رواية صدفة غيرت حياتي الفصل الثالث 3 - بقلم نادين محمد

نور بصدمه: ادم بيه! ادم: مالك، في ايه؟ نور: اا... لا ولا حاجة، أنا طالعة. ادم: طالعة فين يابت انتي، خدي. نور بتوتر: أنا غيرت رأيي، مش هاجي الشغل انهاردة. ادم: ليه؟ نور: عشان، عشااااان، أنا... ادم: بس بس، براحتك، بس أنا هخصملك، انتي حرة. نور: لا لا، أنا جاية خلاص. ادم بضحك: طب تعالي. نور: أنا... أنا هروح مواصلات، عن اذنك. ادم قرب منها وقالها: ادم: وأنا مش ماشي من هنا غير لما تركبي. نور بتبعد عنه: ااااا....

والله مش مشكلة، أنا هروح مواصلات. ادم قرب منها تاني: لو مجتيش اعتبري نفسك مرفودة. نور: يووووووووه! نور بغضب طفولي راحت ركبت العربية. ادم بضحك: مجنونة بجد. ادم راح ركب، ونور طول الطريق ضاربة بوز في الشباك. ادم: نور. نور: نعم. ادم: مالك؟ نور: مفيش. ادم باستفزاز: على راحتك. نور ضربت برجليها في العربية. ادم ضحك بصوت عالي: ادم: ياهبلة. نور: لو سمحت متقولش هبلة. ادم: في ايه يانور، انتي زعلتي ولا ايه؟ نور: معرفش.

ادم قرر انه ميكلمهاش عشان شكلها زعلانة بجد. ادم بعد شوية وصل الشركة. ادم: وصلنا. نور: ماشيين. نور لسه بتنزل، ادم مسك إيدها وقالها: ادم: أنا أسف. نور شدت إيدها من إيده ومشيت. ادم: هي شكلها زعلت بجد ولا ايه. ادم اتنهد ونزل من العربية وراح مكتبه. نور راحت قعدت على مكتبها وهي غضبانه. شمس: مالك يانور؟ نور: الأستاذ بيقولي يا هبلة، أنا هبلة. شمس: أستاذ مين؟ نور: أستاذ... اا... ادم.

شمس بضحك: يابنتي انتي مش طبيعية بجد، ومالو يابنتي مش أحسن ما يرفدك؟ نور: ماهو أنا كنت هترفد النهارده... ا... ا... اصل هو وصلني بالعربية لحد هنا. (مع كل كلمة كانت بتنزل بالكرسي) شمس: انتي يابت انتي نزلتِ تحت كده ليه، انتي عارفة يانور فاضل ايه؟ نور: ايه؟ شمس: فاضل انه يجي ويجيب أمه وأبوه وعلبة جاتوه معاه. نور: انتي بتهزري يا شمس، هو أنا جايه الشركة عشان اتخطب؟ شمس: وماله؟

نور ضربتها على كتفها: بقولك اي، أنا مش ناقصة وجع دماغ، أنا مفطرتش تمام، قومي هاتيلي كوباية نسكافيه ومولتو، يلا ياشاطرة. شمس: شاطرة، قايمة يختي. شمس قامت، وبعد شوية ادم استدعى نور لمكتبه. نور: اي القرف والرخامة دي بجد. نور دخلت مكتبه وهو مكانش موجود أساساً. نور دخلت: ايه ده، اومال ادم فين؟ ادم خضها من ورا: بخ! نور اتخضت لدرجة انها وقعت على الأرض. ادم بضحك: يالهوي انتي وقعتي على الأرض. نور بزعيق: انت شايف اي يعني؟

ادم: معلشي. ادم مدلها إيده عشان تمسك فيه وكده. نور: شكراً، أنا هقوم لوحدي، مش عايزة حاجة من حد. ادم: يانور بلاش عناد، انجزي. نور: وأنا قولتلك مش محتاجة حاجة من حد، تمام. ادم: براحتك يانور. نور جات تقوم وقعت تاني. نور: ااااااااه. ادم: انتي كويسة؟ نور: لااااا خالص. ادم: مالك يانور انتي بتهزري!! نور بعياط: ده منظر واحدة بتهزر، رجلي اتلوت. ادم بقلق: طب تعالي. ادم شالها ونور لسه بتعيط. ادم: يانور متخافيش مفيش حاجة.

