رواية صفقة زواج الفصل الخامس عشر 15 - بقلم اسماء السرسي

جلنار بوجع: يوسف بطني. اريج وهي بتبتسم بشر: لقد تمت الخطة بنجاح. وطلعت جري على الأوضة وقفلت على نفسها بالمفتاح. تحت، يوسف ساب الأكل وجري على جلنار بخوف. يوسف: في إيه ي جلنار مالك؟ جلنار بوجع وقامت جري على الحمام ويوسف جري وراها. يوسف ببتسامة: يخرب عقلك ي مجنونة. وبعدين قال بتفكير: معقول تكون غيرانة؟ وبعدين قال بحزن: هتغير ليه أساسًا هي مبتحبنيش. جلنار طلعت وهي ماسكة بطنها وبتعيط

بشحتفة لدرجة إن الكحل ساح: اطلبلي دكتور ي يوسف. وبعدين دخلت الحمام جري. يوسف طلب دكتور ووصل وكشف على جلنار. جلنار وهي بتسأل الدكتور: هو أنا جالي الإسهال ده ي دكتور إزاي؟ الدكتور: تقريبًا في حد حطلك حبوب إسهال بالغلط. في حاجة شربتيها أو تبديل دوا كده يعني. جلنار بتفكر: يوسف ميعملش كده. سليم دا راجل مش عارف يخدم نفسه.

وبعدين قالت بشر: أريج تعمل أكتر من كده. تمام ي أريج، كل ما أجي أقفل صفحتك، إنتي اللي بتفتحيها بنفسك. قابلي اللي جاي، مش أنا اللي بتعمل معايا كده جلنار هانم. الدكتور طلع ويوسف دخل. سليم معبرهاش ودخل أوضة يرتاح. يوسف: إنتي كويسة؟ جلنار بسهوكة: هبقى كويسة لما تبقى جنبي. يوسف فهم ناوي على إيه فحب يخلع وطلع الفون من جيبه. يوسف بتمثيل: الفون بيرن. الو مدحت بيه. وقوف مرة واحدة: إيه بتقول إيه، المصنع اتحرق؟

جلنار وقد فهمت نوايا يوسف: والله. يوسف وهو بيخرج برا الأوضة: طبعًا جايلك ي مدحت بيه. وخلع. جلنار بغيظ: آآآآآآآه. ماشي ي يوسف. إنما الجربوعة التانية تجهز نفسها عشان جلنار هانم هتقوم لها. أريج وهي في الأوضة بتتكلم بستغراب: هو مجاش ليه؟ وزعقلي أو كسر الباب فوق دماغي ولا حتى. وبعدين قالت بذهول: معقول بيخطط لحاجة ليا؟ نهار اسود. لا يبت ي أريج لازم تجمدي كده وتبقي استرونج اند بيت. ومن.. إيه اللي أنا بقوله ده؟ اند بيت إيه؟

لا بس ميعملهاش. آآه، يوسف مش عيل. وبعدين اتجهت للفراش وقالت بنعاس: تصبحي على خير ي نفسي. في الصباح. جلنار وهي داخلة من باب الفيلا بعد ما عملت رياضة كل يوم وراحت قعدت على السفرة. جلنار: good morning family. أريج وهي بتعوج بوقها: لا والنبي اتكلمي عربي. أصل سليم زي ما إنتي شايفة مبيفهمش أفغاني. سليم: هو مفيش إلا سليم اللي بتحشريه في كل مصايبك؟ أريج: سليم متفضحناش قدام الأجانب.

سليم: إنتي محسساني سليم دا بيلعب معاكي. سليم دا قد أبوكي. أريج: سيبك إنت. جلنار بغيظ: إنتي إنسانة مستفزة جداً. أريج وهي بتقوم لها: أنا ي بنت الناس المسلوعة؟ جلنار بغضب: لمي لسانك وابعديه عني. أريج: هو إنتي مفكرة إنك لو عملتي ديل حصان هسكتلك؟ جلنار وهي بتقرب من ودانها وبتتكلم بنبرة خبيثة: احذري مني عشان مش هسيب حقي. وبصت عليها ومشيت. منكرش إن أريج خافت. نبرة صوتها لوحدها خوفتها وحست إن في حاجة هتحصل معاها النهاردة.

جلنار بعد ما طلعت غيرت لبسها، طلعت برا بتبص في حد ولا لا. لقت أريج بتودي سليم أوضته وعادة بتتاخر عنده شوية. استغلت دا واتجهت لأوضتها. وهي بتتسحب عشان محدش يحس بيها ودخلت الأوضة واتجهت للحمام. بوظت الكهربا فيه ع أساس لو دخلت وقادت الكبس، هوب الكهربا تمسك فيها. جلنار وهي بتخرج برا الأوضة وابتسمت بخبث: عشان بعد كده اللي يفكر يعمل حاجة لجلنار يبقي آخره نار. باي باي ريجو. ونزلت.

أريج طلعت ورايحة تفتح الكبس بحسن نية، هوب الكهربا مسكت فيها وصوتت. يوسف داخل من باب الفيلا سمع صراخ أريج. يوسف وهو بيرمي اللي في إيده: آآآآآرييييج.