رواية سأحبك بالتاكيد الفصل الثالث والثلاثون 33 - بقلم بتول عبد الرحمن

_مبروك … أنتِ حامل. ميرنا بصدمة: لا لا شوفي تاني … مستحيل أكون حامل. _: والله حامل … أنا متأكدة. ميرنا: إزاي … أنا جوزي مبيخلفش. _: الفحوصات بتقول إنك حامل. ميرنا: ماشي شكرا. ندى وفيروز كانوا بره. ندى: حاسة إني في حلم بجد. فيروز: لا يا أختي علم … قولتلك ده أخويا وأنا عارفاه أكتر من أي حد مصدقتيش. ندى: صدقتك والله … يا ربي كنت واثقة إنك مش هتخذلني أبدا وهتديني كل حاجة بحبها.

فيروز: أنتِ وزينة عكس بعض تماما … هي كانت بتحب مازن ولما رفض حبها اتجوزت واحد تاني علشان تنساه ومشيت ورا عقلها بالرغم من إنها لسه بتحب مازن لحد دلوقتي … وأنتِ مشيتي ورا قلبك وفضلتِ منهارة لما عرفتِ إن مالك اتجوز .. بس في الآخر القلب اللي انتصر … بس لو مشيتِ بعقلك هتكسبي كرامتك. ندى: لا كرامة في الحب. فيروز: لا طبعا … الحب يعني احترام … اهتمام .. عدم إهانة … غير كده شكليات. ندى: بس لو شخ….. ميرنا جت وقالت: يلا نمشي.

فيروز: قالتلك إيه. ميرنا: دور برد بس مش أكتر. ندى: ألف سلامة. روحوا البيت وطلعت أوضتها وكانت بتكلم عمر. ميرنا: عمر أنت عملت العملية في مستشفى اسمها إيه. عمر: بتسأليني ليه … في إيه. ميرنا: أ… واحدة صاحبتي مرات أخوها مش بتخلف وعايزة تعمل عملية وبتشوف أحسن المستشفيات بره مصر … فسألتني قولتلها هروح واكلمك. عمر: مش عارف ليه حاسك بتحوري. ميرنا: وأنا هحور ليه يعني .. أنا غلطانة أصلا إني بقولك … خلاص مش عايزة حاجة … سلام.

عمر: استني يا مجنونة … أنا ما قولتش حاجة … بس أنتِ لسه مالفة الحكاية دي … صح؟ ميرنا: لا مش صح … أنا فعلا محتاجاها لصاحبتي. عمر: خلاص يا حبيبتي متْقفشيش … اسمها ( … ) عايزة حاجة تاني. ميرنا: شكرا. بحثت ميرنا عن اسم المستشفى وجابت رقمها وقررت تكلمهم. ميرنا: لو سمحت … كان في واحد عمل عملية في المستشفى عندكوا اسمه عمر الشعراوي عمره ٣٠ سنة كان جاي يوم (……) _: معاكي يا فندم … إيه المطلوب.

ميرنا: عايزة أعرف العملية فشلت ولا نجحت. _: حضرتك مين يا فندم. ميرنا: أنا مراته. _: أنا آسف … مقدرش أقول لحضرتك أي حاجة عن المريض غير بأمر منه هو. ميرنا: ما بقول لحضرتك أنا مراته. _: آسف مش هقدر أساعدك. ميرنا: طب حضرتك محتاج إيه. _: المريض نفسه اللي عمل العملية. ميرنا: تمام … شكرا. قفلت معاه ونزلت الصيدلية جابت جهاز الحمل تتأكد بنفسها وطلعت عملته ولقته شرطتين. ميرنا: لا كده في حاجة غلط … يا الله. رنت على نيرة.

نيرة: اللي وأحشني ومش معبرني. ميرنا: أنا في مصيبة. نيرة: مصيبة إيه … إيه اللي حصل. ميرنا: أنا حامل. نيرة: إيه ده ألف مبروك .. إيه ده ويت … حامل إزاي يعني … عمر مش بيخلف. ميرنا: ما دي المصيبة. نيرة: طب ما يمكن العملية نجحت. ميرنا: وهيقولي إنها فشلت يعني يا نيرة. نيرة: ما يمكن اتلغبطوا … كلميهم. ميرنا: كلمتهم … ما رضيوش يدوني معلومة واحدة بس. نيرة: إيه اللغبطة دي … ما أكيد مفيش تفسير غير إن عمر بيخلف. ميرنا: ده أكيد.

نيرة: طب قولي لعمر وهو يكلمهم يشوف لو اتلغبطوا أو أي حاجة. ميرنا: صح … أقفلي بقى عشان أكلمه. قفلت ميرنا مع نيرة وكلمت عمر. عمر: معلش يا ميرنا عندي شغل دلوقتي … هكلمك بعدين. ميرنا: عايزاك في حاجة مهمة. عمر: في إيه. ميرنا: أنا حامل.