رواية صعيديه و لكن الفصل الخامس 5 - بقلم لوليتا التركي

مصطفى: انتوا بتقولوا إيه؟ هتجوزوها 16 سنة إزاي؟ نعمان: نفس كلامي اللي قلته يا ولدي. رئيسة: وفيها إيه يا مصطفى؟ هي أختك صغيرة، ده اللي كدها شايل بيت لوحده. ماجدة: دي في عيني يا مصطفى. مصطفى: مش موافق. مسعد: لما أموت ابقى قرر انت. مصطفى: بعد الشر عليك يا أبويا، بس أختي صغيرة لسه. مسعد: الفرح الأسبوع الجاي يا فارس، جهز حالك. داخل غرفة نور مصطفى: انتي موافقة على كلامهم؟ لو مش موافقة آخد وأهمل الدوار.

فاطمة بابتسامة مزيفة: فارس زين يا أخويا ومهلاقيش زيه، راضية الحمد لله. مصطفى: أنا جنبك يا أختي في أي وقت. فاطمة: يديم وجودك يا حبيبي. عايزة أسألك على حاجة كده. مصطفى: في إيه؟ فاطمة: لما روحت لـ إيناس، زعلت أول ما عرفت إنك عاودت من الجيش، ممكن أفهم في إيه؟ تنهد مصطفى وأخرج العديد من الزفرات: بحبها ورايدها، بس هي ما تعيزانيش. فاطمة: أمال زعلت ليه يا أخويا؟ مصطفى: معرفش، وأنا مهجبرهاش عليا واصل.

فاطمة: هي قالتلك بعد عنها؟ مصطفى: مقالتش، بس تصرفاتها واضحة. أهمالك تنامي تصبحي على جنة. فاطمة: وانت معايا فيها. وتمر الأيام ويأتي يوم الفرح. فاطمة: يا أبا هتجوزني غصب! مسعد: ولد عمك وهتتجوزيه برضاكي أو غصب عنك. ويوجه كلامه إلى رئيسة: جهزيها يا مرة. رئيسة: أمرك يا ولد عمي. ويتركهم ويغادر. رئيسة: بطلي نواح وقومي جهزي حالك. إيناس: اتفضلي يا مرات خالي، وأنا معاها وهجهزها.

عقب خروج رئيسة، تلقي فاطمة جسدها على السرير وتبكي بكاءً مريراً. إيناس: استهدي بالله ويالا اجهزي والبسي، هتمشي من عند رئيسة العقربة وفارس زين وطيب. فاطمة: ليه انحرم من كل حاجة؟ اتحرمت من أمي ومن علامي، واتحرم اختار اللي هكمل معاه حياتي. إيناس: ربنا هيعوضك يا بت وهيراضيكي. فاطمة: يا رب. تدق الطبول ويهتف الجميع بالمباركات ومتمنين لهم زواجًا مباركًا وسعيدًا.

لتلبس فستانها الأبيض وتضع القليل من مستحضرات التجميل لتخفي شحوب وجهها، ولكن لم تتمكن من إخفاء حزنها. وتتجه إلى أسفل وتنطلق مع زوجها بعد عقد زواجها عرفيًا وبالإشهار. وتتجه مع زوجها إلى بيت تلك الأفعى التي تجهز لها الكثير من المشاكل. عزت: عاملة إيه يا قمر؟ نور: زعلانة عشان مجدرتش أحضر فرح فاطمة. عزت: هتخفي وابقي روحي باركيلها. نور: يا رب يا عزت. هانت وآخر امتحان وأرتاح. عزت: على خير يا قلب عزت.

مسعد: البت عمالة تخس، خايف عليها. تهاني: مفهاش حاجة يا أخويا، إن شاء الله هتبقى زينة. ربنا ميوجعناش فيها يا رب. مسعد: تخلص الامتحانات وهسفرها مصر تعمل تحاليل ونشوف دكاترة مصر الكبار. تهاني: يا ريت، جلبي وجعني عليها. نفسي ترجع تنكش معايا بالحديث زي الأول وتبقى زينة. مسعد: إن شاء الله. فاطمة: هملني لحالي وملكش دعوة بيه، جايبني أبقى جارية عندكم. فارس: إيه الحديث الماسخ ده؟

اتجوزتك عشان أعوضك عن اللي شوفتيه مع أختي وعشان رايدك مرتيه. فاطمة بخزن: وأنا ما أعيزكش، هتاخدني بالعافية. فارس بوجع: وأنا ما أعيزكش عافية. يالا اتعشي ونامي. فاطمة: له، ما أعيزاش أطفح. ليتركها ويتجه إلى الطعام قائلاً: براحتك، توفري منابك. هخلص على الوكل كله. ويبدأ يأكل متجاهلاً إياها. تنظر إليه بوجه طفولي وتلوي شفتيها وتهمس لنفسها قائلة: هيخلص الوكل كله وأفضل جعانة. ليبتسم لـ همساتها ويتجاهل وجودها. فاطمة: الوكل زين.

فارس: زين جوي.