رواية ساكن الروح الفصل السادس 6 - بقلم ميادة يوسف

الجامعه محمد: لمحها قلبه دق، فضل واقف مكانه لحظه، مش مصدق إن في ملاك ماشي وراها، وهي مش واخدة بالها. قعد في مكان بعيد يبص عليها، وعينه منزلتش من عليها. محمد من يوم لما شافها أول مرة ومن وقتها، وهو بيشوفها في كل مكان، حتى وهو مغمض. سلمى: تعالي بقى يا سارة، عندنا سكشن عملي. حابة جوي إني أبدأ الرسم، من زمان والألوان والأعمال الفنية بتشدني. سلمى: بس لازم تكملي الحكاية، إيه حصل بعد كده، مع ابن عمك؟ تمام.

سلمى: تمام جوي، أنا عايزة أعرف، انتي بتحبي القصص والروايات جوي، ههههه. سميرة: إيه ده يا حاج؟ انت واخد الهدوم دي فين؟ شاهين: غيارين، كده واخدهم أحطهم عند أمينة في دولابها، أصلللللل… سميرة: 😏😏 اه ومالو برضوا ما يضرش، انت بقى ناوي تبات هناك، كتير، على كده؟

شاهين: أمينة، تبجى بنت خالتي، وتعتبر لوحدها. أخوها الوحيد مسافر له مدة، وبرة مصر، وأخواتها البنات، متجوزين بعيد، اللي في سينا، واللي في القاهرة، ومحدش جنبها، واجب نراعيها. واستحمليني يابنت الأصول. أنا عارف. وراح حاوط وشها بأيده، غصب عني، يانور عيني. وجت وهيعدي، بس هبجى أقولك بعدين، لينا قعدة، بس همشي دلوقتي. وباس إيدها وخدها وراح لأمينة.

سميرة: قعدت على السرير، وبقت تبكي، وتكلم في نفسها. معقول، ياشاهين، انت بعدت، فرحان إنك هتيجي أب، من جديد؟ لأ ومن مين، مراتك الأولى، اللي كسرت نفسك، قدام العيلة زمان، وكدبت، وقالت إنها سليمة. ولولا اتجوزتني، وربنا كرمني، كان زمانك، مفكر إنك مابتخلفش. بس جلبي بيقول، فيه حاجة، في عقلك. وأكيد لما تخلص، هنتكلم فيها، بس الصبر. أنا الغيرة، واكلة جلبي!! عند أمينة أمينة: سعدية خلصتي الأكل، ولا لسه؟

وخلصي وروحي انتي. شاهين، هيبيت هنا، من النهاردة. سعدية: عايزة الحلاوة بقى. شوفتي، الشيخ بتاع غويشة دهب، ماليش فيه؟! أمينة: سرو باتع إيه وهباب إيه، أنا الحب الأول، وأول بخته. ولما حملت، رجعلي تاني. أنا الأصل. وبعدين الراجل، لما يعدي الخمسين، ومرته تحمل، عقله، بيطير، ويبجى مش مصدق حاله. بلا سرو باتع. اسكتي واكتمي. شاهين جه!! شاهين: احم احم، إيه مالكم فيه إيه، بتتكلموا، في إيه؟

أمينة: ولا حاجة ياشاهين. الله، جبت اللي طلبتوا منك؟ وريني كده، وجبت إيه كمان. وشدت من الشنط اللي شايلها. إيه ده بس كده؟ شاهين: 😡😡😡 فيه سرو، معلش. بكرة ربنا يعدلها، يارب صبرني، وصبرنا على البعد ياسميرة، حجك عليا. أمينة: جبت لك هدوم هنا؟ شاهين: جبت أهم. اوعي أحطهم أنا. أمينة: اه معلش أصلي مش قادرة، أقوم. الدكتورة، منبهة عليا. معلش بقى. شاهين: ولا يهمك عادي، بس ربنا يجبرك على خير!!

أمينة: يجبرنا، ولا انت مش معايا ولا إيه؟ شاهين: أنا رايح المحجر، وبعدين المصنع، ومش عايز اتصالات كتير!! في الجامعة سارة: تعالي نروح الكفتيريا ناكل حاجة؟ سلمى: تعالي هنشرب حاجة. أمي عاملة لي قراقيش، وسندوتشات، بتعملها بطريقة حلوة جوي. سارة: كملي بقى حكاياتك!!

