رواية صدفة الفصل الثاني عشر 12 - بقلم مريم اشرف

زياد وهو يطبطب عليها وعلى وجهها بقرف: –بت.. بت فوقي بقى.. الله يخربيتك فضحتينا.. فتحت عيونها وقالت: –يااه يا زياد أنا حلمت حلم حلو أوي.. وكملت بهمس: يا ريت يتحقق.. زياد بغمز: –حلم إييي؟ نظرت حولها ولقت أمها وأنس وسهام، التي قامت لما نظرت إليها. بسمة بصدمة: –لأ.. لأ إيه ده.. ده.. حقيقي؟! أنس ابتسم: –نقرا الفاتحة يا حماتي؟ ابتسمت ونظرت لزياد: –رأيك يا ابني.. أنت المقرر بعد أبويا الله يرحمه.. زياد ابتسم:

–نشوف الآنسة بسمة.. بسمة بخجل: –بس عاوزه يعني.. احم.. أكمل تعليمي الأول وأشتغل و.. أنس قاطعها: –لأ رجعولي بسمة العيلة.. عاوز بسمة العيلة!! .. بت اقري الفاتحة بدل ما قراها على روحك!! بسمة رفعت يديها: –ماما.. زياد أنا موافقة.. البنت ملهاش غير بيت جوزها أصلاً!! ضحك أنس وضحكوا كلهم وراه وتمت الخطوبة. *** سهام جوه أوضتها بحقد:

–بقى البت العبيطة دي تتجوز أمير عصرو.. وأنا سهام اللي بيتقدملي غير مين ومين.. آخرتي أتجوز واحد زي ده.. نظرت لابنها الذي بدأ يعيط وقالت: –اسكت.. اسكت ناقصني وجع دماغ بقى؟؟!! *** أنس: –تسمحولي أسرق بسمة شوية.. زياد بابتسامة: –ماشي بس متتأخروش.. عاوزها الساعة 6 هنا.. مفهوم؟ بسمة عملت تحية عسكرية: –مفهوم يا كابتن زياد.. زياد ابتسم بمشاكسة:

–الله أهو ارتاح منك شوية النهارده.. عقبال الفرح لما تمشي وتسيبنا.. أنتي مش عارفة فرحتي هتبقى إزاي!! بسمة بحزن: –حاضر يا زياد.. ونزلت ورا أنس. رقية بعصبية: –سبتيها يا زياد تروح معاه لوحدها؟!! زياد ابتسم:

–يا ماما يا حبيبتي مزعلة نفسك ليه.. ده خطيبها وكمان.. أنا بعرفه مش ممكن يأذيها.. هو اللي حافظ عليها لحد ما لقيتها في اسكندرية.. بسمة اتعلقت بيه جداً وكمان هو.. أنتي مش شايفة اللهفة والحب اللي جوه عيونه.. مش شايفة فرحتها بيه عاملة إزاي؟! .. ماما أنا متأكد إني لو لفيت الدنيا كلها مش هلاقي عريس زي أنس لبنتك.. ضربت رقية كف على كف ودخلت عند سهام. *** أنس: –عاوزة نروح فين؟ بسمة: –معرفش.. شوف أنت نروح فين.. أنس:

–ها ارتحتي لما خطبتك؟ بسمة ضحكت: –جداً.. أنس مال على ودنها: –بحبك يا مصيبة.. بسمة ضربته كف: –احترم نفسك يله.. والله هقول لخالتو شروق تنفخك!! أنس بيمثل الخوف: –كنت عارف إني هاخد خازوق من العلاقة التوكسيك دي.. بسمة: –أنوس باشا.. متزعلش مني.. أنا بس متوترة.. أنس: –متوترة آه واضح.. ومرة واحدة صرخت: –اوقفي.. اوقفي عندك!! وقف أنس العربية وبصلها باستعباط: –في إيه تاني؟! بسمة: –غزل البنات.. عاوزة غزل بنات يا أنس والنبي..

أنس بعصبية: –كل الصريخ ده عشان غزل بنات.. يارب الصبر من عندك.. *** سهام بصدمة: –إيه؟؟! .. طلعوا مع بعض؟ .. وسمحتي لهم يا حماتي؟ رقية: –والله ده زياد اللي قالهم.. سهام: –يا حماتي.. إحنا الولد ده منعرفش عنه حاجة لسه.. أنتي عاوزة الناس تتكلم علينا تاني؟! رقية بخوف: –لأ.. لأ طبعاً أنا هقول لزياد يتصل بيه ويرجعها.. سهام ضحكت بانتصار: –والله ما سيبك تتهني يا بسمة هانم!