رواية صعيدي و لكن عاشق الفصل الثاني عشر 12 - بقلم مني علاء

فيروز فتحت الصندوق لقت فيه لعب وهو صغير وعرايس، قعدت تضحك واستغربت. فيروز: ده كان بيلعب عرايس معقول. لفت نظرها صور كتير عليها تراب. الفضول غلب عليها، مدت إيديها بتوتر وخدتها واتصدمت بتلك البنت اللي بيحضنها وبيقبلها. صور كتير مع بعض في أماكن مختلفة، عيونها دمعت غصب عنها. فيروز: مين دي؟ أكيد حبيبته القديمة. هو خلاص سابها. اهدي يا فيروز. عقلها: سابها ليه؟ محتفظ بذكرياته؟ هو كان بيخدعك مش بيحبك.

فيروز: أنا اتضحك عليا للمرة التانية. أنا مغفلة فعلاً. لو سابها كان قطع حاجتها. وقعت على الأرض تبكي وهي تنظر للصور ولعب. دخل عليها جاسر، اتصدم بمنظرها وصندوق مرمي حواليّها وصور في إيديها. جاسر بعصبية وزعيق: إزاي تمسكي حاجتي؟ إزاي تمدي إيديك عليها وتخشي أوضتي أكده؟ فيروز بدموع: كلكم خونة وواطين. أنا ليه مغفلة عشان صدقتك وحبيتك؟ أنا غلطت أول مرة بس متعلمتش. عمري ما هسمحك على كسرة قلبي دي. جاسر بزعيق: اطلعي برررررره.

فيروز طلعت تجري على بره وهي منهارة. أسر: فيروز مالك؟ فيه إيه؟ فتحية: استني يا بتي، اهدي. مالك؟ وهي بتجري ومش سامعة حد، ركبت عربيتها ومشيت. غالية: تعبت أنا من البت دي، كل شوية مشاكل. چبالي: أكيد اتخانقت مع جاسر، لأنه مش موجود. فتحية: ربنا يهدي الأمور يا رب. أسر: هطلع أشوف جاسر. *** كان حد آخر يسمع تلك الأخبار وهو يرسم ضحكة على وشه. في تليفون. ... : كل حاجة اتنفذت يا هانم. وشافت صور وخرجت بتبكي. فين مكافأتي بقى؟

صفاء: حلو أوي. مكافأتك هتاخدها على داير مليم. هبعتلك كاش، بس متتورنيش وشك تاني، سامع؟ ... : فاهم يا ست هانم. تم انتهاء المكالمة. صفاء: أما أوريكم يا جاسر، أنت والمفعوصة دي، مكنش شعر ده على حرمة. *** أسر دخل على جاسر، شاف المنظر عرف السبب. أسر: مكنش ينفع أكده، جرحت البنية. جاسر بحزن: هي مسكت حاجتي ليه؟ ده تذكار الوحيد اللي متبقي منها يا أسر. مكنش حد ينفع يضيعه من إيدي، كفاية إنها ضاعت.

أسر بحب وقلق على جاسر: يا جاسر، صح أنا عارف حبك ليها كان لأبعد الحدود وفراقها عنك مكنش سهل عليك. بس هي ملهاش صالح، فهمتك غلط. كنت لازم تبرر موقفك معاها. هي كانت منهارة وهي خارجة. قام وقف وافتكر إنها خرجت ومتعرفش حاجة في البلد. طلع جري بره يدور عليها. *** كانت العيلة كلها ملمومين في الصالة تحت. فتحية: يعني بدل ما نحضر حاجات الخطوبة، نعقد كيف الحزنانة أكده؟

چبالي: لأ، نحضر الحاجة. ملناش دعوة بيهم، إحنا مش صغيرين عشان ناس تتراجل علينا بسبب هبلهم ده. غالية: وأنا من رأي أبويا. أسر: تمام، يلا نبدأ نحضر. مهجة وسالم دخلوا: وإحنا كمان هنحضر. فتحية: حبايبي، وحشتوني. عاملين كيف؟ سالم: بخير والله، المهم إنكم بخير. چبالي: اجعد يا ولدي. سالم: تسلم يا جدي. صفاء دخلت: هتحضروا من غيري، ينفع أكده؟ غالية: لأ، ميصحش يا صفاء. هتعملي معانا طبعاً. صفاء بصت لمهجة بضحك: ده أنا هعمل هعمل يعني.

وبدأوا يحضروا في الحاجة. *** جاسر كان بيدور عليها زي المجنون في الشوارع. قعد يرن عليها كتير، مردتش، بس تابعها بـ GPS. حدد موقعها، ركب العربية بسرعة وطلع. لاقاها راكنة العربية وقاعدة على رصيف شارع وبتعيط. قلبه كان بيوجعه عليها، مكنش يقصد يوصلها للحالة دي أبداً. جاسر قرب منها وحط إيده عليها، اتفزعت. رفعت وشها بعيونها الحمراء الورم من العياط. فيروز قامت وكانت لسه هتمشي، مسك إيديها. جاسر: استني هنا بقولك.