سلمى: حكايتي هههه، مش بقول، شكلك هتبجي كاتبة، مش رسامة. يالا كلو فن. بصي ياسيتي، إبراهيم بالنسبة لي، مش أكتر من ابن عم وبس. عمري ماشفته حاجة تانية خالص، ولا حتى أخ. زمان واحنا عيال كان ليه حاجات وحشة كده، ونظرات مش كويسة، وكلام عيب. نفسي ما جبلتوش، خلاني أخاف منه، وأبعد عنه. مش موضوع علام ولا حاجة، فكرت إنه طمعان فيا، بأي شكل.

_أنا نفسي، أتجوز واحد، ويكون الحب بينا، زي أبوي وأمي كده، كله حب وود، ومودة، واحترام، ثقة، وصبر، حتى في البعد والخلاف، بيكون بينهم وبين بعض، في حضنه حاجة كده سميها ساكن الروح. عايزة راجل زي أبوي وأمي من الآخر. سلمى: إيه يابت هتحسدي أبوكي وأمك؟

الله أكبر. بس عايزة أقولك، ماتخديش باباكي وماماتك، مقياس لحياتك، لأنك ما عيشتيش ظروفهم. يعني كل واحد وله حياته الخاصة بظروفها، وإيجابياتها وسلبياتها. الحياة بتختلف. ربنا يبعتلك ابن الحلال، اللي يحبك، ويقدرك صح، وانتي كذلك. واشكرى طنط على القراقيش والأكل الحلو ده، تسلم الأيادي. عند منال ومحمد منال: حمدلله على السلامة. جبت الورقة؟

محمد: حكومة، يا حبيبتي. بكرة بقى، مش عارف عايزة ختم إيه، ومين يمضي. بكرة، يالا جهزي الأكل، وأنا هاروح أنام شوية. منال: لأ والنبي، فيك حاجة متغيرة، باين عليك قوي. احكي قول!! محمد: أقول إيه بقى، دماغك فيها، عجن كتير، غياب جوزك الظاهر 🤔🤔🤔 روحي. دخل محمد أوضته، قلع هدومه، وراح يتوضى وصلى، ومدد على السرير، وغمض عينه. بس زائر الأحلام، ماسبوش في حاله، وبقى بيبتسم وهو نايم!!

منال: نهار أبيض، بيضحك وهو نايم، من امتى يا أبو وش كشر بتضحك؟ وانت صاحي، علشان تضحك وانت نايم، دانت جد الجد. بس والله فيه حاجة. قوم يالا قوم، الأكل جاهز. محمد: فيه حد يصحى حد كده، يا عديمة الرحمة والإنسانية؟ دانا طول اليوم، في كليتك بخلص لك ورق، مفيش دم؟ منال: لأ فيه، ما هو ده اللي مجنني، طول اليوم ليه في الكلية؟!! _انت هتروح شؤن الطلاب، وتجيب الورقة على طول، فيه إيه لازم أعرف؟ وهعرف!! وهتعترف بنفسك!!

_اه على فكرة، خطيبتك اتصلت، عليك، وبتقول، عايزة النقاش يعمل لون إيه؟ والله نسيت أتصل عليها.! محمد: 😔😔 إيه السيرة دي، بقى تصحيني، وتخليني أسيب الحلم الجميل ده، وتغمي نفسي كمان. روحي روحي، شوفي وراكي إيه، وقفلي الباب، أنا ماهكلش. مبسوطة؟ ☆☆☆☆ عند غنيمة غنيمة: أنا رايحة بيت عمك شاهين، لما أبوكي ييجي، ابقِ قوليله، ماشي. وخلصي شغل الدار، والأكل. مش أول واحدة، تحمل، فاهمة؟ مش جايبينك هنا، تنامي ونخدمك، ياعين أمك؟

مرات ابنها: تعبانة جوي يا عمتي، والحمل واجع جسمي. أروح أريح عند أمي يومين؟ غنيمة: يا حلو لي، وإيه كمان؟ قومي يا أختي، شوفي وراكي إيه!! _أنا ماشية!!؟ سميرة: شوفي مين يا سحر على الباب، مشغولة في المحشي. سحر: حاضر يا ماما. غنيمة: ازيك يا سحر، خفيتي؟ عمك عبدالله بيقول إنك تعبانة. جيت أشوفك. أمك فين؟ سحر: في المطبخ، جوة، استني أناديها. غنيمة: هو أنا غريبة؟ وسعي؟! _سميرة، يا سميرة بنادي يا أختي، إيه، ودنك وجعاكي؟

