رواية صغيرة الرعد الفصل الخامس 5 - بقلم دعاء احمد

يوم كتب الكتاب واللي هيغير مصير الكل. ياسر: أنا طالب إيد بنتك دانة. مش هلقي أحسن منها زوجة ليا. رعد: ناعم يا روح أمك. تطلب إيد مين؟ انت عايز تتجوز مراتي. كان بيقول كل كلمة وهو بيضرب ياسر اللي مش فاهم حاجة لكنه بينزف. دانة بدموع: ابعد عنه يا حيوان. أنا بكرهك يا رعد، بكرهك. أنا مش عايزك. بكرهك. أغمي عليها. مصطفى: رعد الواد هيموت في إيدك، ابعد عنه. رعد بعصبية وهو

ماسك ياسر من ياقة قميصه: قسماً عظماً لو هويت ناحيتها لهتشوف أيام أسود مما تتخيل. واحفظ اسمي كويس، رعد المنشاوي. ودي مراتي. لو قربتلها هنسفك. أحمد بغضب: سيبه يا رعد. رعد بعصبية وزعيق: مش قبل ما أعمل معاه الواجب. فهد: فهد، فهد (دراعه اليمين) : أؤمر يا رعد بيه. رعد بحدة: تاخد الواد دا وتعلّمه الأدب. عايزه يحرم يبص لحاجة مش بتاعته. أحمد: رعد، انت بتقول إيه؟ ياسر ما عملش حاجة لكل ده. انت اتجننت.

رعد مردش عليه وراح شال دانة ودخلها أوضتها ونايمها على السرير. قعد جنبها ومسك وشها بإيديه. رعد بغضب: هفهمك يعني إيه رعد المنشاوي. ومعنى إنك بقيتي مراته. وصدقيني هنسف أي حد يحاول يقرب منك لأنك ملكي أنا لوحدي. طلع من الأوضة. أحمد: ممكن أفهم هتعمل إيه لياسر؟ رعد بحدة: أنا اللي عايز أعرف مين ياسر ده. أحمد: دا دكتور دانة في الكلية وجارنا هنا. وهو ودانة كبروا سوا. رعد بقى يضغط على إيديه: وهي كانت بتحبه؟

أحمد: رعد، مش هسمحلك. أنا لحد دلوقتي مستحمل بالعافية. غير كدا ورب الكعبة كنت... رعد بتحدي: ما كنتش هتقدر تعمل حاجة يا أحمد بيه. ودانة دلوقتي بقت مراتي وانت مالكش الحق إنك تعمل معايا أي حاجة ولا تعرف. على العموم أنا هسيب دانة عندك النهاردة وبكرة نشوف الموضوع دا. وسابهم ويروح يطمن على مرام. في شقة رعد ومرام. رعد: حبيبي قلبي عامل إيه دلوقتي؟ مرام بعصبية: اطلع براااا. مش عايزة أشوفك. يا رعد أنا مش طايقاك. بكرهك.

رعد: اممم ليه كدا يا روحي؟ انتي عارفة إني مش بفكر في موضوع الخلفه دا يا مرام. ويوم ما أخلف أجيبه ابن حرام ليه أعيشه في الوجع دا. مرام بدموع تماسيح: امشي يا رعد، امشي. انت محبتش. لو حبتني كنت اتجوزتني. لكن ما كنتش عملت اللي انت عملته دا. رعد: خالص بقى يا مرام. أنا عملت كدا عشان أحافظ على علاقتنا. مرام: آه ودلوقتي اتجوزت فعلاً. بتحبني أو؟ رعد: طب وايه اللي يرضيك يا ست... مرام: إني... رعد: إيه؟ مرام: تتجوزني. رعد...

تاني يوم. عند دانة. قامت اخدت شاور وغيرت هدومها وبتحاول تبقى هادية. عمتها: صباح الخير يا قلبي. دانة بسعادة: ديدا. داليا: وحشتيني يا قمر. دانة: جيتي إمتى يا عمتو؟ داليا: من ساعة كدا. قعدت أنا وأحمد نتكلم. قوليلي بقى عروستنا عاملة إيه؟ دانة بتلألأ دموع: خايفة أوي يا عمتو. خايفة منه. بحسه حيوان أوي ومعندوش... داليا: أنا عارفة إن رعد طبعه حاد. بس خالص يا دانة. كتبوا الكتاب. ودي وصية بابا الله يرحمه.

دانة: بس أنا فجأة اتجوزت واحد معرفوش. كل يوم بيبقى مع واحدة. جرئ أوي. وعصبي وفيه كل العبر. داليا: طب سيبك من دا كله ويلا بينا... دانة: على فين؟ داليا: هنخرج نشتري شوية حاجات ليكي يا عروسة. لبس للعرايس. دانة: اااعععاااا. بقى أنا بشتكيلك تقوليلي كدا. داليا: يلا بينا يا لمضة. وفعلاً نزلوا سوا. رعد بنبرة أمر: اركب. دانة: انت! داليا: رعد، هنروح بعربيتنا. رعد باحترام

لأن داليا هي اللي ربته: لا يا عمتو. اركبوا هوصلكم وهفضل معاكم. ومش عايز مناقشة. داليا: أمرنا لله. اركبي يا دانة. دانة: حاضر. وراحت ركبت في الكرسي اللي ورا. وداليا في الكرسي اللي جنب رعد. كان بيبص لها من المراية لكن هي بتتجاهله ودا مضايقه. بعد مدة وصلوا أتيليه فخم فيه كل حاجة تحتاجها. اشتروا حاجات كتير. داليا: تعالي ندخل. دانة بتوتر: هنا. طب. طب قوليله يمشي. داليا بضحك: حاضر.

رعد: ممكن تنزل انت عشان هي مش عايزآك تدخل معانا. رعد ضحك وخرج. بعد مدة كانت دانة واقفة مع داليا. داليا: أنا هاروح الكاشير أحاسب. دانة: أوكي. ماشية في المكان فجأة حد سحبها ودخل بيها أوضة البروف. دانة: انت بتعمل إيه هنا؟ رعد: اممم. ما كنتش عايزني أبقى معاكي لي؟ دا أنا حتى جوزك ولازم أشوف ذوقك. دانة: انت قليل الأدب. بعدين نور كدا. لو سمحت. رعد: اممم. ولو مبعدتش... دانة: هصوت وألم على الناس وأقول متحرش.

سابته وخرجت وهي وشها أحمر من كتر التوتر لدرجة أنها كانت حاسة إنها هتغمي عليها. كانوا ماشيين لكن جت بنت وحضنته. رعد بسرعة وبـ... دانة فتحت عينيها بصدمة من جرأة البنت و...