رواية صدفة فريدة الفصل السابع 7 - بقلم دينا عبد الله

حمزه بصلها بحب وهو بيقول: تتجوزيني يفريده؟ فريده بصتله بجمود وهي بتقول ببرود: لا. حمزه بصلها بصدمه واضحه وهو بيقول: يعني إيه لا؟ يعني إيه؟ فريده بصتله بهدوء وهي بتقول بوجع: يعني لأ. هو أنا مليش حق إني أقبل أو أرفض يعني؟ حمزه بصلها وهو بيحاول يكون هادي عشان متخافش منه وبيقول بنبرة حزينة: رافضاني ليه يفريده؟ فريده بصتله بعصبيه خفيفة وهي بتقول: انت بجد بتسأل رافضه ليه؟ حمزه انت مجنون؟

أنا مشوفتكش غير مرتين بس. أنا اللي حصل فيا خلى عندي تراما من كل الرجالة. وكملت بدموع وهي بتقول: متحسسنيش إني سلعة رخيصة عشان تبيعوا وتشتروا فيا. بجد حرام عليكم، أنا ماذيتش حد عشان يحصل فيا كدة. حمزه بصلها وهو بيتنهد بحزن وبيقول:

متحكميش غير لما تسمعي. انتي شوفتيني مرتين بس، أنا شوفتك كتير. أنا عارفك من زمان يفريده بس انتي مكنتيش شايفة، مكنتيش حاسة بيا. حاولت ألفت نظرك كذا مرة ليا بس معرفتش. لحد ما ظهر زين في حياتك وبقيتي متشوفيش غيره. أنا اتدمرت يفريده وانتِ مش حاسة بيا. حتى يوم فرحك أنا كنت واقف من بعيد، ولما جريتي فضلت وراكي وخبطت فيكي قصد عشان بس أحاول أخليكي كويسة. فريده بصتله بصدمه وهي بتقول: يعني إيه؟ حمزه بصلها بحب وهو بيقول:

يعني بحبك يفريده ومستعد أستناكي عمري كله بس انتي وافقي عليا. فريده بصتله بتوهان. باين فـ كلام حمزه بحنية: صدقيني يفريده، لأجيب حقك منهم واحد واحد. هكون ليكي السند وهكون أمانك والملجأ اللي ديما هيحتويكي. فريده بصتله وهي حاسة بالأمان وتكلمت وقالت: اديني فرصة أفكر طيب. حمزه بصلها بحب وهو بيقول بتصميم: أوعدك هخليكي تعشقيني مش تحبيني بس. فريده بصتله برفع حاجب وكملت بردح:

متخدش مقلب في نفسك بس ونبي يعم روميو. أجنحة رومانسيتك دخلت في عيني. حمزه بصلها وقال بطريقة مضحكة: انتي ملاك الرحمة. قاطعتهم سهام وهي بتقول: وأنا بقيت الأطرش في الزفة صح؟ حمزه وفريده بصولها والاتنين في صوت واحد: لا طبعًا. لي بتقولي كدة؟ سهام بصتلهم وهي بتقول: شايفاكم عمالين تتفقوا وبتاع ولا كأني موجودة؟ حمزه وفريده بصولها ببراءة وهما بيقولوا: دا انتي الخير والبركة يسوسو يا عسل انتي.

حمزه وفريده بصوا لبعض بضحك لأنهم بيتكلموا في صوت واحد. حمزه بص لسهام بجدية وهو بيقول: أنا طالب منك إيد فريده. أوعدك إني هحافظ عليها وهحطها في عنيا. أما صبري وزين ليهم حساب معايا. فريده بصتله بمشاعر متلخبطة بس حست إن قلبها بيدق جامد وإنها عايزاه جنبها علطول. سهام بصتله بحب وهي بتقول: وأنا واثقة فيك. يا حبيبي موافقة مقدمًا. بس الأهم موافقة فريده. حمزه بصلها بثقة وقال: أنا متأكد إنها اللي هتيجي تطلبني للجواز.

فريده بصتله بقرف وهي بتبرطم في سرها. حمزه استأذن إنه يمشي لأن الوقت اتأخر. سهام بطيبة كملت: متخليك شوية. القاعدة بتاعتك ميتشبعش منها والله. حمزه بصالها بود وهو بيقول: هاجي تاني إن شاء الله. فريده راحت توصله للباب وهي بتقول بغضب طفولي: متهزرش مع ماما كدة تاني لو سمحت. حمزه باستنكار وغمزة: بتغيري ولا إيه؟ فريده بصتله بقرف وهي بتقول: اه بغير بس على ماما. ويلا اتفضل من غير ما أطردك. فريده زقته لبره

وحمزه وقف بصدمه وهو بيقول: بق حمزه المنياوي يطرد من أوزعة زي دي! فريده كانت واقفة ورا الباب كتمت ضحكتها وهي بتقول بغرور مصطنع: ولسا هتشوف. دا أنا هشلوحك. حمزه انفجر في الضحك من كلامها وفريده تاهت في صوت ضحكته. بس فاقت على صوت مامتها: مسلسل العشق الممنوع دا هيخلص إمتى إن شاء الله؟ فريده بصتلها بمشاكسة: انتي حبي الأول والأخير يسوسو. سهام بصتلها بصغرة: كلي بعقلي حلاوة يا بنت حامد.

فريده بصتلها بضحك وحضنوا بعض بقوة. بصت لها سهام وتكلمت بنبرة حزينة: حقك عليا يا حبيبة ماما. كنت هضيعك من إيدي. صدقيني أنا بحبك وبخاف عليكي. انتي بنتي الوحيدة واللي بقالي في الدنيا دي. حضنتها فريده بحب: الدنيا كلها. يديمك ليا يا كل حياتي. عند صبري وزين كانو قاعدين بيفركوا بعصبية وهما بيفكروا هيعملوا إيه مع حمزه. زين بغل وعصبية: ورحمة أمي لأندم على اليوم اللي فكر يقف فيه قصادي ابن الـ*** دا. أنا اتبهدلت في الأقسام.

صبري بصاله باستهزاء: هتعمل إيه يعني يا خفيف؟ انت مش شايف هو واصل إزاي؟ انت بالنسباله حشرة يا زين. يعني لو عاوز يدوس عليك في أي لحظة هيعمل دا ومش هيتردد ثانية واحدة. صبري كان قاصد يقول كدة عشان يزيد من كره زين لحمزه ويخلص منه بسرعة. صبري كمل بخبث: لا وخد منك كمان اللي كانت هتبقى مراتك. يعني كوش على كله ابن اللذينة. زين كان خلاص هينفجر من العصبية: أنا هخلص عليه. هأجر رجالة يطلعوا عليه يعدموا العافية. فايزه في الوقت

دا دخلت واتكلمت بخبث: عندي حل أحسن. الاثنين بصولها باهتمام وهي كملت كلام. بصوا لبعض بخبث وكلهم ضحكوا بشر. عند حمزه وصل البيت كانت سعاد قاعدة مستنياه. حمزه بصلها بحب وباس إيديها: قاعدة كدة ليه يا حبيبتي؟ سعاد بصتله وتكلمت بدون مقدمات: أنا مش موافقة على جوازك من فريده. حمزه بصلها بصدمة وكان لسه هيتكلم لكن قاطعه كلامه لما لقى رقم غريب بعتله صور كتير لفريده وهي في مواضع مش كويسة. عينه وسعت من الصدمة.