رواية صدفة غير متوقعه الفصل الثالث 3 - بقلم نور محمد

بانه: السلام عليكم. فيفيان: وعليكم السلام. كويس إنك جيتي عشان أخوكي زمانه جاي. بانه: عاملة غدا إيه النهارده؟ فيفيان: مكرونة بالبشاميل. بانه: حلو، اغرفيلي الأكل بسرعة بقى عشان هموت من الجوع. فيفيان: مش لما أبوكي وأخوكي يجوا الأول. بانه: يوه بقى، يعني أموت من الجوع لحد ما يشرف الباشا ريان. فيفيان: زمانه جاي، إنتي خشي غيّري هدومك، هيكوّنوا جم. بانه: أنا هغيّر هاكل، يا مفيش دعوة. فيفيان: همك على كرشك.

بانه: أومال هيكون همي في إيه يعني. فيفيان: خلاص يا أختي، مش لازم كل كلمة بقولها تردي عليها. ذهبت بانه إلى غرفتها حتى رن هاتفها. بانه: السلام عليكم. تقى: وعليكم السلام. مجتيش ليه الجامعة النهارده؟ بانه: كنت في المكتبة فمعرفتش أجي. تقى: المهم، عميد الكلية النهارده طلب يشوفك بس مكنتيش موجودة. بانه: لي يعني؟ تقى: مهو ده بقى الخبر اللي كنت هكلمك فيه. بانه: طب متخلصي وتقولي عشان مش فاضية، عايزة آكل.

تقى: خلاص يا أختي، متتزقيش. المهم في مهمة هنروحها، العميد رشحنا ليها تبع الدولة. بانه: احلفي. تقى: والله. بانه: طب هقولهم في البيت إيه؟ تقى: متقوليش لأي حد خالص، عشان هي مهمة سرية. بانه: طب أقولهم إيه؟ تقى: أي حاجة، قوليلهم إنك رايحة سفرية تغيري جو شوية. بانه: وأكذب يعني؟ تقى: استغفر الله العظيم يا رب. يابنتي، ما إنتي هتسافري فعلاً، فين الكذب في كده؟ أومال هتروحي تقولي لهم وهم هيوافقوا يعني؟

وكمان، أصلاً مينفعش تقولي حتى لو وافقوا. بانه: خلاص، هتصرف. سلام بقى عشان ألحق أغيّر عشان هموت من الجوع. تقى: سلام. كان المكان أول مرة يروحوه. -مجهول: الو يا باشا، كل اللي طلبتو مطلوب. حجزتلك تذكرة نازلة مصر بعد يومين. مجهول تاني: تمام. عايزك تخلص كل الشغل اللي هنا عشان ألحق أراجع كل الشغل قبل ما أسافر. مجهول: تمام يا باشا، كل اللي تأمر بيه هيتنفذ. سلام. قفل المكالمة. -أنت برضوا هتسافر مصر؟

مجهول تاني: لازم، ده شغل. والمهمة اللي داخلين عليها دي صعبة ولازم أبقى موجود فيها. -إنت عارف إن في فريق نسائي هيشترك في المهمة دي؟ مجهول تاني: أيوه، لسه عارف. مهو لازم يكون فيها فريق نسائي عشان تنجح المهمة. -هتسافر إمتى؟ مجهول تاني: بعد يومين وهكون في مصر. -ربنا معاك يا صاحبي.

