رواية صغيرتي نور الفصل الخامس والأربعون 45 - بقلم يارا علاء

كان مراد يسير كبركان يوشك على الانفجار. مراد بنبرة غاضبة لنور: خلصتي؟ نور: في إيه يا مراد؟ مالك متعصب كده ليه؟ مراد: اسمي مراد بيه أو أستاذ مراد. نور: ده مقلب صح؟ نور: لو خلصت المقلب بتاعك تعالي بقى ساعدني في لم الشنط. مراد: انتي طالق. وأول ما هننزل مصر ورقتك هتوصلك. صدمت نور لما سمعته بشدة. وتركها مراد في صدمتها هذه وخرج من الغرفة متجهًا إلى مكتب أحد الأطباء المصريين بالمستشفى. دكتور خالد: اتفضل يا أستاذ مراد.

لكمة مراد لكمة قوية جعلته يفقد توازنه ويقع على الكرسي. مراد فضل يسدد له اللكمات حتى بعد ما وقع على كرسي المكتب. خالد: افهمني يا أستاذ مراد، أنا ونور بنحب بعض وهنتجوز بعد ما تطلقها. هنا توقف مراد عن ضربه. خالد وهو ينهج من شدة الضرب: هي اللي قالت لي إن جوازكم على ورق بس وده علشان تساعدها مش أكتر. وهي حبيبتني وأنا كمان، وكنا هنقولك. هي كانت هتفتحك في الموضوع أول ما تنزلوا مصر.

سمع مراد هذه الكلمات ثم تذكر حديث نور معه بالأمس. *** نور: مش عارفة بجد أشكرك إزاي يا مراد على كل اللي عملته معايا. مراد: أنا معملتش غير واجبي، ولا ناسيك إنك مراتي. نور: عارفة، بس ده على الورق بس علشان تساعدني مش أكتر. مراد: طبعًا. نور: عايزة أقولك حاجة بس. هقولك في مصر إن شاء الله. مراد: طب ما تقولي دلوقتي. نور: لأ، في مصر إن شاء الله. *** مراد: بقي هو ده اللي كنتي عايزة تقوليه لي يا نور؟

بقي أنا كنت بفكر أعرض عليكي الجواز، وانتي بتفكري إزاي تسبيني؟ لاء، وكمان مرتبة كل حاجة مع حبيب القلب. خرج مراد من غرفة الطبيب محطمًا لما سمعه وما عرفه. الدكتور: الو ياباشا. عز الدمنهوري: طمني. خالد: كله تمام. كل حاجة مشيت زي ما إحنا خططنا وأحسن كمان. عز الدمنهوري: عظيم، عظيم. بقيت الفلوس هتكون في حسابك كمان ساعة.