رواية سأنتقم لقلبي الفصل السادس 6 - بقلم زينب عادل

هنا بالم اه رجلي بس اللي بتوجعني اتلوت. عمر: طب تعالي اقعدي على الكنبة. هنا وهي تستند على عمر لكنها وقعت مرة أخرى: مش عارفة أقوم. عمر وهو يحملها: خلاص ولا يهمك، أنا هشيلك. هنا: دخلني الأوضة عايزة أرقد. عمر: انتي تؤمري وأنا أنفذ. يوسف بمرح: وأنا أتفرج. هنا: نينيني سخيف. عمر وهو يضعها على السرير: أطلبلك الدكتور؟ هنا: لا مش لازم، هي هتخف لوحدها. ثم أكملت بدموع: عمر. عمر بلهفة: قلبو مالك بتعيطي ليه؟

يوسف بسخرية: يامحنووو. هنا بدموع: عايزة عصير برتقال. وانفجرت في العياط. عمر باستيعاب: هو انتي بتعيطي عشان عايزة عصير برتقال؟ هنا: اه. يوسف: هنا انتي سخنة ولا حاجة؟ بتعيطي عشان عايزة عصير؟ هنا بدموع: وكمان بتريقو عليا، والله لأقول لحماتي، بااس ااع. عمر: خلاص خلاص هجبلك عصير، متعيطيش. هنا: لااا العصير اللي انت بتعمله عايزاه انت اللي تعمل العصير. يوسف: ااه بقا دخلنا في جو التوحم وهرمونات الحمل.

عمر: عيوني هعملك أحلى عصير برتقال فرش. خرج عمر من الغرفة وذهب ليصنع العصير لهنا. يوسف وهو يجلس بجانبها: عايزة تقولي إيه بقا؟ وبعدين رجعتي بسهولة كده؟ هنا: هو انت تعرف عني إني بسيب حقي ولا بسكت للي يأذيني ولا بسمحله يأذيني؟ انت تعرف عني إني بسكت كده؟ يوسف: لا، هتعملي إيه؟

هنا: أووف، عرفت البت اللي هيخطبها بني آدمة طماعة ومؤرفة ومش حلوة ومبتلبسش هدوم، بتلبس قمصان نوم وهي خارجة وجمالها جمال صناعي، عملت حوالي خمس ست عمليات تجميل. يوسف باستغراب: قمصان نوم بتخرج بيهم إزاي؟ وعرفتي كل ده منين؟ هنا: يوو يايوسف، الفساتين اللي هي مش فساتين أصلًا دي، اللي مبينة جسمها كله، وعرفت ده كله من مصادري الخاصة، وهعمل إيه؟ هعمل كتير. يوسف: ااه فهمت، هتعملي إيه بقا؟ هنا: هخلي باباك يكرهها.

يوسف باستغراب: يكرهها إزاي؟ ده هو اللي عايز عمر يتجوزها. هنا: اه، هو عايز يجوزها لعمر، لكن مش بيحبها ومش بيعرف حاجة عنها. هو عايز يجوزها لعمر عشان الشراكة اللي هتحصل لو الجوازة تمت. انت متخيل الشراكة بين العيلتين دول هتبقى عاملة إزاي؟ دي هتكسر السوق كله وهتبقى عالمية. يوسف بتفكير: معاكي حق، طيب هتعملي كده إزاي وهتعملي مع عمر إيه؟ هنا: أول حاجة هعملها هنقل أعيش في القصر معاكم.

يوسف: بس عمر هو أساسًا اللي جابك هنا عشان متقعديش مع بابا. هنا: أنا هقنعه، متقلقش، وعمر ده ابقي ادعيلو. يوسف: اه ياخويا، قلبي معاك. عمر من خلفه: لا ياخويا مش عايز قلبك، أنا عايز قلب حد تاني. ونظر لهنا. هنا: هات العصير، وقلبي بقا مش لحد، بقا ليا أنا لوحدي. ثم أكملت بتلذذ وهي تشرب العصير: محدش بيعرف يعمل عصير برتقال زيك. عمر ببعض الحزن: عشان تعرفي إن مفيش زيك.