-عند بطالتنا، كانت راجعة البيت وهي بتفكر هتقول لهم على المهمة إزاي، وخصوصاً إن العميد قالها متعرفش أي حد عنها، وهي ما شاء الله عليها، ميتدبلش في بوقها فولة. أول ما دخلت المنزل، وجدت والدتها في انتظارها. سيران: إيه اللي أخرك يا هانم؟ نور: كان عندي محاضرات كتير النهارده. سيران: ومقلتيش ليه، بدل ما أنا قاعدة قلقانة كده؟ نور: خلاص بقى يا سيري، وبعدين كنت عايزة أفتحك في موضوع. سيران: موضوع إيه يا آخرة صبري؟

نور: بصي يا ست الكل، عايزة أغير جو شوية، فكنت عايزة أروح أقعد عند صحبتي في الفيوم، بس متخافيش مش هطول. سيران: والله، وأبوكي بقى هيوافق في كده، أو أخوكي؟ نور: متخافيش، أنا هعرف أخلي بابا يوافق. أما بالنسبة لمراد، فان شاء الله عنه ما وافق، يعني بابا يوافق وده يرفض. كنت خطبته أنا أو مراته عشان يرفض، حتى لو خطبته ملوش الحق إنه يرفض. سيران: بت، عيب كده، ده أخوكي. وكمان، مبتقوليش الكلام ده ليه، ولا بتخافي منه؟

نور: مبخفش غير من اللي خلقني، على فكرة. سيران: إنتي هتقولي. نور: المهم دلوقتي، موافقة ولا لأ؟ سيران: هتقعدي قد إيه؟ نور: مش كتير، شهرين تلاتة. سيران بغضب: نعم يختي! إنتي بتهزري ولا بتتكلمي بجد؟ عايزة تغيري جو في شهرين تلاتة! إنتي متخلفة ولا بتستعبطي؟ وكليتك هتقعدي تلت شهور مش هتروحيها؟ نور: طب، وليه الغلط طيب؟

لو على الكلية، ف عادي، هبقى أجي على الامتحانات، وهبقى أقول لأصحابي يبعتوا المحاضرات. بليز يا ماما، عايزة أغير جو، أنا بجد مخنوقة. سيران: إنتي فاكرة إن أبوكي هيوافق؟ نور بثقة: متخافيش، أنا متأكدة إنه هيوافق. سيران: إيه يا أختي، كل الثقة دي؟ على العموم، لو هو وافق ابقي روحي، بس أنا متأكدة إنه مش هيوافق، إذا كان لما تقوليلو إنك هتباتي عند صحبتك ليلة واحدة مش بيوافق، هيوافق بقى تقعدي تلت شهور.

نور: إن شاء الله هيوافق. يرى، تصبحي على خير بقى عشان ألحق أغيّر هدومي وأنام، لحسن أنا هموت وأنام. سيران: وده من إمتى ده؟ إنتي أول لما تخصي من باب البيت، كنتي أول حاجة بتقوليها: فين الأكل؟ وتخصي على المطبخ على طول. نور: لا، أنا أكلت بره، بس ده ميمنعش برضوا إني آكل. بس هريح شوية، يكون بابا جه وهاكل معاه. سيران: آه، قولي كده بقى عشان تقعدي تاكلي معاه، ولا عشان تقولي له على السفرية؟

نور: طول عمرك فهماني صح. يرى، أطير أنا بقى. ذهبت نور إلى غرفتها. -في المساء، كانت نور تجلس مع عائلتها على العشاء. نور: بابا، كنت عايزة أفتحك في موضوع. النصراوي: موضوع إيه؟ نور بتوتر، وهي ملاحظة نظرات مراد: خلينا نخلص الأول أكل، بعد كده نبقى نتكلم في المكتب. النصراوي: ممم، تمام. -أنا خلصت. لو خلصتي تعالي ورايا على المكتب. نور: تمام. ذهبت نور خلف والدها. -في المكتب، كان يجلس النصراوي وأمامه نور.

النصراوي: مش ناوية تتكلمي؟ بقالنا نص ساعة وما فتحتيش بوقك. شكلك عاملة مصيبة. نور: عيب عليك يا سيادة المستشار، مصيبة إيه بس اللي أعملها؟ إنت تعرف عني كده برضوا؟ النصراوي: للأسف، معرفش غير كده. خشي في الموضوع على طول. نور بتوتر: بص، أنا بصراحة مش عارفة أجيهالك إزاي، بس أنا عايزة أروح أقعد عند صحبتي تلت شهور. النصراوي: بقي مقعدني نص ساعة عشان كده؟ تمام، روحي. نور بعدم تصديق: إنت بتتكلم بجد؟ النصراوي: أومال بهزر يعني.

