رواية سائقة التاكسي الفصل الأول 1 - بقلم يارا عبدالسلام

من أحد النوادي، وفي قاعة الكراتيه، تقف المدربة مها وأمامها المتدربات. مها: لا، كدا مش عجبني خالص، دا مش شغل. إحنا داخلين على بطولة. الوحيدة اللي حاسة فيها حماس هي أميرة. حنوقف انهارده، والمرة الجاية حيكون في كلام تاني. الكل ينصرف، وتنادي مها: أميرة. أميرة فتاة جميلة، متوسطة الطول، نحيفة. أميرة: نعم يا كابتن. مها: أنا مبسوطة منك أوي. ومع تدريب أكتر، أنا متأكدة إنك حتاخدي البطولة.

أميرة بفرحة: والله بعد ربنا بفضل حضرتك وتشجيعك. مها وهي تملس على شعرها: وأنتِ هايلة، وإن شاء الله حتاخدي البطولة السنادي كمان. احتضنتها أميرة: يا رب يا كابتن، يسمع منك ربنا. مها: يالله، مش حعطلك. الباشمهندس واقف من بدري بره. أميرة بكسوف: ماشي، بايو. تخرج أميرة من الصالة. حلمي: إشمعنى أنا، منشفاها عليه. أميرة: هو إيه دا؟ هي دي؟ السلام عليكم. حلمي: لا بجد. أميرة: مش فاهمة حاجة.

حلمي: شايفك من الإزاز عمالي تبوسي في الكابتن وتحضينيها. إشمعنى أنا؟ ونبي، دا أنا غلبان وأستاهل العطف. أميرة تضحك ضحكتها الجميلة وتظهر غمازاتها. حلمي: لا، أنا مش قادر أستحمل. بالله عليكي لما أكون معاكي متضحكيش خالص. وتزيد أميرة في ضحكتها: لا، مش معقول، أنت مجنون. حلمي: أنا حروح لأبوكي بكرة. لا، بكرة إيه، دلواتي. أنا حتجوز على روحي. أميرة: استني بس، اصبري شوية كمان. حلمي: اصبر إيه كمان؟

كنتي بتقولي لما أخلص ثانوي، وخلصتي وحتدخلي كلية، بس عندي إن شاء الله. أميرة بكسوف: خلاص يا حبيبي، الي تشوفه. حلمي: مين؟ قوليها تاني كدا. ولا أقولك... اللهم صل على سيدنا محمد. ولا أقولك، أنا رايح لابوكي. ومشوا. أميرة بتضحك عليه. *** في فيلا أيوب المنشاوي، هيام أم أميرة، سيدة جميلة تبدو أصغر من سنها وأنيقة جداً وطيبة. هيام في حجرة أمير، أخو أميرة التوأم. هيام: أمير، أمير.

ويلف الناحية التانية: يووووه يا ماما، سيبيني نايمة. أمير يتوجه لأمه بزهق: طب أنا مسدأت الإجازة تيجي وآخد راحتي. دي ثانوية عامة، عارفة يعني إيه ثانوية عامة. ثم يجلس: عارفة يا ماما، المفروض بعد الثانوية دي يدونا إجازة سنتين نريح من ضغطها. هيام بشهقة جامدة وتخبط يدها على صدرها: يا نهارك مش فايت! إيه اللي في وشك دا يا ولد؟ أمير بارتباك: في إيه يا ماما؟ هيام بعصبية: اتفضل بص في المرايا وشوف. أمير: قام

بص في المرايا وكلم نفسه: يا نهار أسود. يخربيوتكم. فضحتوني. أعمل إيه دلواتي؟ ووَطَّى راسه في الأرض. هيام: أعمل فيك إيه دلواتي؟ ولو كان أبوكِ اللي شافك كان ممكن يعمل فيك إيه. أمير: إيه بس يا ماما، دي البت أميرة هي اللي باستني وماخدتش بالي إنها طبعت روج هنا. هيام: يا كذاب! هي أختك بتحط روج أصلاً؟ دي أرجل منك. أمير: ماشي يا ماما، أنا مسامحك، وسامحيني، ونبي مش حعملها تاني.

هيام: معتش في سهر برا، وإلا حقول لأبوك وهو يتصرف معاك. جرى أمير عليها وقبل يدها: خلاص والله، حعمل اللي تعوزيه، بس بلاش بابي. هيام: ماشي يا أمير، اتفضل اغسل وشك وحنشف. وتخرج وتنزل أسفل. اللهم صل على سيدنا محمد. أميرة داخلة من الباب، وتجري على أمها وتحضنها. أميرة: حبيبة البيه. هيام: حبيبة ماما. ها، الكابتن عملت إيه انهارده؟ وجلست على الكرسي وقعدت أميرة على حجرها. أميرة: بنتك دايماً مشرفاكي، وإن شاء الله البطولة.

بستها هيام: وأنا واثقة في كدا. أميرة: هو أمير لسه مصحيش؟ هيام بمدايقة: أنا صحيته. أميرة: أوعي يكون زعل، دا أنا أقطملك رقبته. وينزل أمير من على السلالم. أمير: والله! عاملالي فيها بطلة كاراتيه؟ دا أنا أفعصك بصباعي زي الصرصور. وبص في صوابعه وقال: يع، دا أنا مقرف أوي. حاجة غريبة. أميرة وأمها يضحكان. أميرة: طب إيه رأيك نجرب؟ وأخذت وضع قتال في الكراتيه.

أمير بيعدل لياقته: ها، لا طبعاً، أنتِ أختي حبيبتي الصغيرة، وأخاف لتموتي في إيدي. أميرة: صغيرة؟ أمير: آه، أنا أكبر منك بـ 5 دقايق. وتضحك أميرة وأمها. أمير: أنا جعان. هو أنتم معندكمش أكل انهارده ولا إيه؟ هيام: أبوك وأحمد زمانهم جايين، وحنجهز الغدا. وفجأة تنظر أميرة في تليفونها وتجد رسالة. وتفتحها، ووجهها يتغير، ويدخل من الباب أبوها وأخوها الأكبر أحمد.