رواية سأحبك بالتاكيد الفصل الثامن والعشرون 28 - بقلم بتول عبد الرحمن

سها: لو شوفت معاناتها هرتاح… هتساعدني سامي: في الشر… اكيد مش هساعدك سها: براحتك… وانا كمان مش هساعدك… حفصة هتكون بعيده عنك ومش هساعدك في اني اخليها تحبك سامي: يعني اساعدك في الشر وأشوف قلب واحدة بيتكسر طول العمر علشان سعادتي… انسي… روحي قولي لحفصة اللي انتي عايزاه… لكن اني اساعدك في اللي انتي بتقوليه ده… مستحيل سها: انت مش هتعمل حاجه غير انك هتسرب الغاز اللي في العربيه سامي: والنتيجه سها: هشوفها مكسورة

سامي: وده هتقبليه على نفسك… ثم إن اصلا ايه اللي مخليكي كارهاها كده… هيا اكيد نسيتك اصلا سها: أنا لو اذيتها زي م هيا اذتني هرتاح… هيا بعدت عني كل حاجه حلوة… رجعتني للفقر تاني سامي: سها… انسي اني اعمل اللي بتقوليه ده… حتى لو هعيش من غير حفصة… مش مهم… المهم اني مأذيش حد والاقي الاذيه دي تتردلي… كما تدين تدان مشي وسابها وهيا استحلفت: والله لاخليكي تتمني الموت ومتلاقيهوش عند ندى فيروز: طب م تحولي جامعتك في مصر ندى:

ليه يعني فيروز: بدل م انتي حابسه نفسك في الاوضة ومبتخرجيش منها علشان متشوفيهومش مع بعض بعد م اتجوزوا

ندى: عارفه يا فيروز لما فكرت مع نفسي… لاقيت أنه ميستاهلش اصلا دمعة واحدة مني… ميستاهلش كل الحب اللي أنا حبيتهوله… أنا كنت هخسر حياتي وكان هو مش فارق معاه… اللي قاله ألف سلامة وبس… ولا كان باين أنه زعلان أن بنت عمه كانت هتموت… ودلوقتي هو فرحان معاها وصوت ضحكهم بيوصلي لحد هنا… وانا هنا بموت ألف مرة في الثانية… فأنا دلوقتي بحاول أدوس على قلبي… واكيد العوض أحسن… لو كان خيرا لبقى فيروز حطت إيديها على قُرَّة

ندى: انتي سخنة… فيكي حاجة… تعبانة طيب ندى: أنا في أحسن حالاتي باب أوضتها خبط ومازن دخل مازن: ازيك يا فيروز… ازيك يا ندى فيروز: كنت كويسة وبقيت مش كويسة أما شوفتك مازن بابتسامة: بتسرقوا كلامي دايما يا حرامية فيروز: استحملنا بقا يا أبو غمازات مازن: أن مكنتش هستحملكوا هستحمل مين… ممكن تسيبيني مع ندى شوية فيروز: عيوني سابتهم وخرجت مازن: عاملة إيه ندى: الحمد لله على كل حال مازن: ليه الحزن ده… مش هتقوليلي

زعلانة من إيه برضو ندى: مش متضايقة والله أنا أحسن بكتير عن قبل كده مازن: مبتخرجيش من أوضتك ليه ندى: أنا مرتاحة كده أكتر مازن: مش هتشاركيني حزنك ندى: أنا مش حزينة… أوعدك إني هكون أسعد إنسانة زي م انت عايز تشوفني مازن: لو عايزة أي حاجة اطلبيها مني مش من فيروز ندى: حاضر عند ميرنا ميرنا: وأنا هعمل إيه… أنا مش عايزة حاجة غير وجوده معايا نيرة: انتي كده صح… خليكي معاه على الحلوة والمرة… ياما ناس اتجوزت وخلفت بعد ١٥ سنة جواز

ميرنا: أنا معنديش أي اعتراض… بس هو اللي شايل همي نيرة: متحسسيهوش بحاجة… حسسيه أنه كل حاجة بالنسبة لك… واعملوا فرحكوا في معادة متأجلوش ميرنا: لا مفيش تأجيل… حاسة إن احنا بقالنا كتير أوي نعرف بعض اصلا نيرة: هو هينزل إمتى ميرنا: بكرة تاني يوم راحت ميرنا مع لين ومنال المطار يستقبلوا عمر أول ما عمر شافهم جري على ميرنا حضنها منال: بعتنا أوامر… دي لسه مش مراتك على فكرة عمر: مقدرش أبعدك يا ست الكل… بس هي مش هروح معاها

لين: وبالنسبة للحضن ده إيه… دي مجرد خطوبة لسه عمر: غصب عني يا جماعة والله كبرتوا الموضوع ميرنا: عندهم حق على فكرة عمر: والله عارف بس غصب قولتلكوا… المهم يلا نمشي… ميرنا هتتغدى معانا النهاردة طبعا منال: من غير ما تقول… أنا عازماها عند سها سها: عرفت هتعمل إيه؟ _: اه عرفت… متقلقيش هنفذ اللي قولتيه بالحرف سها: حلو… بعد ما تعمل اللي اتفقنا عليه هديك الفلوس اللي اتفقنا عليها الموضوع ده إمتى طيب سها: الأسبوع الجاي

في بيت عمر كان عمر في أوضته بيغيّر هدومه وفونه رن عمر: إيه يا فؤش حبيب قلبي… أخيرا افتكرت إن ليك صحاب فؤاد: حبيبي يا مورا م انت عارف الشغل بقا… عندي مهمة هتحولني من عقيد لرائد بقالي يومين بفكرلها عمر: انت عارف إني سداد ليك في أي وقت… لو أي حاجة محتاجها أنا جنبك وفي ضهرك فؤاد: ده العشم يا أخويا… بس في واحد مهم في الدولة عايز أعرف عنه كل حاجة ومفيش ثغرات ليه عمر: مفيش حاجة اسمها ملقتش ثغرات… انت تعرف عنه إيه لحد دلوقتي

فؤاد: عنده حبيبة اسمها لورا… يمكن دي اللي ممكن تكون عارفة عنه كل حاجة تحت عند ميرنا ولين لين: والنبي يا ميرنا خدي القهوة دي طلعيها لعمر على ما أشوف ماما محتاجة إيه طلعت وقفت قدام الباب بس كلام عمر لفت انتباهها

عمر: ادخلها على إنك حنين وإنك بتحبها جدا ومتقدرش تعيش من غيرها… خليها تتعود على وجودك وتتعلق بيك وهتلاقيها بتكلمك كتير… املأ الفراغ اللي في حياتها… والف أي حكاية علشان تصعب عليها… ولو معرفتش تاخد منها اللي انت عايزه اتجوزها يومين كده وكده لحد ما تاخد اللي انت عايزه منها وبعد كده مش هتهمك في حاجة… البنات بتحب الدخلة دي… اظن الحوار هيكون عادي جدا رمت ميرنا كوباية القهوة من إيدها و