سميرة: يوه تعالي، يا أم إبراهيم. معلش صوت الراديو عالي، ماعرفش أقف في المطبخ إلا والراديو جنبي. أهلاً، تعالي معلش أيدي في الأكل. غنيمة: 😏😏 براحتك. بس البيت بتاعك، حلو جوي، أحلى من البيت الطين. النضافة حلوة!؟ سميرة: الله يخليكي، ربنا ما يحرمنا من الحاج، ويخليه لينا، طول عمره الحلو، كله جايبه لينا، ومحرمناش من حاجة. غنيمة: اه صحيح مرات جوزك حامل، كنت بكشف على مرات إبراهيم حامل برضو. إحنا مش هنفرح بسلمى؟

سميرة: ههههه معلوماتك بايته. أنا عارفة حمل أمينة من أول يوم، وربنا يجبرها، ويقومها بالسلامة، ويفرح الجميع. والف مبروك لمرات إبراهيم، يجبرها، وتقوم بالسلامة يارب. أما سلمى لسه فيه تعليم وجامعة. ولو فتحنا باب الجواز، دلوقتي جبل بكرة، ربنا يفرح الكل. غنيمة: 🫤🫤 الله يبارك فيكي. وسعي كده، هعمل فنجان قهوة. هو شاهين، مش بيجي يبات هنا زي الأول؟ سميرة: لأ الحاج شاهين، عارف ربنا، وبيراعي الكل. اتفضلي اعملي القهوة. بعد

أربع شهور عند أمينة أمينة: بتجول إيه ياشاهين؟ شاهين: لازم نروح نعمل التحاليل، ضروري، زي الدكتور ما قال. ما فيهاش عند دي. //// بعد ساعتين شاهين وأمينة عند الدكتور شاهين: خلاص يا أمينة، الدور علينا، وندخل للدكتور. اهدى بقى. أمينة: إيه ده صوت إيه؟ شاهين: ده التليفون المحمول، الاختراع الجديد ده، المهندس اللي بتعامل معاه جايبه لي. والله حاجة حلوة بتخلص شغل كتير. استنى هرد. شاهين: الو، أيوه. جمال: ازيك يا أبوي، عامل إيه؟

شاهين: هههه حبيب جلبي، الحمدلله. حلو جوي، انت أخبارك إيه؟ جمال: الحمدلله. إن شاء الله، هنزل بعد الامتحانات. سلم لي على أمي، وسلمى، وسحر كتير. أمينة: 🫤🫤 يالا الممرضة بتنادي!!! شاهين: بالسلامة ياحبيبي، هتصل عليك، من البيت وأكلم أمك وأخواتك. أستودعك الله. الممرضة: اتفضلوا. الدكتور: أهلاً اتفضلوا. عملتوا الأشعة المطلوبة؟ شاهين: اه اتفضل اهي. الدكتور: أخد الأشعة وشافها. امممم. أمينة: خير، طمني بالله عليك؟

شاهين: اهدى كده، كلو خير. الدكتور: بصراحة، الحمل لازم ينزل. فيه تشوهات خلقية. المدام حملت في سن صعب. واه فيه حالات بتبقى حلوة، وبتعدي. بس فيه حالات بيبقى فيها بعض المشاكل، أو مشاكل عموما. ربنا يعوض عليكم، ودي حكمة ربنا. وإحنا ناس مؤمنين وموحدين بالله. شوفوا هننزل الجنين امتى، بس لازم موافقة دار الإفتاء الأول. معلش، ده اتخاذ أنا بحب آخده؟!!

أمينة: دخلت في حالة بكاء وانهيار. لأ ياشاهين، والنبي، خليه. عايزة. أنا ما صدقت، ربنا يكرمني، ويرفع راسي، بين النسوان. أبوس إيدك يا دكتور شوف حل، أبوس رجلك. طب هيبجى معاق؟ موافقة، هيبجى إيه؟ موافقة، بس ييجي…. ياترى الدكتور هيعمل إيه؟ وإيه رد فعل شاهين؟ يتبع…