رواية سأظل اقوى الفصل الثالث 3 - بقلم يارا عبد العزيز

نظر لها بصدمة شديدة وعيون مليئة بالغضب: قولتي إيه. نظرت له بخوف شديد: أنا حامل يا أسر. وقف بعصبية شديدة وتحدث بصوت عالٍ أرعبها: ده اللي هو إزاي؟ صفعها صفعة قوية سال الدم من فمها: انتي بتستغفليني يا زبالة؟ هو أنا مش قايلك مش عايز حمل؟ ببكاء: دي إرادة ربنا، هتتعترضي على قضائي؟ أمسكها من شعرها: ده انتي يومك أسود النهاردة، اللي في بطنك ده لازم ينزل. وضعت يديها على

بطنها وهزت رأسها بمعنى لا: لا لا، ده ابني، أبوس إيديك أنا ما صدقت إني هكون أم. بعصبية شديدة: قايلك لازم ينزل. وأنا قايلك مش هنزله. صفعها مرة أخرى: بقى بتتحديني؟ طب تمام، انتي اللي اخترتي، استحملي بقى. نظرت له بخوف شديد: هتعمل إيه؟ هنـزله بنفسي. أمسكها من شعرها وأخرجها من الغرفة، يسحبها خلفه من على السلم: حرام عليك، هموت. لم ينظر لها وأكمل حتى وصل للأسفل. نظر إليها ليجدها فاقدة للوعي وتنزف بشدة. نزل لمستواها

وهو يهز وجهها برفق: حور، حور. حملها سريعاً ووضعها في سيارته بخوف شديد. في المستشفى: هاتوا ترولي هنا بسرعة. اتجهوا إليه بالترولي: جهزوا أوضة العمليات بسرعة. بعصبية وخوف: انقذها بأي طريقة، مراتي لو حصلها حاجة هزعلكم كلكم. بخوف شديد: تمام. ظلت تصارع الموت في غرفة العمليات. كان ينتظر في الخارج بخوف شديد. سمية بخوف وبكاء: انت عملت في بنتي إيه؟ أسر: اهدى يا سمية. اهدئ إزاي؟

أنا بنتي حياتها في خطر بسببه، حرام عليك، هي كانت عملتلك إيه، ليه تعمل فيها كده؟ وابنك اللي من لحمك ودمك، ليه؟ والله العظيم لو بنتي حصلها حاجة ما هسيبك يا أسر يا رفاعي، والله ما هسيبك. يا رب انقذلي بنتي يا رب. ظل يسمعها وهو يفكر في حور وخائف عليها بشدة. خرج الطبيب من غرفة العمليات. اتجهوا إليه بخوف شديد: دكتور، بنتي كويسة صح؟ هي كويسة، بس مقدرناش ننقذ الجنين. هننقلها غرفة عادية وشوية وهتفوق.

ببكاء وهي تنظر لابنتها: منك لله، منك لله. في غرفة حور في المستشفى: بدأت أن تفوق من الإغماء: اااه. حور حبيبتي، انتي كويسة؟ وضعت يديها على بطنها: ابني، ابني، حصله حاجة؟ شدي حيلك حبيبتي. ببكاء شديد: لا يا ماما، انتي بتهزري صح؟ ابني، ابني. دلف أسر إلى الغرفة على صوتها. تحدثت بعصبية وهي تنظر له: اطلع برا، انت اللي قتلت ابني، اطلع برا، مش عايزة أشوف وشك تاني. دلف الطبيب ليعطيها حقنة مهدئة. نامت وهي تهلوس: ابني، ابني.

حبيبتي يا بنتي. ظلت سمية وأسر بجوارها. غفلت سمية على كرسي بجانبها. الممرضة: لو سمحت عايزين الأدوية دي من الصيدلية. تمام. خرجوا من الغرفة. استيقظت حور بأرهاق. نظرت إلى والدتها. خرجت من الغرفة وهبطت خارج المستشفى. كانت تسير في الطريق بتوهان وبكاء حتى قطع شرودها تلك السيارة التي اصطدمت بها لتسقط مغشى عليها.