رواية صدفه ترجع الماضي الفصل الثاني عشر 12 - بقلم انما احمد

بارك الله لكما وبارك عليكما وجمع بينكما في خير. هنا شيماء زغرطت. ميان بتكلم نفسها: يا ترى أنا اللي عملته صح؟ ومرة واحدة سمعوا زعيق من برا. الكل قام وحسام وقاسم خرجوا. لقوا بنت بتزعق برا وبتقول: إزاي مش عايز تدخلني؟ كل دا عشان نسيت بطاقتي! بقولك داخلة لصحبتي. قاسم: بس يا فريد، إيه؟ انتي مين؟ البنت: أنا ضحى صحبت ميان. ميان جريت عليها: ضحى! ضحى: الهبلة! ميان: وحشتيني، يلا ادخلي.

ميان خدت ضحى ودخلت جوا وطلعت على أوضتها على طول. ضحى: استني استني، يعني خلاص اتجوزتيه؟ انتي قولتيلي تعالي عايز اكي، أجي تكوني اتجوزتي؟ نعم يا ختي. ميان: بس بس أهدي، أنا عملت كدا عشان زين كتب ليا أنه مستأمني عند صاحبو وأنه بيعتذر ليا عن حاجة عملها وبيقولي أنها وصيته، فاتريت. ضحى: طيب بعيداً عن كل دا. وهي بتغمز: الواد مز. ميان مسكت المخدة وخبطتها في وشها: بت دااا دا مهما كان جوزي، اتلمي. ضحى: والله. تحت بقى.

حسام: ياه، يعني ميان اخت زين؟ بس انت سبتها ليه وانت عارف، انت كنت عايز تفضل في البيت صح؟ قاسم: مش هرد عليك. قول لي بقى أي اللي حصل؟ كنت عايز تقول لي. حسام: آه، اسمع بقى. Flashback حسام أخد البنت لبيته. حسام: ماما تعالي. وحطها على الركنة. أم حسام: يلهوي، مين دي. حسام: فوقيها الأول بس. بعد ما فاقت. أم حسام جابت لها ميه: إيه يا بنتي، انتي كويسة؟ مين دي يا حسام؟ حسام: أنا اسمي شهد، هو ساعدني من ناس كانوا بيضايقوني.

أم حسام: وانتي أي اللي خرجك دلوقتي بقى، وبالبيجامة كمان؟ شهد: أنا... وهنا عيطت. أم حسام صعبت عليها. حسام: بس بس أهدي، بلاش تقول لي أي اللي خرجك. بيتك فين وأنا هوصلك. شهد: لا لا بيتي لا. أم حسام: في أي يا حبيبتي، احكي لنا عشان نساعدك.

شهد: أنا أهلي من الصعيد ووالدي ووالدتي متوفيين وعمي خد ورثي كله وعايز يجوزني ابنه، وهو كان بعت ناس تاخدني، فكسروا الباب وأنا كنت في المطبخ فملحقتش ونزلت جريت من باب المطبخ، بس ف ارجوك مترجعنيش. أم حسام خدتها في حضنها: يعينى عليكى يا بنتي، متقلقيش، انتي زي بنتي وحسام هيتصرف. End flashback حسام: بس أنا وقفت معرفتش أتكلم. قاسم: طيب بص. وقطع كلامه بنت داخلة البيت وهي بتقول: حبيبي وحشتني أووي. حسام: البس يا عم.

جريت على قاسم وحضنته. ميان هي وضحى وهم نازلين من عالسلالم. ميان وقفت تتفرج عليها وضحى مصدومة وخايفة من تصرف صحبتها. قاسم بعدها عنه براحة. جومانا: إيه موحشتكش ولا إيه؟ رأيك في مفاجأتي؟ قاسم ببرود: حلوة. جومانا بتلف لقت ميان وضحى. جومانا: هاي. ميان وضحى بنفس طريقتها: هاي. جومانا: أنا خطيبة قاسم، وانتو مين بقى؟ ميان بابتسامة مستفزة: وأنا بقى مرات قاسم.