يوسف: طيب أنا بقا هروح عشان عايز أنام، ياخلق أمي مصحيني الفجر بتقولي تعالي عشان أخوكي، ااه ده أنا لو مكانك كانت سابتني مرمي كده عادي. عمر بغيظ: غور يااه غور. يوسف: ماشي يعم مااشي. خرج يوسف من المنزل واتجه للقصر. عمر وهو يجلس بجانب هنا: هنا. هنا بمقاطعة: هتروح تتقدملها امتى؟ عمر بضيق: بعد يومين. هنا: تمام. عمر: هنا هو إحنا هنفضل كده كتير؟ هنا: كده إزاي؟ عمر بنفخ: هنااا انتي فاهمة قصدي.

هنا: عمر، إحنا هنروح نقعد في القصر. عمر: قصر مين ده؟ هنا هيكون قصر مين؟ قصركم يا عمر؟ هنروح نقعد هناك. عمر بغضب: لا ياهنا. هنا: أوو بقااا اسمع، هنروح نقعد هناك عشان أبقى جنب مامتك وهي تبقا جنبي في فترة الحمل وهتهتم بيا. عمر: أنا ههتم بيكي. هنا: أولًا مش هخليك تقرب مني أساسًا، ثانيًا لا، انت بتبقى طول النهار في الشغل، هفضل قاعدة لوحدي طول النهار كده. عمر: طب هجبلك ممرضة تساعدك.

هنا بغضب: لا مبحبش أدخل واحدة غريبة بيتي، وانت عارف. عمر بقلة حيلة: طيب هنروح الأسبوع الجاي. هنا: لا بكرة. عمر بسهولة: ارجووك. عمر: حاضر بكرة هنروح. هنا: خلاص اشطا، اطلع برا بقا عشان أغير وأنام. عمر: نعم. هنا: نعم الله عليك، برا عشان أغير وأنام. عمر: ليه ياحبيبتي قاعدة مع ابن أخوكي؟

هنا: لا ياحبيبي، وكمان هتنام في أوضة الأطفال أو أي أوضة تانية، هو انت مفكر عشان بتكلم معاك عادي إني هخليك تنام معايا في نفس الأوضة ولا تلمسني ولا تمسك إيدي حتى؟ بتحلم. عمر بغضب: ماشي ياهنا ماشي. وخرج من الغرفة بغضب. هنا: أحسن. وقفت تأخذ ملابس لها لتنام بها ودخلت الحمام، أخذت شاور سريع وارتدت ملابسها. دخل عمر دون أن يطرق. عمر: هنا كنت جاي آخد. هنا بصدمة: إيه داااااا. *** في أحد الكافيهات المشهورة.

كانت تجلس ميار مع صديقتها آية. آية: يعني انتي وافقتي عليه ليه؟ ميار: عشان فلوسه أكيد. هيبقا اسمي ميار السلامي، هبقا مليارديرة، يابنتي هجيب اللي أنا عايزاه وأشتري عربيات وكل اللي نفسي فيه. آية: امم بس انتي باباك بيجبلك كل اللي نفسك فيه ياميار. ميار: أيوه بس مش كل حاجة، وبرضو أي يعني هبقا أغنى وأعمل كل حاجة. وبعدين أحمل في ابنه وأخليه يكتبلي كل ثروته. (هبقى قبليني لو جابلك حاجة أصلًا)

آية بضيق منها: ماشي ياميار، أنا هروح عشان ماما تعبانة وهي لوحدها في البيت. ميار بعدم اهتمام: ماشي سلام. آية: سلام. وخرجت وتركت ميار. *** في قصر الأسيوطي. منار وهي تجري على السلم: ياماااامااا يابااابا ماااما الحقي.