رواية صغيرتي نور الفصل الرابع والعشرون 24 - بقلم يارا علاء

كارم: نور اهدّي، أنا مش هعملك حاجة والله ما هاذيكي، بس انتي اهدّي. نور ببكاء: بالله عليك سيبني أروح، والله ماما ممكن يحصلها حاجة لو مروحتش البيت دلوقتي، سيبني أروح أرجوك. كارم: أنا مش هعملك حاجة، وكمان لو اتفقنا هخليكي تروحي. شعرت نور وكأن هناك بعض الآمال في أن تخرج مما هي فيه. نور: قولي عايز إيه وأنا أعمله وتمشيني. كارم: نتجوز. نور: بتقول إيه؟ أنت أكيد اتجننت.

كارم: زي ما سمعتي، نتجوز، وأنا هعيشك ملكة، هخليكي تكملي تعليمك برا، هجبلك أحلى فيلا ليكي ولأهلك، هعاملك وهعاملهم أحسن معاملة، هحميكي برموش عينيّ وعمري ما هزعلك. نور: أنت إزاي متخيل إني ممكن أوافق على واحد زيك؟ ده أنا شايفاك بعيني وأنت مع كارولين وجاي تعرض عليا الجواز، أنت فاكر نفسك إيه؟ أنا لا يمكن أتجوزك، ولو متّ في كفة وأنت النجاة، فأنا مش عايزة أعيش وهختار الموت بكل رحابة نفس. كارم بعصبية: لييييه؟

هو أحسن مني في إيه؟ نور: هو مين؟ كارم بضحك: لا متشغليش بالك، بس متنسيش أنا خيرتك وأنتي اللي اخترتي. نور بقلق: روّحني يا كارم. كارم: كان متعصب، بس سمع اسمه منها هدي. كارم: مش هروحك ومش هسيبك يا نور، وهتحبيني وهنتجوز. نور: أنت مريض نفسي. كارم: ربنا يسامحك. نور اتعصبت من بروده: بقولك رووووحني يا كاااارم.

كارم: أنا أبيع الدنيا عشان أسمع منك "كارم" دي، صدقيني يا نور، لو طلبوا مني أتخلى عن كل ما أملك قصاد إني كل يوم أطل في وشك، بس مش هتردد لحظة. نور اتكسفت من كلامه، بس حاولت تتدارك الموقف. نور: أنت شاب زي الفل وألف بنت تتمناك، ليه تقبل على نفسك تكون مع حد مش عايزك. كارم اتعصب من كلامها: وليه مش عايزاني بقى؟ ليه؟ إيه وحش فيا؟ قوليلي وأنا أتغير عشانك.

نور: الحاجات دي مش بتطلب، دي بتتحس، وأنا مش حاسة ناحيتك بأي حاجة. وبعدين ما كارولين موجودة وبتحبك. كارم اتعصب من كلامها وسابها وطلع على ضهر السفينة وقفل عليها الباب.