رواية صدفة مع صعيدي الفصل الثالث 3 - بقلم شهد التوني

كراميل: ادخل. أسد: انتي قد القلم ده؟ كراميل بتوتر: أيوا، انت ازاي أصلًا تعمل كده؟ أسد بخبث: أحم، وأنا عملت إيه عاد؟ كراميل بعصبية: واللهي مش عارف، عملت مراتك تمد إيدها عليا الصبح، وانت تيجي تبوسني بليل، أنا لازم أمشي من البيت ده. أسد بعصبية: مراتي واتحسبت، واللي عملتوه معاكي ده عادي، كنت بسألك. كراميل: انت واحد سافل ومش محترم. أسد والشرار طلع من عينيه: أنا سافل ومش محترم؟ أسد يقرب منها.

كراميل وهي بترجع لورا: أحم، أيوا. أسد قام مسكها من معصمها جامد: أنا هوريكي الأسبوع اللي انتي هتقعدي هنا هيحصل فيكي إيه، من السافل والمش محترم. كراميل والدموع في عنيها: سيب إيدي. أسد زقها على السرير وقرب منها جامد، وأنفسهم طالعة مع بعض، وبص في عنيها. كراميل بتوتر وخوف: انت هتعمل إيه؟ ابعد كده. أسد وهو باصص في عنيها: هو انتي عايزاني أعملك حاجة؟ كراميل بتوتر أكتر: على فكرة مينفعش تقرب ليا كده.

أسد بكتم ضحكة: أحم، هو مش أنا سافل ومش محترم؟ كراميل: ممكن تبعد بقااا شوية عشان كده ميصحيش. أسد: . . . دق دق دق. كراميل زقت أسد من قصدها جامد وقامت وقفت: قوم، الباب بيخبط. أسد: مش هقوم. دق دق دق. كراميل: أبوس إيدك، مينفعش حد يدخل يلاقيك نايم على السرير كده، هيفهموا غلط. أسد بخبث: ما يفهموا، أنا مالي. دق دق. حسن من بره: كيرو، انتي كويسة؟ مش بتردي ليه؟ قام أسد من على السرير متعصب لما سمع صوت حسن، ومسك

كراميل من معصمها جامد: مين الواد المايع اللي كل شوية يقولك كيرو كيرو؟ كراميل بخوف منه: انت مالك. أسد ضغط على معصمها أوي: حبيبك ولا إيه؟ كراميل بدموع: أهي أيدي بتوجعني، سيب إيدي. أسد: مش هسيبك غير لما تقوليلي الواد المايع ده يقربلك إيه. كراميل بدموع: صديق ليا واللهي بس. أسد حس بفرحة جوه، بس مش باينة. ساب إيد كراميل وراح فتح الباب. أسد بجمود: في إيه؟ دق دق دق دق. حسن باستغراب: هي فين كيرو؟ وبتعمل إيه عندها في أوضة؟

أسد بعصبية: أولًا اسمها كراميل، تانيًا أنا بعمل إيه هنا ملكيش صالح، تالتًا كراميل مش هنا، عند جدي. وقفل الباب في وشه. كراميل: شكرًا عشان قلتله اللي أنا مش هنا. أسد بجمود: قلتله أكدي عشانك، عشان محدش يتكلم عليكي نص كلمة. كراميل باستغراب من طريقتو: طيب ممكن تخرج بقااا عشان هغير وأنا أنزل. أسد بضحك: طيب، ده الواحد حظه كيف القمر لما ييجي في الوقت ده، وانتي تقوليلي انزل؟ أسعدك طيب. كراميل بعصبية: انت سافل ومش محترم.

أسد شدها لي جامد، بقا قصد صدره بالظبط (هي أوزعة شوية 😂) . قام بصها مش شفايفها جامد بعدين. أسد: بصيلي بقااا، كنتي بتقولي إيه؟ كراميل وشها أحمر من الكسوف، وعينيها في الأرض، وضربات قلبها طالعة نازلة. أسد بيضحك على شكل كراميل: مش سامعة رد يعني؟ أنا بقول أكمل اللي كنت بعمله. كراميل فتحت عينيها جامد، وقامت جريت من قصدو، خرجت بره الأوضة. أسد بتسميه: مالك يا أسد؟ أول مرة تفرح من قبلك بعد موت حبيبتك؟

ودعنية دمعت. إيه يا أسد، حد تاني هيدخل قلبك؟ كفاية اللي حصل لك قبلك عاد. فلاش باك من خمس سنين. "بحبك يا أسد، وبموت فيك كمان." "وأنا يا قلب أسد، اتوحشتك جوي." نور: بلايش تغيب عني تاني. أسد: مش بيدي يا حبيبت عيني. نور: ماليش صالح. أسد: أكدي ماشي يا ستي، أنا جعان أوي. نور: أنا عملت لك الأكل اللي بتحبه، كله غير ونزل ورايا. أسد بخبث: لااااع، ما أنا مش هاكل الأكل. نور: أومال؟ أسد قام شدها لحضنه: هاكلك انتي.

