رواية سأحبك بالتاكيد الفصل الخامس 5 - بقلم بتول عبد الرحمن

سها: هقولك أنا في إيه يا حبيبتي. ميرنا: اه ياريت تعرفيني من غير مماطلة. طلعت سها فونها بضحكة خبيثة وحطته قدام ميرنا بعد ما فتحته. ميرنا: وريني كده. خدت ميرنا الفون وفتحت بوقها من كتر الصدمة. ميرنا بصراخ: إيه ده... مين اللي عمل كده؟ نيره: اهدي يا ميرنا... اهدي. عمر: إيه الصوت ده... في إيه؟ سها: في قلة أدب ووقاحة... الأستاذة ميرنا اللي عاملة فيها واحدة محترمة... طلعت مقضوضاها. ميرنا ضربتها بالقلم وهي بتدمع: اخرسي...

أنتي تسكتي خالص. عمر: إيه اللي حصل ده... حد يفهمني بدل ما تنفضلوا كلكوا؟ سها: شوفت يا مستر عمر... اللي حصل ده أنا مش هسكت عليه... ولا علشان أنا قولت الحقيقة؟ ميرنا قعدت على الأرض وهي مش مستوعبة. عمر: ميرنا... أنتي... كويسة؟ سها: هتكون كويسة إزاي بعد ما اتفضحت... اتفضل شوف فضيحتها. خد عمر الفون من سها وشاف صورة ميرنا في وضع حرج مع واحد. علي: في إيه يا عمر؟ مردش عمر ومسح

الصورة من على الفون وقال: كل واحد معاه الصورة دي يمسحها فوراً... خلال ١٠ دقايق ملاقيش ليها وجود... وأنتي (شاور على ميرنا) تيجي حالا مكتب صاحب الشركة. نيره قعدت جنب ميرنا: ميرنا... قومي... قولي إيه حاجة... برري... أنا واثقة فيكي... متسيبهاش تستغل الفرصة. بصتلها ميرنا بعيون مليانة دموع وقامت راحت على مكتب صاحب الشركة. السكرتيرة: صاحب الشركة مش موجود دلوقتي... مستر عمر قالي أخليكي تروحي مكتب مستر علي.

راحت ميرنا مكتب علي ودخلت. عمر: ممكن تفهميني إيه اللي حصل تحت ده؟ ميرنا: أول حاجة شكراً إنك خليتهم كلهم يمسحوا الصورة... تاني حاجة أنا معرفش إيه حاجة عن الصور دي ولا عمري شوفتها. علي: أومال إيه اللي حصل تحت ده؟ ميرنا: معرفش... بس أنا متأكدة إن سها هي اللي ورا الموضوع. عمر: وهتستفيد إيه؟ ميرنا: إني أتطرد من الشركة علشان تاخد مكاني. عمر: عندك دليل على كلامك؟

ميرنا: لو فتحتوا كاميرات المراقبة هتلاقوها كانت بتقولي إنها أحق بالمكانة دي عني وإني مش سويت المكان ده غير كده لو نزلت دلوقتي كلمتها لوحدي هتفهموا كل حاجة. عمر: تقدري تاخدي بقية اليوم إجازة وبكرة هنعمل اللي قولتي عليه... ومتقلقيش لو أنتي مظلومة حقك هيرجع. ميرنا: أنا واثقة في ربنا. عمر: تقدري تتفضلي. خرجت ميرنا من الشركة وهي بتخرج سمعت حد بينادي عليها وكان واحد زميلها. ميرنا: أفندم... في حاجة؟

_: أنا آسف لو كنت عطلتك عن حاجة... بس ممكن أخد من وقتك دقيقتين؟ ميرنا: آه... اتفضل. _: أنا عارف إنك محترمة جداً ولا يمكن تكوني أنتي اللي في الصور ومصدقتش بصراحة. ميرنا: اه وبعدين؟ _: ممكن تديني رقم باباكي أو أي حد من عيلتك؟ ميرنا: أفندم... ليه؟ _: أحم... بصراحة... أنا شايف فيكي واحدة محترمة... ومعجب بيكي جداً وحابب أتقدملك.