رواية صدفة غيرت حياتي الفصل الثاني 2 - بقلم نادين محمد

نور بصدمة: ادم. ادم: نور. نور اتكسفت وحطت وشها في الأرض. نور: ازيك يا ادم بيه. ادم ضحك كده وبصلها. ادم: هي مش كانت ادم من شوية. نور: هقولك إيه يعني. ادم: قوليلي ادم عادي. نور بصت له: مينفعش. ادم وهو رافع حواجبه: ليه. نور بكسوف: عشان... عشان أنت مديري، ولازم أقولك يابيه. ادم: على راحتك. نور بغضب طفولي: عايز حاجة تاني. ادم: إيه ده إيه ده، أنت نسيت إني مديرك ولا إيه. نور بصت بصة إحراج كده وخرجت. ادم بضحك: هبلة.

ادم ضحك على خبتها وطيبتها وكمل شغل. أما نور طلعت جري على مكتبها وراحت قعدت. نور: من أولها كده يالهوي، ملاقوش غير الرخم والقمر ده تخلوه مديري، دي شكلها ليلة سودة. بنت قاعدة جنبها: مالك. نور: مفيش حاجة والله. شمس: أنا اسمي شمس. مدت إيديها تسلم. نور سلمت عليها: وأنا اسمي نور. شمس: تشرفنا بجد، إحنا ممكن نبقى صحاب. نور: آه أكيد طبعاً. نور أدهالها رقمها على أساس بقي صحاب وكده.

نور بعد شوية: الشغل ده صعب أوي وكثير كمان، دي مش بداية موفقة خالص. يارا بضحك: لا طبعاً، هو كثير شوية بس سهل، بصي أنا همشي أنا بقي عشان ست الكل وأنتي عارفاها بقي. نور بضحك: آه طبعاً عارفاها، أنا هخلص الشغل ده وبعدين أروح، مش مشكلة. يارا: هتلاقي مواصلات. نور: إن شاء الله، روحي بس ومتشغليش بالك، يلا سلام. يارا: سلام. يارا مشيت ونور قعدت تخلص الشغل. عدى ساعة، واتنين، وتلاتة.

نور بنعاس: هو ده اللي سهل، أنا عايزة أنام بس عايزة أخلص. نور قعدت تخلصهم وفالآخر نامت على نفسها. ادم كان طالع مروح على أساس إن مفيش حد في الشركة بقي وخلصوا ومشوا وكده. طلع وهو بيلبس الجاكت لقى نور نايمة على نفسها عالكرسي. ضحك عليها وقال: دي مجنونة بحق وحقيقي بقا. ادم راح لها وقعد يفوقها. ادم: نور، يا نور. نور: امممممم. ادم بضحك: قومي يلا مفيش حد في الشركة، قومي عشان تروحي. نور بتخريف: أنت حلو أوي.

ادم بضحك: أنتِ بتخرفي يخربيتك. نور: بقولك إيه، روح وسيبني عشان أنا مش قادرة أسند نفسي. ادم: أنتِ هبلة يا نور، هتنامي في الشركة. نور بتعب: والله ما قادرة أسند نفسي، أنا تعبااااانة، روح وسيبني أبوس إيدك. ادم: مش هروح غير وإنتي معايا. نور: خلاص بات في الشركة. ادم سكت شوية وقال: أمري لله. ادم قرب من نور وشالها وهي كانت نايمة أساساً. ادم: أنتِ شكلك مجنونة وهتجنيني معاكي. نور بتخاريف: آه آه مجنونة، هتروح بقي ولا لا.

ادم بضحك: هروح. ادم نزل تحت الشركة وهو شايلها ونزل بيها على العربية ونيمها ومشي. ادم: نور. نور: اممم. ادم: أنتِ عارفة عنوانك إيه. نور: لا مش عارفة وسيبني أنام بقي. ادم: طب هاتي الموبايل. نور أدهاله الموبايل وهي نايمة وادم اتصل بمامتها. ادم: الو. الأم: أيوه. ادم: لو سمحتي أنا مدير نور في الشركة. الأم: هي نور حصلها حاجة. ادم: لا أبداً، نور نامت في الشركة وهي بتخلص الشغل وأنا جايبها وجاي. الأم: اااه، طب في حاجة تاني.

ادم: ممكن العنوان عشان هي نايمة. الأم: آه طبعاً، العنوان... ، وشكراً ليك جداً. ادم: العفو على إيه، مع السلامة. ادم قفل وبص على نور وضحك. ادم بعد ما وصل البيت شالها وطلع بيها ودخلها وبعدين روح. تاني يوم الصبح. نور صحيت لقت نفسها نايمة على السرير. نور: يختي، مش أنا نمت في الشركة. نور قامت من على السرير راحت المطبخ لقت أمها بتعمل الفطار. نور: ماما!!! الأم: في إيه. نور: أنتِ متأكدة إني منمتش في الشركة؟

الأم بضحك: لا يختي، سي مديرك في الشركة شالك وجابك لحد هنا. نور بصدمة: أنتِ قولتي شالني. الأم: آه والله، أنتِ شكلك كنتي نايمة وسرحانة. نور: يانهار أسود. الأم: في إيه يا بت. نور بكسوف: أصل هو شالني وأنا مكسوفة، مليش وش أروح الشركة. الأم: لا يختي، وش كسوف أوي، لو وش كسوف كنتي خليتيه شالك. نور: منا كنت نايمة يا ماما. الأم: بقولك إيه أنا مش ناقصة، روحي على ما أحضر الفطار وبعدين روحي الشغل.

نور: لا مش رايحة الشغل، مش هعرف أحط وشي في وشه. أمها شقلبت الشبشب زي ما أمهاتنا بيشقلبوه كده، نور جريت على الأوضة خافت منها. نور: يالهوي، شالني بجد، يانهار أسود، هحط وشي في وشه إزاي، اااه، أنا هتصل على شمس وأقولها. نور: الو. شمس: إزيك يا نور. نور: الحمد لله، بقولك. شمس: اممم. نور: ا..اا... آدم بيه شالني وجابني لحد هنا عشان نمت في الشغل. شمس بصدمة: شالني. نور: آه والله وأنا مش عايزة أروح الشركة مش هعرف أحط وشي في وشه.

شمس: لا يابنتي عادي، على فكرة، آدم بيه مش سهل، شكلك دخلتي قلبة. نور: دخلت قلبه إيه اسكتي، أنا مكسوفة. شمس: لا ياستي متتكسفيش عادي والله، البسي بس وأنا هاجي أخده. نور: لا لا عادي، أنا هاجي لوحدي، يمكن أتأخر شوية على ما أشاور نفسي، يلا باي. شمس: باي. نور قفلت وقعدت تفكر تروح ولا لا، بس افتكرت شبشب أمها وقالت إنها هتروح. نور: هروح أنا مش ناقصة علقة.

نور لبست دريس كده حلو صورتو في تعليق وعملت شعرها ديل حصان مرفوع لفوق ونزلت. الأم: مش هتفطري. نور: لا يا ماما، أنا همشي أنا بقي. الأم: مش منتظرة عشان تشوفي حبيب القلب صح. نور: يووووه. نور نزلت وأمها قعدت تضحك عليها. نور نزلت تحت وأول ما خرجت من العمارة، انصدمت!