فيروز بصوت منبوح: عاوز إيه؟ مش خلاص جرحتني، عاوز إيه تاني؟ سيبوني بقا. جاسر: مخلتنيش أبرر الموقف، أدفع عن نفسي. هل سألتي نفسك مين دي وليه محتفظ بيها؟ ولا كل حاجة خيانة؟ ردي. فيروز: هترد تقول إيه يعني؟ أكيد حبيبتك اللي كنت قايللي عليها. أنا خلاص مش فارقة معايا. أنا هروح وأمي تيجي معايا ونرجع حياتنا تاني.

جاسر: أقول إنك غبية مبتفهميش. اللي قدامك دي فعلاً حبيبتي، بس كانت بعد ما عرفت إنها أختي في الرضاعة. وده سبب كرهنا لبعض أنا وسليم. كنا بنحبها، بس هي حبتني. ولما اكتشفنا إنها أختي، قررنا نرجعها له. لكن... (وبكى) موتها انتقم مني في أختي، وحضرتك جاية تضيعي الذكرى الوحيدة منها وتتفهمني عشان غبية. كل ده وهي واقفة مصدومة. تروح تحضنه وتطبطب عليه، ولا تجري وتعياط؟ إنها ظلمته، بقت محتارة، مكسوفة إنها تسرعت في تصرفاتها.

فيروز: أنا... أنا مش عارف أقول إيه. أنا أسفة، أسفة جداً. سوء تفاهم بس. أنا غيرت عليك، حسيت بخيانة، مقدرتش أستحمل عشان حسيت بوجع وألم من قبل كده من سليم. قولت أكيد هي عيلة واحدة، فصيلة واحدة. سامحني، أوعدك مش هشك فيك تاني. جاسر بحب: أنا اللي آسف إني ضيقتك ومشيتك منهارة، بس غصب عني. لأنها كانت روحي وتوأمي، بس القدر غلاب. فيروز حبت تغير الجو، مسحت دموعها ودموعه: صح، مانت بتكلم إسكندراني أهو. جاسر: بتكلم إيه؟

أي حاجة يا حبيبتي. مش عشان صعيدي تفكريني جاهل؟ أنا متعلم، بس احتراماً لأهل الصعيد بكلم بطريقتهم. فيروز: طب يلا جيبلي جيلاتي ويلا نروح عشان أهلنا، متقلقش. جاسر: فكك ياستي، انهارده هعزمك. فيروز بضحك: تمام يا حبيبي، هتصالحني يعني؟ *** صفاء كانت بتروق وتخرب في نفس الوقت، خبطت في مهجة. صفاء: وه! مش تحسبي؟ مهجة بتريقة: مخدتش بالي، معلش. صفاء قربت من ودانها بمكر: متفرحيش أوي، هخربها عليهم والفرحة مش هتم.

مهجة: لأ، هتم يا حبيبتي وهتشوفي. صفاء بمكر: هنشوف. تليفون صفاء رن. وشها قلب ألوان لما شافت الرقم. راحت على جنب بصوت واطي. صفاء: بترن ليه دلوقتي يا متخلف أنت؟ سليم: اتأكد إنه كله تمام، الخطة مظبوطة. صفاء: كله تحت السيطرة، طول ما هدفنا واحد يا ولد عمي. فتحية بشك: مين ده؟ اللي حبيبك يا بت؟ ***

مهجة كانت بتعلق الورد عند الجنينة وطلعت على كرسي وبتعلق. فجأة حست باختلال في توازنها وفجأة وقعت. كان إيد سالم سابقها ولحقها، وأغمي عليها. سالم طلع جري بيها على جوه، شافه العيلة كلها جت. فتحية سابت صفاء وطلعت تجري عليها. صفاء حمدت ربنا إنها نفدت. غالية: اتصل بدكتور يا أسر يا ولدي. بعد وقت، دكتور جه وكشف عليها وهي في أوضتها وخرج. سالم بقلق: خبرني يا دكتور، مراتي بخير؟ دكتور: خبر حلو جوي ليكم، المدام مهجة حامل.

سالم اتبسط أوي من الخبر وحضن جدو وأخته. صفاء اللي وقع الخبر عليها صدمة. والعيلة كلها باركتلهم وفرحت. واتصلوا بجاسر وخبروه إنهم اتصالحوا، وده كانت صدمة تانية بنسبة لصفاء. *** كان ماشي جنب فيروز وهما طالعين من الكافيه. جاسر: مهجة حامل يا فيروزتي. بيبص حواليه ملقاش فيروز. جاسر بخضة: فيرووووووووز.