رواية صفقة زواج الفصل السابع والعشرون 27 - بقلم اسماء السرسي

يوسف وصله رسالة وفتحها. "زمانك عرفت نص الحقيقة. دلوقتي لو عايز تعرف الحقيقة كاملة، تعال على العنوان ده ***" أريج بخوف: أنت هتروح؟ يوسف بغموض: لازم أعرف هو مين وإيه سر عداوته معايا، وأرجعك أختك عشان مش عايزك في حياتي تاني. أريج قلبها وجعها وحست بإحساس وحش. غمضت عيونها وبصتله والدموع على وشك إنها تخونها وتنزل. أريج: اا.. أوعدك إنك مش هتشوف وشي تاني.

يوسف اداها ضهره أول ما شاف الدموع في عنيها وحس بنغزة في قلبه أول ما قالت إنه مش هيشوفها تاني، بس طنش. يوسف: تمام، يستحسن برضه. أنتي هتخليكي هنا وأنا هروح وهجيبلك أختك، بس أنتي مش عايزك تتحركي من هنا. أريج قامت مرة واحدة. أريج: بس أنا رجلي هتكون على رجلك، وأنا كمان عاوزة أروح لأختي وهنقذها معاك. يوسف بغضب: هو إيه اللي جاية أنقذها معاك؟ أريج مش ناقصة عِند. أريج: وأنا رجلي على رجلك، يا كده يا مش رايح.

يوسف بتريقة: لا بجد، ودي هتعمليها إزاي؟ أريج: كده. وزقته على السرير وراحت ناحية الباب وقفلته بالمفتاح. أريج بصت بتحدي. أريج: زي كده. ورفعت المفتاح في وشه. يوسف قام بغضب ووقف قصادها. يوسف: هاتي المفتاح. أريج بتحدي: هتاخدني معاك. يوسف وهو بيجز على سنانه: هاتي المفتاح. ولسه هياخده منها، أريج رفعت إيدها. أريج بتحدي: مش هاخده غير لما تقولي هتاخدني معاك ولا لأ. يوسف بغضب وهو بيحاول ياخده: أريج مش وقت هزار هو.

أريج وهي بتجري: بس أنا مش بهزر. يوسف: أريج. وجري وراها. أريج وهي بتطلع على السرير: يوسف، أنت عارف إني مجنونة. هتاخدني معاك ولا لأ؟ يوسف وهو بيشدها. أريج زقته فوقع على السرير وهي فوقه. أريج بصدمة بصت له. يوسف بسرحان وهو باصص في عيونها وحرفيًا نسي كل حاجة. يوسف: تعرفي إني عيونك جميلة أوي. أريج بسرحان وبصت له. أريج: ها؟

يوسف وقد تحولت نظراته من عينيها إلى شفتيها وهو بيقرب منها. وودي شعرها ورا ودنها ولسه هيبوسها. وأريج مغمضة عينيها ومستسلمة. فجأة الفيديو جه قدام عينيه وهي بتتفق مع مازن. راح زقها وقام. يوسف بغضب: هاتي المفتاح. أريج لسه هتتكلم. يوسف وهو بيجز على سنانه: هاتي المفتاح وهتزفت هاخدك معايا. تموتي تتحرقي، أنا مليش دعوة بيكي، اخلصييييي.

أريج اتنفضت من صوته ومدت إيديها بالمفتاح وإيديها بترتعش. ويوسف خده منها وفتح وطلعوا وركبوا العربية واتجهوا للعنوان.