رواية صدفه ترجع الماضي الفصل الثالث عشر 13 - بقلم انما احمد

جومانا بغرور: أنا خطيبة قاسم، وأنتوا بقى؟ ميان بابتسامة مستفزة: وأنا بقى مرات قاسم. لفت جومانا لقاسم. جومانا: قاسم، الكلام ده صح؟ قاسم: آه يا جومانا، ميان تبقي مراتي. جومانا: بس أنا وأنت مخطوبين، إزاي تعمل كدا؟ قاسم: أولًا صوتك ما يعلاش، آه أنا اتجوزتها ومش هاجي أستأذنك. جومانا: لا لا مش قصدي، أنا بحبك أوي يا قاسم ومستعدة أكون الزوجة التانية. كمية بجاحة وعدم كرامة، يا لهوي تقيلة على قلبي.

جومانا: ماما لو عرفت ولا تيته هيزعلوا أوي بسبب كدا، بس أنا مستعدة يا بيبي أقنعهم. قاسم بملل: يلا يا حسام عندنا شغل. ضحى بصوت واطي لميان: جتلك ضرة. ميان: عارفة يا بقرتي، مش هرد عليكي. جومانا: هه، أنت يا بهايم اللي هنا. ميان: والله يا حبيبتي مش شايفة بهايم هنا، دا غير بقى لو أنت شايفة نفسك كدا. جومانا: لا أنا ما بكلمكيش. وهي بتشاور بصباعها بقرف. جومانا: أنت، أنا بكلم الخدم اللي هنا. ميان: ليهم أسامي وتتكلمي باحترام.

جومانا: هو أنت مفكرة عشان قاسم اتجوزك إنك بقيتي ست البيت وكدا؟ دا يمكن متجوزك عشان يلمك من الشارع ولا تلاقيكي صعبتي عليه ولا تلاقيكي عملتي عملة، أصل إيه اللي يخليه يتجوزك سر يا بيبي. شيماء هنا اتدخلت: جومانا الزمي حدودك مع ميان، ميان هنا تبقى مرات قاسم يعني دا بيتها وأنت ضيفة فيه مش أكتر، تمام؟ جومانا بتخاف من شيماء: بس بس. شيماء بصوت عالي: ديناااااا، تعالي خدي الشنطة دي وطلعيها في أوضة من فوق. جومانا طلعت بغيظ.

ميان بابتسامة: شكرًا يا شوشو يا قمر. شيماء: ولا يهمك يا روحي، هي جومانا كدا هي وأختها العقربة، ما ينفعش معاهم إلا كدا، اطلعي أنت ريحي عقبال ما العشا يجهز وقاسم ييجي. ميان: تمام، يلا يا ضحى. في أوضة ميان. ضحى: طيب هتعملي إيه في الحرباية دي؟ ميان: ولا حاجة، سيبها تطق كدا، المهم أنت هتقعدي معايا هنا في البيت. ضحى: لا أنا هرجع السكن دا غير إن الامتحانات قربت. ميان: لا تقعدي معايا، أنت هتسيبيني لوحدي؟

ضحى: ما أنا هكون معاكي. ميان: لا معايا هنا. ضحى: طيب طيب، هنستغلك بقي وناخد هدوم من عندك عشان هدومنا مش معانا. ميان: أنت تؤمر يا جميل. بعد وقت. الباب خبط. ميان: ادخل. دينا: مساء الخير يا هانم. ميان: مساء النور يا دينا، بلاش هانم دي، أنا بحب أتنادى باسمي وما ترفضيش، أنا عايزة كدا. دينا: حاضر، العشا جاهز وقاسم بيه في أوضته بياخد شور وبيغير ونازل، فيا ريت حضرتك تنزلي قبليه أنت وضيفتنا. ميان: حاضر يا دينا، دقيقة وهنزل.

دينا: تمام. الكل مجتمع على السفرة. جومانا: حبيبي جون جاي بكرة هو وجنى ومامي، ممكن تبعت عربية تجيبهم. قاسم: طيب. بعد العشا، ميان وضحى طلعوا الأوضة. الباب خبط، ميان قامت وفتحت. ميان: نعم. قاسم: إيه، هنام، وسعي. ميان: لا معلش، نام في أوضتك. قاسم: لا هنام هنا، ولا أنت خايفة؟ ميان: لا وخاف ليه، بس برضو لا مش هتنام هنا، ضحى هتنام معايا. قاسم: ما تخليها تنام في أوضة تانية. قاسم وهو بيقرب عليها: إيه رأيك؟ ميان بابتسامة

مستفزة بتدعي التفكير: امممممم لا. وقفلت الباب في وشه. ضحى ماتت ضحك: آه مش قادرة. ميان: بس يا بت ويلا ننام. الصبح وهم على الفطار. الباب خبط. شيماء: دينا. ميان: لا لا هم بيفطروا، هفتح أنا. وقامت عشان تفتح. أول ما ميان فتحت الباب، لقت شاب بيصفر: دا إيه الجمال الغربي الشرقي دا؟ يا لهوي ما فيش كدا، مين القمر؟ قاسم رزعه بوكس شفلط وشه: دي مراتي اللي بتعاكس فيها.