رواية صغيرة الثلاث الفصل الحادي والعشرون 21 - بقلم نونا رامي

سيف وهو ينهض قائلا بهدوء: _يلا عشان اروحك الوقت أتأخر كفاية كده. اتسعت عينيها بفزع وهي تفكر في ساندرا لتقول بسرعة وتوتر: _لا. نظر لها بتعجب لتقول بابتسامة متوترة: _قصدي يعني خلينا شوية. قبل جبهتها بحنان قائلا وهو يمسك كف يدها: _كفاية كده يا حبيبتي وهجيبك مرة تانية. امتلئت عينيها بالدموع خوفا من أن يتم اكتشافهم قائلة برجاء ونبرة باكية: _عشان خاطري. نظر لها بفزع، لا يعقل هل تبكي من أجل أن تجلس المزيد

من الوقت فقط ليقول بلهفة: _لا لا انتي هتعيطي خلاص يا ملاك هنفضل شوية كمان متعيطيش. مسحت دموعها تنظر له بابتسامة جميلة وهي تشير بسبابتها لإحدى الكراسي القطنية: _تعالى نقعد هنا. أومأ لها وهو يبتسم بحنان متوجها نحو الكراسي وكفها بين كفه. *** تنهد يوسف وهو يخرج من الغرفة ثم هبط لأسفل قائلا بتعجب: _البيت فاضي يعني. محمود وهو يجلس في الحديقة أمام اللابتوب الخاص به يشاهد أحد الأفلام:

_شهيدة وسليم بيجيبوا الفستان وسيف شكله كده مع ملاك وساندرا هتلاقيها نايمة في أوضتها. يوسف بترقب ورفعة حاجب: _بس ساندرا مش في أوضتها. محمود وهو يبتلع لعابه وقد بدأ الشك يتسرب داخله قائلا: _آه هتلاقيها في أوضة المكتبة ما إنت عارف معظم وقتها بيبقى هنا. يوسف وهو يتوجه نحو القصر مرة أخرى: _هروح أطمن عليها. محمود وهو يسحبه من يده بسرعة وتوتر: _لا لا اا تعالي بس اقعد عايزك في موضوع. يوسف بهدوء وهو يجلس بجواره: _اتفضل.

محمود وهو يحاول تذكر أي موضوع ليشغل به يوسف: _اا اه رحمة. يوسف بحاجب معقود وتعجب: _مالها؟ محمود بهدوء: _مش شايف إن خلاص جه الوقت تكتبوا الكتاب. ابتسم يوسف بحب قائلا: _طب والله فكرة نكتبه بكرة مع سليم وشهيدة ونبقى نعمل الفرح بعدها. ابتسم له محمود بهدوء قائلا بشرود: _عقبال ما أشوف ساندرا هي كمان مبسوطة زيكوا كده وتلاقي الشخص اللي يستاهلها. ***

شهيدة وهي تركض نحو إحدى الفساتين قائلة بابتسامة كبيرة واتسعت عينيها بدهشة من روعة الفستان قائلة بانبهار كطفلة تعرض على والدها لعبة أعجبتها: _الله بص دا يا سليم دا حلو أوي. ابتسم لها ابتسامة حنونة وهو يرى سعادتها قائلا للفتاة الواقفة بجواره: _هناخد دا. أومأت له الفتاة وهي تنظر له بإعجاب شديد ليقول وهو يتجاهلها وينظر لشهيدة يتساءل: _ولا نشوف غيره يا بسبوسة؟ شهيدة بسرعة وسعادة شديدة: _لا لا يا سليم أنا هاخد دا.

ابتسم بتأثر من تلك السعادة التي يراها بعينيها: _تمام يا آنسة حطوه في العربية هناخده. الفتاة وهي تنظر له بهيام تتخيل نفسها مكان شهيدة: _عيوني. شهيدة وهي تتوجه نحوهم قائلة برفعة حاجب: _مالك يا آنسة في حاجة وجعاكي؟ كتم سليم ضحكته بصعوبة لتقول الفتاة بغيظ: _افندم. شهيدة بسخرية وهي تشتعل: _لا مافيش اصل حسيتك مش مظبوطة كده في وقفتك. اعتدلت الفتاة بسرعة واحراج وهي تنظر لشهيدة بغل ثم توجهت للخارج. سليم بشفقة

وهو يكتم ضحكته بصعوبة: _كده يا شهيدة أحرجتي البنت. نظرت له برفعة حاجب قائلة: _يا عيني صعبت عليك أوي. رفع يديه للأعلى قائلا ببراءة: _بريء يا بيه. اقتربت منه تبتسم له ابتسامة شيطانية قائلة: _إنت بتاعي يا سليم فاهم، بتاعي لوحدي وأي واحدة هتقرب منك هنسفها. ابتسم بإعجاب على تلك الشراسة التي راقت له بشدة قائلا وهو يقترب من وجهها بعبث: _بتاعك يا قلب سليم، هاتي بوسة بقى بما إني بتاعك. اتسعت عينيها بصدمة

قائلة وهي تدفعه بعنف عنها: _آه يا قليل الأدب. تراجع عدة خطوات للخلف قائلا بغيظ: _كل دا عشان بوسة وبعدين أي مركبة مدافع في إيدك. احمرت وجنتيها بخجل قائلة بتلعثم: _ا بعد أنا مكنتش واخداك قليل الأدب كده إنت كنت محترم. نظر لخجلها بحب قائلا بغمزة عابثة: _هو أنا مقلتلكيش أصل أنا متربتش أساسا ف اتعودي بقى. اشتعلت وجنتيها أكثر ثم نظرت له بغضب متوجهة نحو الخارج لتنطلق ضحكاته الصاخبة وهي يتوجه خلفها قائلا بصعوبة

من بين ضحكاته القوية: _تعالي بس هقولك. سرعت في خطواتها بغيظ ليقول وهو يمسك بطنه من الضحك وادمعت عيناه: _شهيدة. *** ساندرا وهي تتحدث مع كنان عن كل شيء يخصها بحماس طفولي لمس قلبه بشدة قائلا باهتمام شديد: _آه وبعدين. عقدت إصبعها قائلة بابتسامة: _وبس كدة بقيت شخصية ضعيفة زي ما إنت شايف بسبب اهتمام بابا وإخواتي الزائد بيا. ابتسم لها بهدوء قائلا:

_دا كان غلط منهم المفروض بدل ما يعملوا كده كان يوعوكى ويخلوكى قوية بما إنهم بيخافوا عليكي بس هم اختاروا الطريقة الغلط. ابتسمت له بشرود قائلة وهي تعبث في إصبعها: _أقولك سر. أومأ لها بابتسامة وهو ينصت باهتمام لتقول وهي تبتلع لعابها بطفولة: _ا ا أنا مبعرفش أعمل أي حاجة لوحدي. تاوه من كتلة اللطافة الجالسة أمامه قائلا بلطف: _عادي مش مشكلة مش كلنا بنعرف نعمل كل حاجة. ابتسمت ابتسامة مرتعشة على شفتيها قائلة:

_أنا خايفة شريك حياتي فيما بعد يزهق مني أو يشوفني طفلة. كم أراد ضمها في تلك اللحظة ليقول بابتسامة نفي: _لا طبعاً هو فيه حد عاقل يسيبك برضو يا ساندرا وبعدين أجمل حاجة فيكي برائتك وحركتك العفوية. نظرت له بامتنان وهي تبتسم ابتسامة لطيفة جعلته ينطق بدون تفكير: _طب ما تتجوزيني وأخلي أنا بالي منك؟