رواية سأحبك بالتاكيد الفصل السادس عشر 16 - بقلم بتول عبد الرحمن

عمر: أحم… مش جايز بحبك. ميرنا: بتحبني!! … منا كمان بحبك جدا وبحسك أخويا اللي ربنا عوضني بيه. عمر: أبلع… أنتي شايفاني أخوكي يعني. ميرنا: واكتر كمان… أنت وقفت جنبي أكتر من أي حد وبجد أنا ممتنه ليك جدا. عمر: بس أنا مش أخوكي… أنا زميلك. ميرنا: أحلى زميل. عمر: عن إذنك… هروح علشان تعبان شوية. سابها ومشي من غير ما يسمع ردها. نيره: أنتي كنتي فين… برنّت عليكي وقفّلتِ فونك ليه. ميرنا: اعترفلي بحبه.

نيره: إيه ده بجد… طب كويس إن مشاعركوا متبادلة… أنتي كنتي خايفة يكون بيشفق عليكي ومش بيحبك زي ما أنتي حبتيه. ميرنا: رفضته بس بطريقة شيك. نيره: إيه ده لييييييه… أنتي واحدة فقر ليه كده. ميرنا: ممكن يكون حاببني علشان صعبت عليه. نيره: أنتي هتفضلي عايشة في الحزن كده كتير… أنا مش هقولك غير حاجة واحدة بس الدنيا بتاخد كتير بس في نفس الوقت بتدي فأنتي خدي اللي الدنيا بتديهولك أحسن ما ترجع تاخده منك تاني وساعتها هتندمي… سلام.

فضلت ميرنا تفكر في كلام نيره وتفتكر نظرة عينيه لما لمعت أو ما قالتله وأنا كمان بحبك جدا ولما دمعت أول ما قالوله بحسك زي أخويا. رنت عليه كتير جدا بس هو مردش. عند عمر. رجع البيت متنرفز ومش طايق حد وقابل هاله في وشه. هاله: عمر. وقف من غير ما يبصلها. عمر: لو هتتكلمي في موضوع مش مهم بلاش أحسنلك أنا مش مستحمل وعفريت الدنيا كلها بتتنطط في وشي. هاله: مش أنا اللي عايزاك… عمتو في المطبخ وطلبت مني أول ما ترجع أقولك تدخلها.

طلع عمر على أوضته ورزع الباب وراه جامد ومامته خرجت من المطبخ. _: في إيه الرزع ده. هاله: عمر جاي متعصب وطلع على أوضته. لين: مقالش ماله. هاله: هيقولي ليه… مهو مبقاش خطيبي… والبركة فيكي. لين: اللهم طولك يا روح… ماما أنا هطلع أشوف ماله ده. طلعت وخبطت ع الباب. عمر: مش عايز أشوف حد. لين: عمر… أنا لين افتح. عمر: امشي يا لين عايز أبقى لوحدي. كانت ميرنا بترن على عمر ورد عليها واستناها تبدأ كلام. ميرنا: عمر.

عمر: معلش يا ميرنا أنا مشغول دلوقتي أما أفضى هكلمك. مسبّلها فرصة وقفل علطول ولقى علي بيرن عليه. علي: أنت فين. عمر: في إيه؟ علي: أنت سايب شغلك وسايب الدنيا تضرب وولا في دماغك حاجة. عمر: وأنت لازمّتك إيه. علي: والله أنا لوحدي مش كفاية… المهم… في فايل ضايع. عمر: نعم… ده اللي هو إزاي يعني؟ علي: بندور عليه مش لاقينه وده فايل بتاع صفقة مهمة جدا.

عمر بزعيق: يعني إيه فايل يضيع يعني… احنا قاعدين في الشارع ولا إيه… وإيه الاستهتار ده… أنا جاي. في مكان تاني. _: حلو أوي… يبقوا يدوروني هيلاقوه إزاي… خلي الصفقة تضيع عليهم ويدفعوا الشرط الجزائي بقا… مفيش حد شافك وأنت داخل أو وأنت خارج. *: عيب عليكي… احنا عاملين حسابنا كويس أوي. _: كويس… والله لاندمكوا. في مكتب علي. علي: ما أنت عارف إن ميرنا كانت مسؤولة عنهم. عمر: حلو… كلمها اسألها عنه. علي: طب ما تكلمها أنت.

عمر: لا… مش عايز أكلمها. علي: هيّا في حاجة حصلت. عمر: مش مهم… المهم تكلمها وتعرف منها حطّته فين. علي كلم ميرنا. ميرنا: أنا لما عرفت إنه مهم بدّلته بفايل مش مهم وأخدته معايا علشان ميضيعش… بس إزاي الفايل اللي مش مهم ده اتاخد. علي: أكيد في خاين في الشركة كان فاهم إن ده فايل الصفقة المهمة وخده ع الأساس ده… مش عارف من غيرك كنا ممكن نعمل إيه بجد. ميرنا: ده واجبي وشغلي اللي المفروض أقوم بيه. علي: مش هترجعي مكانك بقا.

ميرنا: هاجي بكرة بإذن الله. راحت ميرنا الشركة تاني يوم واتقابلت مع عمر في نظرة طويلة من غير كلام. ميرنا: صباح الخير. عمر: صباح الخير… عن إذنك. عدّي أسبوع ع الحال ده وعمر بيتعامل معاها بحدود. ميرنا: وبعدين بقا… بقاله أسبوع مبيتعاملش معايا خالص. نيره: بيراقبك من بعيد وبيفضل يبصلك. ميرنا: بجدّ. نيره: أيوه بجد بس أنتي غبية وضيعتيه. ميرنا: أنا مش عايزة حبه لمجرد إني ممكن أكون صعبة عليه… وده أنا خايفة منه.

نيره: تفكيرك كله غلط في غلط… البسي بقا. ميرنا: طب أنا هروح أتكلم معاه. راحت ميرنا تدور عليه وسألت سكرتيرة المدير. السكرتيرة: في مكتبه جوّة. ميرنا: مكتبه… مش مكتبه آخر الممر… ده مكتب المدير. السكرتيرة: لا ده مكتب مستر عمر. ميرنا: إزاي. السكرتيرة: إزاي إيه… مش هو المدير… لازم يكون في مكتبه… هيكون فين يعني.