ميرنا: روح للي بعتتك وقولها مش هتعرف تأذيني تاني. _: بعتني... بعتني لإيه؟ ميرنا: هنبدا الاستعباط... بص علشان انتي شكلك هفضى أصلاً... أنا عارفة الاتفاق اللي بينك انت وسها... فخدها من قصيرها واتكل على الله... بدل ما تحصلها. مشي من قدامها من غير ولا كلمة. في بيت عمر. عمر: معلش يا هاله أنا لسه راجع من الشغل وتعبان... لو سمحت سيبيني أطلع أوضتي. هاله: قولتلك ١٠٠٠ مرة متقوليش هاله... قول هلا... مش فاهمة فين الصعب في ده.
عمر: ماشي يا ست هلا... ممكن بقى تسيبيني أطلع أتخمد. هاله: هو انت كل ما تشوف خلقتي تقولي الكلمتين دول. عمر: معلش استحملي... سيبيني بقى. سابها وطلع أوضته. هاله: عاجبك اللي ابنك بيعمله ده يا عمتو؟ _: قولتلك اتقلي عليه... وانتي مبتسمعيش الكلام. هاله: اتقل على خطيبي... ده إزاي يعني؟ _: أحسن ما تكوني لازقة ويزهق منك. هاله: يووووه... إيه العلاقة الناشفة دي؟ صحي على صوت طفل بيصحيه: بابا... بابا...
اصحى يا بابا علشان تلعب معايا.. بابا. بيرد وهو نايم: سيبني أنام يا حبيبي دلوقتي. بيرد: لا... العب معايا لعبة حلوة. بيرد عليه: لما أصحى يا حبيبي. بيرد: أقولك سر. بيرد عليه: قول السر يا شبح. بيرد: بس مش تقول لحد. بيرد عليه: مش هقول لحد. بيرد: وعد. بيرد عليه: وعد. بيرد: ماما قالتلي إنها هتجيب نونو صغير نلعب بيه. بيرد عليه: وهي فين ماما؟ بيرد: أروح أنادي عليها. بيلاقوها داخلة عليهم. ميرنا: سيربراااااايز!
صحي من نومه مخضوض واستوعب أنه بيحلم... عمر: بسم الله الرحمن الرحيم. قام لبس هدومه ونزل على الشركة. علي: كنت عايز إيه؟ عمر: اطلع كامب.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!