رواية صغيرة الرعد الفصل العاشر 10 - بقلم دعاء احمد

مرام بهوس: الله الله خالص يا رعد بيه مش قادر تستحمل لحد ما تبقوا في أوضتكم.... ولا حتى البت دي أخدت عقلك. دانه بسرعة بتحاول تقوم لكن رعد شدها أكتر لحضنه. رعد بهدوء مريب: إزاي تسمحي لنفسك تدخلي من غير ما تخبطي؟ إنتي نسيتي نفسك ولا إيه يا مرام؟ دانه ابتسمت لما شافت مرام بتشيط من الغيظ و اندمجت في الموضوع و هي بتسند راسها على صدر رعد و بتبص لمرام و هي بتلعب بحواجبها.

دانه بخبث و دلع: معلش يا حبيبي متزعلش نفسك، أكيد مرام متقصدش. رعد بص لها و كتم ضحكته و بحدة: مرام روحي أوضتك أو روحي الشركة، اتفضلي. مرام بصت له بغيظ و خرجت من أوضة التمرين. دانه بسرعة بعدت عن رعد. رعد بخبث: رايحة فين؟ دانه بتوتر: ها رايحة أوضتي. رعد بخبث: بس إحنا مخلصناش كلام، فكريني كدا كنا بنقول إيه؟ دانه: ولا حاجة، بعد إذنك. رعد: تؤتؤ، مفيش خروج غير لما أنا أمرك تخرجي. دانه: ليه؟ حد قال لك إنك جاري عندك؟

رعد: آه، قالوا لي إنك مراتي، يلا قومي تعالي ورايا. رعد قام و راح ناحية مكان فاضي في الأوضة. دانه قامت و راحت وراه. دانه: عايز إيه؟ رعد: بصي يا قطة.... دانه بمقاطعة: ممكن متقوليش كدا تاني عشان بتعصبيني. رعد بخبث: طب تعالي يا قطة. دانه: اوف، أنا ماشية. رعد بسرعة مسكها من إيديها و لف إيديه حواليها بحيث يثبت حركتها. مبحبش حد يتجاهلني، إنتي فاهمة؟ دانه بخوف: فاهمة، ممكن لو سمحت تسيبني بقى. رعد: فكي نفسك لو تقدري.

دانه بغيظ: لو سمحت سيبني، أنا مش هعرف أفك نفسي منك، إنت مش شايف نفسك زي اللوح أزاز؟ رعد حاول ميضحكش و بهمس: ليكي رجل صح؟ دانه: افندم؟ رعد: اخبطيني برجلك في رجلي بس بقوة و نفس الوقت كف إيديكي حاولي ترفعيه و ابعدي إيدي عنك، حاولي تشغلي دماغك، فاهمة يا قطة؟ دانه اتعصبت من طريقته و ضربته بقوة و زقته بعيد عنها. رعد بابتسامة: أيوه كدا، لازم دايما تكوني سريعة في خطة دفاعك عن نفسك.

دانه بغضب: إنت ليه بتعاملني وكأن في حد عايز يخلص عليا؟ إنت موسوس، لا يمكن تكون طبيعي؟ رعد بغضب: عشان إنتي مش فاهمة حاجة، إنتي تبقي.... فجأة سكت و ضرب إيديه في المراية اللي قدامه، انكسرت و إيديه بدأت تنزف. دانه بخوف و دموع أول ما شافت الدم: إنت.. إنت بتنزف؟ رعد بغضب: براااا. و مسك إيديها ورماها برا الأوضة و قفل باب الأوضة وراه. دانه فضلت تخبط و هي بتعيط. دانه: افتح يا رعد، أنا آسفة.

رعد قاعد على الأرض: غبي، غبي، هتقولها إيه؟ قام بغضب و فضل يتمشى لحد ما جت له رسالة على موبايله، راح مسك الموبيل بيبص، فجأة اتحول الف درجة و طلع من أوضة التمارين و عفاريت الدنيا بتنطط قدامه. فتح باب أوضته بغضب. دانه كانت خارجة من الحمام، لفة فوطة حواليها و فجأة شافته داخل، اتصدمت و خصوصا من شكله المرعب. دانه بخوف: في إيه؟ رعد مسكها من شعرها و رفع موبايله و كانت على صورة ليها هي و ياسر و هو بيبوسها.

رعد: إنتي سمحتيله إنه يبوسك؟ دانه بدموع و رعب: آه. رعد بصلها ووووو.