نور: ههههه، سيبني يا أسد بقااا. أسد وهو بيبوس عنقها (رقبتها) : لاااع، مش هسيبك يا قلب أسد. دق دق دق دق. أسد: مين ابن المركوب اللي بيخبط؟ أمينة (تبقا من خدم البيت) : الحق يا أسد بيه، في حريقة في الأرض. قام أسد لبس ونزل جري، ونور نزلت وراه. أسد راح الأرض لقيها النار ماسكة في الأرض كلها. أسد بعصبية: يا ابن الكلب، هطلع عين اللي جابوك. نور بطبطب على ظهره: معلش يا أسد، ربنا يعوض عليك. أسد بعصبية: مش هسيبه.

همام: ولا أنا هسيبك يا ولد عمي، زي ما خدت حبيبتي، اتجوزتها. أسد: حبيبتك مين يا ابن المركوب؟ قام همام مطلع الخنجر (سكينة يعني) وهاجم على أسد. قامت نور وقفت قاصد أسد، ومن ساعتها في بحر دم بين أسد وعايلة عمو. وبعدها بسنتين جده جوز أسد لصفية غصب عشان أبوها مات، وها بنتها الوحيدة، ومن ساعتها وهو مجابش حد بعد نور. ***

راجع أسد في الحاضر ومسح عينه اللي كلها دموع على محبته. سمع صوت صريخ جامد تحت. اتحرك بسرعة، نزل ليلاقيها كراميل ماسكة شعر صفية. كراميل بعصبية ووش أحمر: هو أنا عشان سكت لك يا روح أمك هتخدي عليه؟ لا يحبيبتي، انتي متعرفنيش، أنا مش بتاعت بابي ومامي. أسد كاتم الضحك: إيه الصوت العالي ده؟ سيبي شعرها يا كراميل. صفية بسهوكة: الحقني يا أسد، بتضرب مراتك، مرات كبير البيت اللي هي قاعدة فيه. كراميل

وهي بتشد على شعرها أوي: انتي هتزعلتي ولا إيه يا ماما؟ أنا ماشية أصلًا. أسد بصوت عالي حرك جدران البيت: باااس! إيه مفيش كبير للبيت ولا إيه؟ اللي يقعد هنا يحترم صاحب البيت، ومش عايز أسمع حس تاني. كراميل سابت شعر صفية. قامت صفية بصت ليها بصه كلها شماتة. قامت كراميل جريت على أوضة وعينيها كلها دموع. أسد في عقله: إيه اللي أنا عملته ده؟ أسد بصوت عالي: أمينة، يا أمينة. أمينة: نعم يا أسد بيه. أسد: احكي ليا كل اللي حصل.

أمينة: ست كراميل كانت جاية تاخد أكل ليها عشان مأكلتش من الصبح، قامت ست صفية قالتها: أنا مشفتش بجحة كده، مش كفاية اللي انتوا قاعدين ومستحملين قرفكم، كمان جاية تاكلي. ومشيت ست كراميل، واللهي يا سعادة البيه، قامت لمتها، وخدت ست صفية، زقتها وهي خارجة، وقعت ست كراميل اتخبطت راسها جامد في الأرض، قامت حصلت العركة. أسد والشرار طلع من عينه من حديث أمينة: اتفضلي انتي يا أمينة. *** في الأوضة عند كراميل.

كراميل هستيريا من العياط: خلاص، أنا مش قدها، أقعد أكتر من كده هنا، كفاية بقااا الهم ورايا ورايا. ملك: اهدي يا بنتي، إيه اللي حصل بس؟ هو انتي في أي مكان تكلميني وانتي بتعيطي؟ كراميل: عشان أنا فقر ونحس. ملك: بس يا روحي، انتي كيرو العسل اللي مفيش منك اتنين 😂. كراميل بضحك ودموع: يخربيتك، ضحكتني. ملك: ههههه، وأخيرًا، احكي ليا اللي حصل من غير عياط. كراميل: حكت كل اللي حصل لصديقة عمرها.