نور بعياط: بتوجع أوي يا ادم والله بتوجع. ادم: طب معلشي أنا هوديكي المستشفى وهنتطمن. نور للحظة اتطمنت، وحست انها هتبقى بأمان معاه. ونلخص بردو شالها ووداها المستشفى، ودخلت الأوضة يعني. ادم كان قاعد برا وقلقان عليها يعني. الدكتور: المدام كويسة. ادم: هي مش المدام حضرتك. الدكتور: اه اسف، الآنسة كويسة، هو بس التواء في الرجل، هنركب جبس وهنسيبه 10 ساعات بس عشان نضمن بس، تقدر تدخلها. ادم سابه ودخل. ادم: نور انتي كويسة؟

جري عليها وحضنها جامد. ادم بعد عنها وقالها: ادم: أنا أسف. نور: لا مفيش حاجة، أنا بس تعبانة وعايزة أروح. ادم: ماشي هروحك، تعالي. ادم سندها لحد ما نزلوا تحت وركبها العربية يعني ومشوا. نور: شكراً يا ادم. ادم: على ايه بس، المهم صحتك بس. ادم ونور وصلوا البيت. ادم طلع مسندها برضو. أم نور لما فتحت الباب اتخضت. الأم: ايه يابنتي ده؟ نور: مفيش حاجة يماما رجلي اتلوت عادي يعني. أم نور: شكراً يبني.

ادم: على ايه يا طنط، خديها بس وريحيها وأنا هاجي أشوفها بليل. نور بفرحة: بجد انت هتيجي؟ ادم بابتسامة: اه. نور: ماشي هستناك. أم نور: طب يبني يلا مع السلامة. ادم: مع السلامة. ادم مشي ونور دخلت قعدت في الأوضة. أم نور: الله الله، ده علاقتكو اتطورت أوي. نور بزعيق: أنا قولتلك ياماما مفيش حاجة، تمام، ممكن تطلعي وتسيبيني أنام بقي. أم نور: طيب يا حبيبتي تصبحي على خير. نور: وانتي من أهله. نور نامت وشدت في النوم.

بليل ادم جه وخبط الباب. أم نور: أهلاً يبني. ادم: إزيك يا طنط. أم نور: اتفضل، معلش نور نايمة، خش صحيها انت بقي، أصل هي نامت كتير. ادم: براحتها هي زمانها تعبانة، أنا هخش اصحيها. ادم دخل عليها عشان يصحيها. ادم: نور يانور. نور: امممممم. ادم: أنا جيت. نور فاقت بسرعة: ايه ده ادم، ازيك؟ ادم: كويس، خدي دي. نور: ايه دي؟ ادم: انتي شايفة ايه يعني؟ نور: الله، بوكس، ياترى في ايه في البوكس ده. ادم: افتحيه.

نور فتحته لقت فيه شوكولاتة كتير أوي وسلسلة مكتوب عليها حرف الN. نور بفرحة: جميلة أوي بجد، شكراً. ادم بفرح: العفو، كويس انها عجبتك. نور: عجبتني أوي بجد، جميلة أوي، تسلم بجد أنا مش عارفة أقولك ايه على وقفتك جمبي، بجد شكراً. ادم: متقوليش حاجة، على فكرة ده واجبي، المهم صحتك بس. نور: شكراً. ادم: أنا همشي بقين. نور: لي بس منتا قاعد. ادم: لا انتي تعبانة اسيبك ترتاحي، لو مش قادرة تيجي الشغل بكرة خلاص.

نور: لا لا خالص، أنا كويسة، ربنا يخليك. ادم: يلا مع السلامة. نور: سلام. ادم مشي ونور فرحت أوي انه جه واهتم بيها وجاب لها هدية وكده. تاني يوم الصبح. نور صحيت بنشاط وفكت الجبس في البيت عادي وقامت وفطرت وجهزت نفسها بنشاط، عشان تروح الشركة وكمان تشكر ادم وكده. نور لبست وجهزت وركبت أتوبيس وراحت الشغل. يدوبك دخلت لسه هتخبط على المكتب سمعت صوت بيقول: دومي حبيبي انت فين وحشتني!!