رواية صفقة زواج الفصل الخامس 5 - بقلم اسماء السرسي

اريج وقد أدركت ما قالته وقامت بسرعة. اريج بتوتر: أنا أنا أنا أنا... يوسف وهو يقرب منها: ااه كنتي بتقولي إيه؟ ااه افتكرت. هو كل الناس بتصحى الصبح على ناس مزز كده؟ اريج بتوتر بالغ: أنااا أنا.. أنا.. مكنش قصدي.. قصدي أنا.. أنا صاحية من النوم. يوسف وهو يبص عليها بابتسامة: امممم. اريج وهي بتبص عليه وبتتكلم بنبرة بكاء: متصليش كده، أقسم بالله هضعف وهقول كلام أكتر من كده. يوسف وهو بيبعد عنها ومستخبي

من الضحك على شكلها: إنتي مشكلة والله. اريج وهي سرحانة في ضحكته ومش حاسة بحاجة. يوسف بطل ضحك وقعد يشاور بإيديه قدام عينيها وهي برضه سرحانة. يوسف وهو بيقوم: يا جدعان أنا عارف إن البنات هتموت عليا بس مش للدرجادي. اريج فاقت على صوته: احييه احييه احييه. الواد هيخليني أضعف ولا إيه؟ لا يا اريج مش واحد زي ده هيخليني أضعف. بس الواد مززز أووي وهو صاحي. ارييج... حاضر أنا نازلة قبل ما أضعف تاني. اريج وهي بتخبط على أوضة سليم.

سمعت صوته من جوه: ادخل. اريج دخلت وحطت الأكل: اتفضل ي حج الفطار. سليم بصدمة: حمام ورز وبط؟ إنت الحاجات دي لمين؟ اريج: ليك عشان شكلك خاسس ومش عاجبني. سليم: مش عاجبك إيه يا اريج يا بنتي؟ في حد بيفطر الصبح حمام وبط؟ اريج وهي بتقطع البطة وبتحط في بوقه: كول ي حج، إنت زي أبويا برضو لازم تتغذى. شكلك مش عاجبني. سليم والأكل في بوقه ولسه هيتكلم لقي اللي بتحط حتة لحمة في بوقه وبلع الكلام اللي كان بيقوله. بعد شوية.

سليم وهو مش قادر: كفاااايه خلاص مش قادر. اريج: طب الحتة دي ي حج والنبي. سليم: لااااااا. واقعدي بقى. وشد الحتة من إيديها وحطها في الطبق. اريج وهي مبوزة: ماشي ي حج. سليم وهو بيتنهد: عاملة إيه مع يوسف؟ عرفتي توقعيه؟ اريج: إيه ي حج؟ هو في حد بيوقع حد من يوم؟ وبعدين متقلقش قريب أوي هتسمع إن حد هيوقع فينا. بس أأكدلك إن الحد ده هيبقى أنا.

وبتتكلم بنبرة بكاء مصطنعة: ابنك ي حج مغناطيس بيشدني لي كل شوية. اعااا ابنك مزز ي حج شكلي هحب ابنك ي حج. سليم بضحك: طلعتي غبية. منا حذرتك. قولتلك ابني مش سهل وهتقعي.

اريج وهي بتتكلم بنبرة حزن: إنت عارف إني بحب ابنك من زمان ي حج. من ساعة ما اشتغلت سكرتيرة عنده وأنا بشوف ستات خارجة ودخلة في البيت هنا. مكنتش بقدر أتكلم. كنت باكل في نفسي وأنا شيفاه بيجيب بنات معاه ومش بقدر أعمل حاجة. حاولت أشيل حبة من قلبي كذا مرة بس العكس بحبه وبتعلق بيه أكتر. سليم بحزن: عارف يبنتي. مهو عشان كده خليته يتجوزك عشان عارف إنك هتصونيه وهتخليه يبعد عن الطريق اللي ماشي فيه.

اريج وهي بتمسك إيده: أوعدك ي حج إني هحاول على قد ما أقدر إني أخليه يبعد عن الطريق اللي ماشي فيه. في نص الليل. اريج وهي نايمة بتسمع صوت ضحكات رقيقة. اريج بتقوم من على السرير وبتفتح الباب. لقت يوسف ومعاه بنت وساندة وطلعين على الأوضة.