رواية سافر وسافرت معه احلامي الفصل الثاني عشر 12 - بقلم حنين محمد

ريم بتزعق بصوت عالي: براء! أحلام: يا لهوي ده صوت ريم. ريم: انت يا حيوان يا اللي خاطف الرجالة، انزلي تعالي. أحلام: احترمي نفسك يا ريم، أنا مخطفتش حد، هو اللي اختارني. طارق: إيه ده، إيه فيه إيه؟ هو إحنا في سوق؟ أسراء: هي مين دي يا طارق؟ طارق: خطيبة ابنك. أحلام: استني يا ماما وأنا هفهمك. ريم: هتفهميها إيه يا بتاعة إنتِ؟ أنا عايزة براء دلوقتي. براء: خير يا ريم.

أحلام: تعال شوف يا براء علشان أنا مش هستحمل أي حاجة أكتر من كده. ريم: مش أنت كنت وعدتني إنك تتجوزني؟ أسراء: نعم يا حبيبتي؟ ابني بيحب أحلام وأحلام بتحبه. أحلام: احم احم، اهدي يا ماما مش كده. براء: أنا مش واعد حد يا ريم، واتفضلي دبلتك واتفضلي بره البيت. ريم: أنت بتلعب بقلبي يا براء، أنا حبيتك. براء: أبوكي قال ليكي إني زي أخوكي وأنا خطبتك بسبب أبوكي وخلاص. ريم: والله يا براء مش هسيبكم تتهنوا ببعض.

براء: والله يا ريم أنا قايلك إني مش بحبك وإني بحب... (وبيبص لأحلام وبيسكت) أحلام: خلاص يا ريم، ربنا يعوض بالأحسن منه. ريم: (بتمشي وتسبهم بغيظها) أحلام: خلاص يا عمي، روح نام. طارق: يلا يا أسراء، وكلامي معاك بعدين يا براء. (براء بيطلع أوضته) أحلام: يا براء. براء: خير؟ أحلام: هو أنت هتعمل إيه مع أبو ريم؟ براء: ده موضوع ما يخصكيش. أحلام: (بصوت عالي) يعني إيه ما يخصني؟ مش أنا خلاص مراتك ولا خيال مثلاً؟

(براء بيدفعها للحائط وبيقف قصادها وبييبص في عينها) براء: قولت لك ما يخصكيش يبقي خلاص، وما تعليش صوتك عليا يا أحلام. (أحلام بتتوتر من قربه ليها) أحلام: خلاص يا براء ابعد كده. براء: إيه؟ ما تخافيش مش هاكلك. (وبيدخل الحمام بيغير وبيطلع) أحلام: يا براء، أنا هنام على الكنبة. براء: وحياة أبوكي بطلي هبل. أحلام: أنا بتكلم جد يا براء. براء: لا هتنامي على السرير. أحلام: أوف بقى. براء: بطلي تقففي، حرقتيني.

(براء بينام على السرير وأحلام بتفضل قاعدة على طرف السرير) براء: هتنامي ولا أنادي على ماما تشوف الموضوع ده؟ أحلام: (بتضربه على ظهره) خلاص هنام أهو، اسكت بقى. براء: ما وجعتنيش على فكرة. أحلام: ما أنت جبله. براء: (بيمسك أيدها) طب هلي يومك يعدي بدري. أحلام: لا ولا بدري ولا مش بدري، أنا هنام، أوعى كدا. براء: (بيضحك) أيوه كده. (أحلام بتنام على الطرف) براء: تصبحي على خير يا أحلام. أحلام: (ماسكة ضحكتها) وأنت من أهله يا براء.

(في نهار يوم جديد) أحلام بتلاقي نفسها نايمة في حضن براء. أحلام: يا لهوي، والله كنت حاسة إن هيحصل كده. (وقبل ما تقوم بتوصل براء من راسها وبتدخل الحمام جري) (وبعد وقت بتغير وبتخرج) براء: آآآه يا راسي، حاسس إن في حاجة هنا. (وبيشاور مكان اللي بستوه فيه) براء: تعالي شوفي كدا يا أحلام، حاسس كأن حاجة بسيطة ورقيقة لمست رأسي. أحلام: (بتوتر) لا، رأسك زي الفل، إيه؟ (وبتنزل) براء: (بيضحك) ماشي يا أحلام.

أحلام: صباح الخير يا ماما. أسراء: صباح الفل، تعالي يا حبيبتي يلا علشان الأكل جهز، ونادي للواد براء. براء: أنا أهو، واد إيه بقي مش كبرنا على الحاجات دي، شوية وهبقى أب ولا إيه يا أحلام؟ (أحلام بكسوف) أحلام: هات يا ماما الطبق من إيدك. طارق: براء، عايزك في كام كلمة كدا بعد الأكل. روان: تعالي يا أحلام اقعدي. (أحلام بتقعد وبيفطروا) (وبعد وقت) براء: نعم يا بابا عايز إيه؟ طارق: عايزك تتجوز ريم. براء: نعم؟