمرك حبيتي ابن عمك. ليله: عاوز الصراحه. زين: اتمني. ليله هزت راسها بلا. ليله: عمري ما حبيتو. انا حبيت واحد بس في حياتي. زين: انا كمان حبيت واحده بس. ليله: طب ممكن اعرفها. اصلا انت كنت هتقولها في اللعبه لولا اللي حصل. زين: اه ممكن طبعا تعرفيها. هي قريبه منك اوي. ليله: قول يزين. مين هي. ابصلها زين في عيونها اوي. زين: بحبك يليله. ليله بفرحه شديده.

ليله: انا. يعني عمرك ما هتسيبني زي احمد كدا. زين بضحكه. زين: اسيبك. اسيبك انتي. مظنش اني هقدر. انا بجد بحبك اوي. ليله بابتسامه. ليله: ونا كمان يزين. بحبك اوي وحبيتك اكتر لما اخدت حقي انا واختي. حتي لو من عيلتي. وفضلو فضفضو مع بعض كتير اوي ورجعو البنات لبيتهم ورجع الرجاله لبيتهم. أحمد: يعني قولت لليله انا بحبك وهتتجوزها زي انا ومريم. زين: اه قولتلها. ومش عارف الخطوه الجايه.

أحمد: زين. مفيش غير حل واحد. عشان نقدر ناخد مريم وليله. أحمد: هبقا اقولك لما اظبطو عالاخر. في الوقت دا كانت سماح خطيبه زين سمعت كل كلامهم وخرجت من البيت تتسحب وراحت تقابل شخص. سماح: اخواتك البنات الاتنين بيقابلو ولاد عمي. ومريم اختك متجوزه احمد. حسن بصدمه شديده. حسن: بتقولي اي.