رواية صغيره على الحب الفصل التاسع 9 - بقلم سلمى عيسوي

طرق باب مكتبه وقال بهدوء: -اتفضل ... دخل فارس وجلس امامه قائلا: -ارض احمد النصري هتنزل في المزاد .. جاسر بهدوء: -كنت متوقع كده ... فارس بسرعه: -المهم لازم المزاد يرسي علينا .. قال جاسر بهدوء مخيف: -المزاد امتي .. فارس بتذكر: -كمان اربع شهور تقريبا ... جاسر باستغراب: -انت بتهزر .. ليه المده دي كلها ... فارس بجهل: -معرفش ... المهم دلوقتي هتنزل بنفسك ولا لا ... كاد فارس ان يتحدث ولكن قاطعه صوت طرقات الباب وسمح بالدخول.

دخلت هي قائله: -سليم بيه عايزك في مكتبه يا بشمهندس... أومأ جاسر وقال بجمود: -اوك يا لمار انا هروحله .... دخلت حور ايضا قائله: -جاسر جدو قال عايزني متعرفش ليه ... نظرت لها لمار بحقد وقالت بمضض: -لسه باعتني عشان انادي البشمهندس ... تجاهلتها حور وقالت: -طيب يلا بينا نشوف في ايه ... قال فارس موضحا: -متقلقوش يا جماعه اكيد عشان المزاد .. خرج الجميع من مكتب جاسر. توجه كلا من "حور وجاسر" الي مكتب "سليم". في مكتب سليم.

طرق الاثنان الباب حتي اذن لهم بالدخول قائلا: -اتفضلوا ... جلس الاثنان امامه حينما قال سليم: -طبعًا عرفتوا ان ارض احمد النصري دخلت المزاد ... حور بتذكر: -مش دي يا جدو اللي حضرتك عايز تبني عليها مشروع المباني الجديد ... قال سليم مؤكدا: -ايوه هي .. دلوقتي هي دخلت المزاد ومستعد ادفع فيها ملايين الدنيا واخدها ... جاسر بثبات: -والمطلوب مني ايه ... سليم بنظرات ذات معني:

-انت وحور اللي هاتروحوا المزاد ده .. في أشخاص مهمة كتير هتبقي هناك .. حور بموافقه: -اوك معنديش مانع ... جاسر بنصف عين: -شخصيات زي مين يعني ... "حامد العُرابي" وعارفينه "مهاب العزاوي" محترم جدا .... ضحك سليم واجاب قائلا: -طول عمرك بتهتم بأدق التفاصيل يا بن الهواري ... بس متقلقش هاتروح وتشوف ... حور باستغراب: -هو انا ليه حاسه ان الموضوع فيه حاجة غريبة ... قال جاسر وهو مصوب نظره ناحية سليم: -لا مش تحسي اتأكدي ...

سليم بضحك وسخرية ايضا: -ما غريب الا الشيطان يا بنتي ... يلا روحوا على اشغالكم ... نهض كلا من حور وجاسر وكلا منهما باله مشغول. بينما سليم يبتسم بخبث واضح. في الخارج. حور تسير بجوار جاسر: -جاسر .. جاسر بانتباه: -نعم ... حور بخبث: -هو جدو كان قصده ايه جوه بـ إنك دايما مهتم بأدق التفاصيل ... ضحك جاسر ضحكة رجولية أبرزت وسامته. تقدم نحو مكتبه وادخلت هي خلفه وقال هو: -بقيتي فضولية جدا ... حور بتذمر:

-اي يا عم في ايه عايزة اعرف ... جاسر بتنهيدة قوية: -هتعرفي كل حاجة في وقتها .. بس بلاش فضولك الزيادة ده ها .. حور بمضض: -طيب انا هاروح البيت ... وانت ... جاسر: -اممم .. اوك هاروح معاكي ... ولا انتي معاكي عربيتك ... حور: -لا ده بابا جابني الصبح وهو جاي ... وانا مبسوقش العربية خالص اليومين دول عشان موضوع الرخص وكده ... قاطع حديثهما صوت هاتف جاسر يعلن عن اتصال احد وكان المتصل ابيه يدعوه لمكتبه. حور باستغراب:

