رواية صغيرتي الفصل الثالث 3 - بقلم فاطمة محمد

أسماء كانت في مكتبها بتلم حاجتها وبتتكلم نفسها وهي بتتريق على كلام مازن ليها لما زعقلها. أسماء بتريقة: "خمس دقايق واستقالتك تكون قدامي على مكتبي."

خمس دقائق واستقالتك تكون قدامي على مكتبي. محسسني إني كنت بشتغل في شركة ابن الوزير. طب والله لو كان ابن الوزير كان هيطردني باحترام عنه. بس يلا هنقول أي المنحوس منحوس ولو علّقه على راسه فانوس. قال وأنا اللي كنت بقول عليك جوزي وأبو العيال. يلا الحلو مبيكملش بقى. طب والله حد تافه في حياتي، ده مش تافه بس دا عامل بيبي فيها. وكانت لسه ماشية شافتها منال وكانت بتعيط. منال بدموع: "يعني خلاص كده هتمشي ومش هشوفك تاني؟

أنا مصدقت اتصاحب على واحدة قلبها أبيض وصافي زيك. هو صحيح ممرش علينا إلا أسبوع بس على صحوبيتنا، بس أنا أخدت عليكي قوي ويعلم ربنا أنا حبيتك أكتر من أختي."

أسماء وهي تمسح دموعها: "إشششش خلاص. وبعدين بقى، إحنا قولنا كل يوم هنكلم بعض قبل ما ننام ونحكي لبعض على كل تفاصيلنا. وبعدين أنا بيتي مفتوح لك في أي وقت تيجي تزوريني فيه. وعايزة أقول لك أنا كمان اتعودت عليكي وحبيتك قوي. يلا بقى سلام قبل ما يشوفني ويقول فين الاستقالة ويزعقلي تاني وأنا خلّفي بقى في خياشيمى." منال بضحكة: "ماشي سلام. هتوحشيني أوي." احتضنتها أسماء ثم قالت: "وإنتي كمان والله هتوحشيني أكتر."

عند مازن في المكتب. كان متعصب على الآخر وكان بيكسر أي حاجة قدامه. مسك تليفونه ورن على صاحبه حمزة وكان الحوار كالآتي. مازن: "الو يا حمزة." وحكاله اللي حصل. حمزة: "الله يخربيتك! أنت بتستهبل يا حمزة؟ طردتها بجد؟ مازن: "أهو اللي حصل بقى. عايزني أعمل إيه يعني يا حمزة؟ أنا كنت هجنن والناس عمالة تبص عليها وهي بترقص كدة وتلبس البيت. طلعت كل عصبيتي عليها وطردتها وهي دلوقتي بتلم حاجتها وهتمشي أو تقريبا حدة مشيت."

حمزة بشك: "أنت حبيتها ولا إيه يا مازن؟ مازن: "هكدب عليك لو قولتلك لأ. بس هي من ساعة ما جت الشركة حولتني لإنسان تاني بضحكتها وبرائتها وطفولتها. ساعدني يا حمزة بالله عليك إنها تسامحني وترجع الشركة تاني، حتى لو اعتذرتلها قدام كل اللي كانوا موجودين في الاجتماع." حمزة: "حاضر يا صاحبي. أسماء قلبها أبيض وهتصالحك متقلقش. هي صحيح دبش وأوزعة وأم بطن ومفجوعة بس طيبة." مازن بضحك: "لم نفسك ياض دي هتبقى مراتي." حمزة: "العب!

اسمك 👏 أيوا يا عم." مازن: "اخلص ياض واديني عنوان بيتها." حمزة: "ما بلاش يا صاحبي موضوع بيتها ده." مازن: "ليه؟ إشمعنى؟ حمزة: "يا عم أنا مالي بس افتكر إني قولتك بلااااااااش." خود عندك. عند أسماء في البيت. "بقى أنا يطردني ابن المقشفة ويزعقلي قدام الناس؟ هو بصراحة الواد مش مقشف ولا حاجة، لا دي حتة نوتيلا يا بت يا نغم. الواد إيه ياختي طول بعرض بعضلات وعيونه خضرا ولا عليه شوية بدل يخربيته."

نغم بضحك: "خلاص يا أسماء الواد هيموت. يخربيت. أهدي يا أسماء أهدي يا حبيبتي، ما تعمليش في نفسك كده." أسماء: "أهدى! أهدى إيه يا نغم؟ ده أنا اعتبرته خلاص جوزي وأبو عيالي. ده أنا اخترت أسمائهم كمان. بس أنا اللي هيجنني مين اللي حط الفيديو ده على CD؟ نغم: "ماهوووو ماهو ماااهووو." أسماء: "انطقي يا نغم أنا على آاااخرى."

نغم: "أصل أنا بعد ما طلبت منك اللابتوب نقلت كل حاجة اللي كانت في الفون عندي عشان كنت عايزة أعمله software وخفت للذكريات الجميلة دي تتمسح. وكنت بحسب أن CD دا بتاعك إنتي والله مش بتاع الشركة." أسماء: "يخربيتك ويخربيت سنينك يا شيخة منك لله والله. وذكريات هباب على دماغك." أسماء: "خلاص بقى يا سمؤتي متكبريش الموضوع يا نوال." أسماء: "يلا الحمد لله إنهم مشافوش الفيديو التاني."

نغم وهي بتسقف: "والنبي تعال أما نغنيها تاني. استنى أجيب الطبلة." أسماء: "يلا هيا كده كده خربانة خربانة. أصل أكده ميت وأكده ميت آني هخاااااف من ايييييييه." نغم: "يلا جاهزة يا حاجة." نغم: "جاهزة يا بني. يا صاروخ في معاميعك." أسماء: "أهو جالك يا بت." نغم: "ريح بالك يا بت." أسماء: "اطبخيله الصبح بطة واطبخيله العصر بطة. كترّي يا بت الشطة. أهو جالك يا بت. ريح بالك يابت." نغم: "يلا يا حارة ضلمة." أسماء: "إحنا اللي نورناها."

نغم: "يلا يا حارة هوس هوس." أسماء: "دا إحنا اللي عملنالكم حس." نغم: "ورش الشارع ماية." أسماء: "عروسة الغالي جاية." نغم: "روش الشارع ماية وزيت." أسماء: "عروسة الغالي نورت البيت." نغم: "ورش الشارع كوكاكولا." أسماء: "عروسة الغالي منقولة." (والله أبغى أروح أهيص معاهم) في اليوم التالي.

راح مازن للحارة اللي بتعيش فيها أسماء عشان يصالحها. ووقف عند واحد ميكانيكي عشان يسأله على الشارع اللي بتكون فيه العمارة اللي ساكنة فيها أسماء عشان تاه. مازن: "لو سمحت يا أسطى كنت بسأل على العنوان ده." مفيش رد. مازن: "ياسطا اطلع من تحت العربية بكلمك." _"أي ياباشا ثواني بس هشطب العربية و....... مازن بصدمة: "إيه دا؟ أسماء؟ أسماء: "أحيه يا أبو سوسو. أحييييبه."