ملك بحزن على صحبتها: خلاص يا كيرو، هحول لك فلوس تنزلي الخمس أيام دول في فندق. كراميل: لا طبعًا، انتي ذنبك إيه؟ ملك: بت، مش عايزة عبطك. كراميل: بقولك لا. ملك: يستي، اعتبريهم سلف، لما ترجعي اشتغلي وادفعيهم. كراميل بعد تفكير كبير: أوووف، طيب. قفلت كراميل مع ملك، جهزت الشنطة بتاعتها، ونزلت. لقت حسن وإيمان، صحابها في الكلية. حسن: رايحة فين يا كيرو؟ إيمان: و الشنطة دي؟ كراميل: مش هقدر أقعد هنا أكتر من كده. حسن: ليه؟

حصل إيه وإحنا مش هنا؟ كراميل: حكت ليهم على اللي حصل. بعدها سرحت مع نفسها، ما هو أكيد كان هيقف في حق مراته، بعدين أنا زعلانة ليه؟ ما طبيعي يقف معاها، مش معايا أنا يعني. وعينيها دمعت. إيمان: كيرو، يا كيرو. كراميل بصت ليها بتوهان: آه، في إيه؟ إيمان: انتي في إيه؟ بقالنا خمس دقايق عاملين نقولك، هتروحي فين؟ كراميل: هنزل في فندق. حسن: طيب، ابقي طمنيني عليكي. استنى، هوصلك لحد هناك.

كراميل هزت راسها بمعنى طيب، ومشيت كراميل وهي وحسن، ودخلت الفندق، وحجزت 5 أيام، ودخلت الأوضة ترتاح. وحسن روح السرايا. *** صفية لابسة جلابية حمراء ملزقة على جسمها، ومسيبة شعرها على ضهرها، ودخلت بدلع عند أسد. دق دق دق. أسد: ادخل. دخلت صفية، قربت من أسد، وحطت إيدها على صدره. صفية: اتوحشتك جوي الحبة دول. أسد بص ليها بقرف: ادخل، إيديها قلم، خليها تقع على الأرض. انتي! أسد: انتي ليكي عين تيجي هنا؟

صفية: هو أنا عملتلك إيه يا ولد عمي؟ أسد: قلتي أدبك على ضيفنا. صفية: قصدك على البت مقصفة الرقبة دي؟ دي عايزة ترباية. أسد: أنا ماسك نفسي عنك، تخرجي من الأوضة، ومش أشوف وشك هنا. صفية خرجت من الأوضة، وبنعل كراميل في سرها. أسد في نفسه: أنا غلطت الصبح باللي عملته، لازم أروح أطيب خاطرها، دي ضيفة برضوا، عندها واللهي. شكلك إيه يا أسد، حبيتها وهي كيف البدر المنور.

خرج أسد من الأوضة رايح ناحية غرفة كراميل، فضل يخبط، يخبط، م فتحتش. أسد في نفسه: يمكن نايمة، أو يمكن حصل ليها حاجة. قام فتح الباب بسرعة، بص في الغرفة كلها، فاضية. طلع في الترس، مش موجودة برضوا. فضل يزعق بصوت عالي جداً، صحى كل اللي في البيت. أمينة: في إيه يا أسد بيه؟ أسد: فين كراميل؟ حسن واستغرب: وانت عايزها ليه؟ أسد بعصبية: فين كراميل يا أمينة؟ حسن: كراميل مشيت. أسد: رايحة فين؟ وإزاي تمشي وأنا معنديش علم؟

هو البيت من غير أصحاب ولا إيه؟ تمشي وتيجي على كيفها. إيمان: بس هي مش جايا. أسد بعدم فهم: قصدك إيه؟ إيمان: بعد اللي حصل الصبح، كيرو قررت إنها تمشي تقعد في فندق. أسد بجنون: خرج وركب العربية بسرعة. *** عند كراميل الساعة 2 بليل. دق دق دق. كراميل: مين؟ محدش بيرد. دق دق دقق. قامت كراميل فتحت الباب. كراميل: مين حضرتك؟ وازاي تخبط عليّ في وقت زي ده؟ غريب: أنا غريب، اسمي غريب يا قمر. كراميل: وعايز إيه غريب؟

غريب بخبث: أصلًا سمعت إن فيه واحدة قمر جوي نزلت عندنا الفندق، وإنها مش من هنا، قولت أجي أتعرف. كراميل بتوتر: ماشي، ينفع أقفل عشان الوقت اتأخر، مينفعش كده. غريب وعينيه على جسمها: هو أنا لحقت أتعرف؟ قام مسك إيدها. كراميل بخوف منه وعياط: عيب كده، بعد إذنك، سيب إيدي، لما واللهي أكسرهالك. غريب: ههههه، تكسري إيدي أنا يا بنت المركوب؟ لا ما هي اللي هتكسر إيدك، أنا اللي هكسرها هي ورجلك. ادخل...