-طيب روح انت وانا هعدي على بابا واروح معاه ... أومأ لها جاسر ونهض من مقعده الخاص متوجها نحو مكتب ابيه. في مكتب مراد الهواري. طرق جاسر الباب ودخل لابيه قائلا: -خير يا بابا حضرتك قلقتني جدا ... مراد بهدوء: -اقعد كده عشان ده موضوع مهم ... مسح جاسر على شعره وجلس قائلا: -خير اي بقا الموضوع المهم .. مراد بثبات: -ليلى جايلها عريس .... جاسر باستغراب: -وحضرتك رأيك ايه ... مراد:

-ودي محتاجة رأي يا بشمهندس .. معقولة هجوز البنت الصغيرة والراجل لا ... ضحك جاسر وقال ساخرا: -هو انا بنت يا بشمهندس مراد .... مراد بنظرة ذات معني: -جاسر بلاش تعمل الشويتين دول عليا انت داخل على التلاتين اللي في سنهم عندهم عيل واتنين .... جاسر بضحك: -ربنا يخلي ... بس انا لسه ملاقيتش البنت المناسبة ... وبعدين حضرتك جايبني هنا عشان ليلى ولا عشان تقولي الكلام ده .... تنهد مراد قائلا: -لا عشان ليلى يا بشمهندس ...

جاسر باهتمام: -اي العريس مش عاجبك ليه ... مراد موضحا: -مش حكاية مش عاجبني بس لسه بيدرس ... جاسر بثبات وهدوء: -اسمه ايه ..!؟ مراد: -رامي العرابي ... جاسر متذكرا: -ابن حامد العرابي ... مراد بتأكيد: -اه هو .. هو الولد كويس ومفيهوش عيب واخلاقه عالية مش زي شباب اليومين دول ... بس مش عارفة ليه حاسس انها هترفض ... جاسر باستغراب: -دي حريتها ترفض او تقبل ... بس اعرض عليها الموضوع ده حقها ... مراد بشرود:

-يوسف قالي نفس كلامك .. لما كان معايا وانا بكلمه ... جاسر باستغراب: -طيب انت ليه مش مرحب بالموضوع .. مراد: -لسه صغيرة يا جاسر مكملتش 20 سنة ... نهض جاسر وقال: -مش فارقة مسيرها هتتجوز المهم ان الولد يكون طيب وابن حلال ويصونها .. أكمل وهو متجه ناحية الباب: -سلام بقا يا بوب عشان مصدع جامد ... أومأ له مراد وخرج جاسر من المكتب. ظل شارداً في مستقبل ابنته هل سوف تقبل .. وكيف يزوجها قبل ابنه البكرى. في المساء. في المنزل.

ليلى بصدمة: -وحضرتك موافق .. مراد بهدوء: -ليه انت مش موافقة .. الولد جاي بكرة هو واهله ... ناهد بفرحة: -الف مبروك يا لولو ... أماني بضحك: -مبروك يا دكتورة ... يوسف بحب: -الف مبروك يا قلبي ... ليلى بدهشة: -انتو بتباركولي ليه هو انا وافقت ... حور محاولة تلطيف الجو: -اهدي يا ليلى كده .. كله بالخناق الا الجواز بالاتفاق ... دخل فارس وجاسر عقب جملة حور وجدوا الجميع يجلسون قال فارس بمرح: -متجمعين عند النبي ... وأكمل بتساؤل:

-خير يا ليلى مالك قلبه وشك ليه كده .. ناهد بضحك: -تعالي يا فارس بارك لأختك جايلها عريس ... فارس بصدمة: -اختي وعريس .. يا نهار أسود ... أماني: -ليه بس كده ... حور بخوف: -ساكت ليه يا جدو ... سليم: -بتفرج عليكوا محدش عامل حساب ان في كبير عيلة ... مراد وبيدي مواعيد من غير ما ابوه يعرف واخوه كان عارف مع إن كنت معاكوا الصبح في الشركة ... مراد مدافعا:

-يا حاج والله ما أقصد ربنا يديك الصحة وطول العمر .. الولد كان مصمم ياخد ميعاد .. سليم متجاهلا كلامه قائلا: -تعالي يا ليلى .. تقدمت ليلى نحوه وجلست قائلة: -نعم يا جدو ... سليم بهدوء: -انتي بتحبي رامي ده .... ليلى: ………………… يتبع .................