رواية سجيبة طارق الفصل الثالث 3 - بقلم هاجر حسين

ذياد: وبكده ابتدي الشك، آسف بقى يا روح أنتي اللي هتبقي الضحية بيني وبينه. طارق ماسك روح من رقبتها بغضب. طارق: هو أنتي محدش علمك إن طول ما رجل البيت مش موجود مينفعش رجل تاني يدخل؟ روح: طارق كفاية هتخنق، أنا آسفة مش هتتكرر صدقني هو اللي جه ودخل أنا قولتله إنك مش موجود. أميرة بتطلع على صوت روح. أميرة: إيه اللي أنت بتعمله ده يا أبيه؟

روح هتتخنق في إيدك، بعدين ذياد مش أول مرة يدخل القصر ده وأنت مش موجود، إيه اللي جد المرة دي؟ طارق بيسيب روح وبيطلع أوضته فوق. أميرة بتحاول تهدي روح، وروح بتسيبها وبتمشي. في أوضة أميرة. عولة: أيوه يا بنتي طالع الرحلة، ارتاحتي؟ بعدين تعالي هنا في إيه مالك ومال زين؟ أميرة: هيكون مالي يعني عادي مجرد سؤال. عولة: عليا برضه؟ أميرة: مش عارفة يا عولة بس الواد قمر أوي وجينتل كده في نفسه. عولة: إحنا وقعنا في الحب ولا إيه؟

طب وهتعملي إيه في أكرم؟ أنتي عارفة إن طارق مش هيسمحلك تروحي من غير أكرم. أميرة: هحاول أقنعه، اقفلي بقى وادعيلي يوافق. عولة: سلام يا مدام زين. أميرة: ظريفة أوي. في أوضة طارق. طارق: إيه اللي أنت بتعمله ده؟ ومالك كنت هتموت وهو لمسها؟ اصحى يا طارق لنفسك أنت استحالة تحبها. بعدين إيه اللي مضايقك ذياد ياخدها منك أو لا؟ أنت كل اللي يهمك أختك بس. تليفون طارق بيرن. تانيا صديقة طارق وبتعشقه بس هو ما بيحبهاش.

تانيا: إيه هو أنا لو متصلتش عليا ما تسألش عليا؟ طارق: أنتي مجنونة يا بنتي أنا لسه سايبك في المكتب. تانيا: طب اعمل حسابك عشان بكرة أنا عازماك أنت ومراتك على بيت المزرعة. طارق: لا مش هينفع أسيب الشركة. تانيا: بقولك إيه أنت لسه مخلص الصفقة بتاعتك وهو أسبوع هنقضيه سوا. طارق: أنتي عارفة إني مقدرش أسيب أميرة لوحدها. تانيا: خلاص هاتيها معاك أنا مش هقبل أعذار هستناك بكرة. بالمناسبة عملالك مفاجأة.

تانيا بتقفل مع طارق وطارق بينزل لأميرة عشان يقولها. طارق: أميرة حضري نفسك عشان تيجي معانا بكرة بيت المزرعة عند تانيا. أميرة: بمناسبة إنك أنت اللي فتحت الموضوع تسمحلي أطلع الرحلة بتاعة الكلية؟ طارق: لوحدك لا، بعدين الرحلة قد إيه؟ أميرة: أسبوع. طارق: يبقى أكرم يروح معاكي. أميرة بغيظ: أكرم إيه أنا كبرت خلاص على أكرم اللي أنت مخليه معايا في كل حتة ده. طارق: خلاص يبقى تيجي معايا بيت المزرعة.

أميرة: لا خلاص خلي سي أكرم معايا. طارق بيطلع فوق بيلاقي روح نايمة على السرير ومديه ظهرها لطارق. طارق: أنا عارف إنك صاحية، أنا عايزك بس تحضري نفسك بكرة عشان هنودع أميرة وبعدين هنطلع على بيت المزرعة. تاني يوم طارق واقف بيودع أميرة وفجأة بيبص وراه بيلاقي روح اللي نازلة من على سلالم القصر. روح كانت لابسة فستان أزرق طويل ومسيبة شعرها الطويل والكعب العالي. كانت ملكة نازلة من على سلالم القصر لدرجة إن طارق انسحر بجمالها.

روح وطارق بيركبوا العربية وبيوصلوا بيت المزرعة. تانيا بفستانها الأحمر القصير. تانيا قربت على طارق وحضنته: حمد لله على السلامة. تانيا: آه سوري ما أخدتش بالي، مراتك صح؟ طارق: أيوه روح. تانيا: ما قولتليش إنها حلوة أوي كده. طارق وتانيا وروح بيدخلوا. تانيا: مش قولتلك عملالك مفاجأة؟ فجأة ذياد بيظهر. ذياد: إيه رأيك في المفاجأة دي؟ معقول تبقى في إجازة من غيري؟