نور: تصدق إنك أنت أحسن أب. النصراوي: مصلحنجية. المهم، يرى روحي نامي عشان كليتك الصبح. نور: ماشي يا حبيبي. تصبح على خير. كانت سوف تخرج من المكتب حتى سمعته يقول لها: النصراوي: متبقيش تكذبي بعد كده، الكذب مش لايق عليكي. نور بعدم فهم وتوتر: كذب إيه؟ النصراوي: أنا عارف إنتي رايحة فين. عيب، لما أكون مستشار ومعرفش إن بنتي رايحة فين. أنا اللواء عادل فهميني كل حاجة، وعارف كمان إن مراد رايح معاكي، عشان كده أنا مطمن.

نور: إيه ده؟ هو مراد رايح هناك برضوا؟ هو عرف؟ النصراوي: لا، معرفتوش حاجة. سيبهاله مفاجأة. نور: كويس إنك مقلتلوش عشان كان هيرفض ويقرفنا. النصراوي: هو هيرفض عشان خايف عليكي. بس أنا مطمن عشان عارف إنك كدبتي المهمة دي، وكمان عارف إن إنتي كان حلم حياتك إنك تبقي ضابط، بس ربنا مأردش. يرى، خشي نامي بقى عشان عندك جامعة الصبح. بس عايزك تلتزمي، لأن ده آخر أسبوع هتروحي فيه الجامعة، مش تتخانقي مع الدكتور وتسيبي المحاضرة.

نور: حاضر، متخافش. الأسبوع ده هحضره كله. بس يا رب مطردش زي كل مرة. يرى، سلام. -كانت بانه جالسة مع والدتها. بانه: ماما، كنت عايزة أقولك على حاجة. فيفيان: قولي يا حبيبتي. بانه: عايزة أروح أقعد في شقتنا اللي في إسكندرية. فيفيان: ليه؟ وكمان هتروحي تقعدي لوحدك؟ وأصلاً أخوكي مش هيوافق.

بانه: أنا هاروح أقعد هناك أغير جو شوية، وكمان كنت عايزة أروح مكتبة الإسكندرية، إنتي عارفة إنني بحب الكتب قد إيه. وأخويا هو كده كده مسافر عشان شغله، إيه اللي هيقوله بقى؟ فيفيان: إنتي عايزة تروحي من غير ما تقولي لأخوكي ولا أبوكي؟ بانه: على فكرة، أنا قولت لبابا وهو وافق. وأخويا مش هيحصل حاجة، يعني لو مقولتلوش، إنتي عارفة هو بيخاف عليا قد إيه، وأكيد هيرفض إني أروح، ف بليز وافقي. فيفيان: هتقعدي قد إيه؟

بانه: مش عارفة، بس لما أزهق هبقى آجي. فيفيان: تمام يا بانه، بس لما أخوكي يسافر الأول. بانه: أنا أصلاً هسافر في نفس اليوم اللي هيسافر فيه. المهم، أكيد موافقة. فيفيان: آه يا حبيبتي، موافقة، بس ابقي طمنيني عليكي. بانه: متخافيش، كل ساعة هتصل بيكي. يرى، تصبحي على خير. فيفيان: وأنتي من أهله يا حبيبتي. -بعد أسبوع. كان ريان واقف هو ومراد وباقي الفريق مستنيين البنات لما توصل.

وصل الأتوبيس اللي فيه البنات. نزلت منه نور وتمارا، وبعديها بانه وتقى. مراد وريان أول لما شافوهم، حلقوا وفضلوا باصين لهم بصدمة وزهول. يتبع...