رواية صدفه خطفت قلبي الفصل الرابع 4 - بقلم شهد أحمد

زياد: أنا هشوفها كل فترة وأطمنك عليها، بس فعلاً مفيش حل غير إنك تسافر. عمرو بحزن: أنا موافق، بس خد بالك منها عشان خاطري، وأنا هحاول أرجع بسرعة. زياد: تمام، ربنا معاك. أنا همشي دلوقتي عشان هروح مع حبيبة عند الدكتور. عمرو: تمام. ومشى. عمرو بحزن: طب أنا أقولها إزاي يارب، مش عارف أعمل إيه، يعني بدل ما أكون جنبها أروح أقولها أنا مسافر وهسيبك لوحدك أكتر. تاني يوم راح عمرو عند نهلة. نهلة كانت في أوضة والدتها، ودخلت مها.

مها: نهلة ياحبيبتي، عمرو بره عايز يتكلم معاكي شوية. نهلة حركت رأسها إنها موافقة. مها: حاضر. وخرجت ودخل عمرو. عمرو بتوتر: عاملة إيه النهاردة؟ نهلة بتبص بس مش بترد. عمرو بحزن: نهلة عشان خاطري اتكلمي، أنا بتعب لما بشوفك كده. وسكت شوية وبعدين اتكلم. عمرو بحزن: نهلة أنا هسافر. نهلة اتصدمت وبتبص عليه بس. نهلة في نفسها: هيمشي انت كمان؟ وأنا اللي قولت إنك بتحبني وهتفضل معايا تعوضني عن اللي مشيوا، أتاري هتمشي انت كمان.

عمرو بحزن: لازم أسافر لندن عشان الشغل هناك، بس هحاول أخلص كل حاجة هناك بسرعة وأرجع، بس نفسي أسمع صوتك قبل ما أمشي. بردو مفيش رد منها. عمرو بحزن: أنا همشي، أشوف وشك بخير إن شاء الله، وأتمنى أرجع تكوني كويسة. مع السلامة. وقام عشان يمشي، بس قبل ما يخرج. نهلة بصوت واطي: ترجع بالسلامة. عمرو بصدمة: إيه؟ إنتي اتكلمتي بجد؟ نهلة: آه. عمرو بفرح: وحشني صوتك، والله كل ده قدرة متتكلميش، أنا مش مصدق إنك اتكلمتي أخيراً.

نهلة: احم، شكراً على وقفتك معايا طول الفترة دي. عمرو: شكراً إيه ياهبلة، مفيش شكراً خالص بينا، فاهمة؟ أنا مش عارف أعمل إيه دلوقتي، بس أقولك قومي البسي. نهلة باستغراب: ليه؟ عمرو: هنخرج. نهلة: لا مش عاوزة. عمرو: مفيش الكلام ده، اسمعي الكلام يلا البسي بسرعة، أنا بره. وخرج قبل ما هي ترد. نهلة: مجنون ده، بس أنا مش عارفة أوفق ولا لأ. فينك يا أمي؟ كنت بسألك انتي على طول. ربنا يرحمها ويصبرني على غيابك يارب. وقامت تلبس.

خرجت نهلة بعد نص ساعة. كانت لابسة فستان أسود ضيق من فوق ونزل بوسع، وشعرها سايب على ظهرها، وهي من غير ميكب خالص، بس كانت قمر. عمرو: واو، إيه الجمال ده كله. نهلة بكسوف: مرسي. مها: قمر ياروحي. نهلة: شكراً يا مها على وقفتك معايا كل الفترة دي. مها: بس يابت، ده أنا أختك الكبيرة، مفيش الكلام ده، يلا اخرجي ياحبيبتي. نهلة: حاضر، يلا. عمرو: يلا ياقمر. وخرجت مع عمرو، وراحت الملاهي، وبعدين دخلت سينما، وبعدين راحوا الكورنيش.

عمرو: مبسوطة؟ نهلة: آه، شكراً بجد على اليوم، كان حلو أوي. عمرو: يارب دايماً مبسوطة. نهلة: شكراً يا عمرو، أنا بجد مش عارفة أقولك إيه على كل حاجة بتعملها معايا. عمرو: متقوليش حاجة، كفاية إنك بخير ومبسوطة بس. نهلة بتوتر: هو انت هتفضل كتير مسافر؟ عمرو: هو على حساب الشغل هناك، لازم أظبط الدنيا، بس أنا هحاول متأخرش، متخافيش. وبعدين أنا عايز أقولك حاجة. نهلة: إيه هي؟ عمرو بحب: نهلة أنا بس...

قبل ما يتكلم شاف حاجة خليته يتصدم. بس يا ترى هو شاف إيه؟