رواية صدفة غيرت حياتي الفصل الأول 1 - بقلم نادين محمد

كنت قاعده فالباص ورايحه الشغل، كنت قاعده وزهقانه إني وحيدة. كنت قاعده وسرحانه، فجأة لقيت حد بيخبط على كتفي. بصيت لقيت واحد قمر، عيونه خضرا، وابيضاني، وشعره بني، وقمر. ولقيتُه بيقول: "لو سمحتي ممكن أقعد جنبك ولا عندك مانع؟ نور: "لا لا خالص، اتفضل." لقيته قعد. بصراحة أنا مكنتش قادرة مبصلوش، لدرجة إني كنت ببعد عنه شوية بشوية وأبص له عشان مياخدش باله. ومرة واحدة لقيتُه بيبص لي. الراجل: "في حاجة؟ نور بكسوف:

"لا لا أسفة مفيش، كنت سرحانة شوية." الراجل: "انتي اسمك إيه؟ نور: "اسمي نور." الراجل: "وأنا اسمي آدم." نور: "هو انت قمر كده ليه؟ آدم ضحك وبص الناحية التانية. نور فكرت: "يانهار أسود، هو إيه اللي أنا قولته ده؟ نور: "معلش أسفة." آدم بضحك: "أسفة على إيه يابنتي، على إنك بتعاكسيني؟ نور: "هو باين أوي كده؟ آدم: "طبعاً، واضح." نور: "انت بتشتغل إيه؟ آدم: "شغال مدير في شركة." نور: "اممممم."

فجأة الباص وقف على الحتة اللي هي هتنزل فيها. نور: "عن إذنك." آدم: "نلتقي تاني؟ فجأة قلبي دق بسرعة، وبصراحة مكنتش عارفة أقول إيه. نور: "إن.. إن شاء الله." آدم ضحك ونور نزلت. نور: "أنا وصلت الشركة، ربنا يستر." وتنهدت، أصل دي كانت أول مقابلة ليها في الشركة يعني وكده. نور طلعت الشركة وأول ما دخلت لقت ملفات كتير على مكتبها. نور: "يانهار أسود، إيه كل ده؟ زميلها في الشغل: "المدير عايزك، تقدري تدخلي له." نور بتوتر:

"م.. مم... ماشي." واتنفست ودخلت. أول ما دخلت، اتصدمت!!