رواية سأحبك بالتاكيد الفصل السادس 6 - بقلم بتول عبد الرحمن

_: أحم ... بصراحة ... أنا شايف فيكي واحدة محترمة ... ومعجب بيكي جدا وحابب أتقدملك ... ميرنا: نعم ... طب وده وقت يتقال فيه حاجة زي دي؟ _: أنا بس خوفت إنك متجيش تاني. ميرنا: لا هاجي إن شاء الله. تاني يوم راحت ميرنا الشركة. علي: خدي الجهاز ده في شنطتك وانزلي تحت أتكلمي مع سها ... عشان نعرف إيه اللي حصل بالظبط ... اللي حصل ده كان هيأثر جامد ع سمعة الشغل. ميرنا: ده إيه ده؟ علي: جهاز تسجيل عشان نقدر نسمعكوا. ميرنا: تمام.

نزلت ميرنا لنيرة وكانت عارفة إن سها هتيجي تبدأ معاها كلام. نيرة: عامله إيه دلوقتي؟ ميرنا: الحمد لله خير. سها: إزيك يا ميرناا ... عاملة إيه بعد إمبارح يا روحي؟ ميرنا: أنا عارفة إن أنتي السبب في اللي حصل ده ... وصدقيني هتدفعي التمن غالي. سها: أنتي شاكة فيا ... أنا عايزاكي تتأكدي ... وبصراحة خطيبك كان سريع أوي في إنه يفبركلك الصور عشان ينتقم منك. ميرنا: مبدئياً ده كان خطيبي مش خطيبي ...

ثانياً أنتوا الـ٢ هتاخدوا جزائكم كويس أوي ... والكلام ده كله هيوصل لمدير الشركة وهتتفصلي خالص. سها: تبقي شاطرة لو قولتيلهم مين هيصدق؟ ميرنا: أنتي ناسية إن في هنا كاميرات؟ سها: وأنتي ناسية إنها فيديو بس من غير صوت وبعدين مش هيرجعوها عشان واحدة زيك. ميرنا: سبحان اللي مصبرني عليكي ... بس اللي هيحصلك هيشفي غليلي منك يا حزبونة. سها: هه ... أعلى ما في خيلك اركبيه. علي: سهاااا! سها: نَ .. نعممْ! علي: على مكتبي. سها: حَ ...

حاضر. ميرنا: مع السلامة يا صفرا. راحت سها مكتب علي وخرجت بعد فترة وهي كاتمة دموعها بالعافية ومغلولة وراحت مكتبها تلم حاجتها. نيرة: يلا بالسلامة غوروا. ميرنا: من غير سلامة. سها: مش دي النهاية ... وحياة اللي خلقني مش هسيبك. ميرنا: قالت أحمق منذ قليل أعلى ما في خيلك اركبيه. خدت سها حاجتها ومشيت وبعد شوية جاء زميل ميرنا اللي طلب إيدها. _: فكرتي في اللي قولت عليه؟ ميرنا: روح للي بعتتك وقولها مش هتعرف تؤذيني تاني.