رواية صغيرتي الفصل الرابع 4 - بقلم فاطمة محمد

مازن بعصبية: انتي بتعملي إيه هنا يا أسماء؟ أسماء: زي ما أنت شايف يا مازن باشا، بشتغل. مازن: وليه اللي شغلك شغلانة مش بتاعتك؟ دا انتي خريجة ألسن إنجليزي. أسماء: بلدنا مش ماشية إلا بالواسطة يا مازن باشا. وبعدين جيت اشتغل، مدير الشركة طردني، قولت أرجع لشغلتي الأصلية. مازن بندم: أنا آسف يا أسماء، بجد آسف. أنا ما كانش قصدي، أنا بس اتضايقت لما... أسماء: آسف على إيه يا مازن باشا؟ إنك أحرجتني قدام الموظفين وطردتني قدامهم؟

مازن وهو يلعن نفسه على اللي عمله: خلاص والله حقك عليا، ولو عايزاني أبقى أعتذرلك قدامهم في الاجتماع هعمل كده. أسماء: خلاص، حصل خير. مفيش داعي تتأسفلي قدامهم. كفاية إنك جيتلي لحد هنا عشان تعتذرلي. مازن بفرحة: يعني خلاص مش زعلانة مني وهترجعي الشركة؟ أسماء وكانت لسه هتتكلم، قاطعها صوت طفل صغير في حدود الـ 6 سنوات وكان بيعيط. أسماء بقلق: إيه ده؟ مالك يا بلية؟ بتعيط ليه؟

بلية: أبلة هياتم ضربتني بالعصاية على جسمي ولستني بالنار عشان كسرت كوباية من غصب عني، والله يا أبلة أسماء. أسماء بعصبية: آآآه يا بنت كوم شكاير القش يا هياتم الكلب. والله لأكون مفشفشة دماغك اللي شبه الطبق دي. مازن: استني بس يا أسماء، هتعملي إيه؟ أسماء: سيبني بس يا مستر مازن وخد عربيتك واتكل على الله أنت، عشان فيه قتيل هيتقل النهارده. -ولا يا محماااااااانت يلااااا امحماااااااا امحماااااا امحروس.

محمد بقلق: أستر يارب. نعم يا أبلة أسماء. أسماء: خد ياض مفتاح الشقة وهات مولا السرير وحصلني. _ولا أقولك استنى ياض هات السطور ياض وحصلني. محمد طفل عنده 11 سنة وبيشتغل مع أسماء في الورشة: أوامرك يا معلمة. مازن بضحك: يخربيتك يا شيخة، هموت منك. راحت أسماء عند بيت بلية وفضلت ترزع في الباب لحد ما فتحتها لها هياتم، اللي تبقى مرات أبو بلية. أسماء بعصبية: بتتشطري على عيل صغير؟ مش عيب على سنك؟

هو عشان أمه ماتت وسابته هتستقوي عليه؟ أنا سكتلك مرة ومرضتش أعمل حاجة وعديتها بمزاجي، لكن توصلي إنك تحرقي الواد؟ يا بنت كوم شكاير القش ياللي وشك مش باينة ملامح من قفاكي. استوب يا ابني وتعاليلى بقى عشان أنا سكتالك من الصبح. انتي مفكراني طيبة؟ دا أنا قتالة قتلة. هياتم بألم: آآآه يا بنت الـ***، ابعدي عني. إحدى نساء الحارة: خلاص يا معلمة أسماء، انتي الكبيرة، الست هتموت في إيدك.

أسماء: ولو ولو، لازم تتأدب عشان تحرم تمد إيديها على الواد بلية تاني. كان مازن واقف تحت العمارة اللي طلعت فيها أسماء ومش عارف يعمل إيه. لمحه حمزة اللي كان لسه واصل الحارة وطالع عند نغم: إيه؟ في إيه يا مازن؟ إيه اللي حصل؟ مازن: حكاله اللي حصل. وكان طالع عشان يحوش أسماء،

منعه حمزة وقاله: اوعى اوعى تطلع. استنى لما الحناقة تخلص. لو اتدخلت مش هتطلع من الحناقة. سليم، اسمع مني أخوك مجرب. آخر مرة اتدخلت في خناقتها ضربتني بالمقشة في دماغي وخدت 10 غرز. مازن مسمعش كلامه وكان لسه هيطلع، لقت الشرطة جت وخدت أسماء. مازن: الله يخربيتك يا شيخة، وديتي نفسك في داهية. ياريتني كنت اتدخلت ولا عملت حاجة من الأول.

حمزة: أنا من رأيي يا مازن إنك تجوزها بسرعة وتحطها في محمية طبيعية عشان بقت خطر على المجتمع، والله. في القسم: الظابط: بتستقوي على الناس؟ مفكرة إن البلد دي مفيهاش حكومة؟ أسماء ببرود: يا باشا، أنا مستقوتش على حد، هيا اللي... الظابط: بس، اخرسي. مش عايز أسمع حاجة. _عسكري، خدها على الحجز. دخلت أسماء الحجز. إحدى النساء اللي موجودين في الزنزانة: إيه ده؟ مالك يا حلوة؟ بتتلفتي حواليكي ليه؟ في حاجة ضايعة منك؟

أسماء: بس يا ولية انتي. _طب استني عليا، أنا هعرفك الولية دي هتعمل معاكي إيه. يا أم سيد. أم سيد: نعم يا أم بسنت. أم بسنت: إيدك معانا هنا عشان عايزين نأدب البت دي. أسماء: بت؟ أنا بت؟ (بصوت الخالة نوسا) يمين بالله اللي هتقرب مني ما أخلي في وشها حتى سليمة. أم بسنت: وريني هتعملي إيه. أسماء: حبيبة قلبي، صبرتي ونولتي. وشمرت كومها وقالت: صلى على رسول الله. كان مازن بيسوق بأقصى سرعة وكان معاه حمزة ونغم وماما نغم.

(وهنعرف حكاية أهل أسماء فين، بس الصبر 🤌) فاطمة ماما نغم: يا حبيبتي يا أسماء، زمانهم المجرمين نازلين فيكي ضرب يا حبة عيني. قولتلها 100 مرة الغبية دي تضرب بس بهدوء. وبعدين فيها إيه يا هياتم لما تضربك؟ حصل إيه دا؟ مابدل ما تشكريها أنها بتأدبك. ماشي؟ بس لما أروحلك. مازن وهو يهمس لنفسه: آه، دا انتوا عليا مجانين بقى. نغم كانت بتعيط على صاحبته.

لاحظ حمزة دموعها وقال: حبيبي، متعيطيش. بالله عليكِ، والله قلبي بيوجعني لما بلاقيكي بتعيطي. إن شاء الله هتخرج، متقلقيش. فاطمة: ما خلاص يا خويا يا ممحون انت. حمزة بحزن: أعمل إيه يا ماما فاطمة؟ ما بحبش أشوفها زعلانة، والله بحس إن قلبي واجعني.