رواية سجيبة طارق الفصل العاشر 10 - بقلم هاجر حسين

أميرة نايمة، وأكرم دخل عليها. أكرم بيقلع التيشرت وبيقرب من أميرة. أميرة بتفوق. أميرة: أكرم، أنت بتعمل إيه؟ ابعد عني! أكرم: أنتِ إزاي صاحية والعصير؟ أميرة: عصير إيه؟ أنت عايز مني إيه؟ أكرم: مش مهم، المهم إنك من النهارده بتاعتي أنا. أكرم بيمسك أميرة بالعافية وبيقرب منها ويقبلها. أميرة: ابعد عني يا حيوان! أكرم لسه هيقطع لأميرة هدومها، بيدخل زين وبيضربُه.

زين نازل ضرب في أكرم، وفجأة أكرم بيروح زاقق زين بيقع وبيقع على أميرة وبيروح هربان. زين واقع على أميرة اللي بتبكي. وفي نفس اللحظة بيدخل طارق. طارق بدون فهم: أنت بتعمل إيه يا حيوان يا واطي؟ وبيضرب زين وروح بتحاول توقفه لكن مفيش فايدة. أميرة في الخيمة وشايفة أخوها وهو بيضرب زين وبتحاول تقوم. طارق بيضرب زين وبيروح واقع على الأرض، وطارق بيمسك حجر ولسه هينزل على زين، أميرة بتروح واقفة قصاده. طارق: أميرة، إن... أنتِ...

أنتِ واقفة؟ وبيروح واخد أميرة في حضنه. أميرة: مش زين اللي عمل فيا كده، ده أكرم. طارق بذهول: أكرم؟ أميرة: أيوه أكرم اللي كنت عايز تجوزني له. طارق بيبقى باصص على زين وهو واقع في الأرض وروح بتحاول تقومه. طارق بيجري وبيسند زين مع روح. طارق: أنا آسف يا زين. زين بيتسند على روح وبيسيب طارق وبيمشي. طارق: تعالى أما نروح المستشفى. زين: كفاية لحد هنا، إحنا عارفين طريقنا كويس.

زين بيطلع هو وروح من المخيم وبيطلعوا على الطريق العام وبيستنوا أي عربية، لكن مبيبقاش فيه عربيات والدنيا ضلمة جدًّا. روح: تعالى نرجع مع طارق. زين: ومن إمتى الكلام ده؟ روح: زين، صدقني طارق اتغير، ده حتى راح لماما واعتذر منها وقالي إنه بيحبني. زين: وهو لو بيحبك كان عمل اللي عمله ده؟ روح: يا زين إفهم، لو في حد يستحق إنك تكرهه فهو ماجد مش طارق. زين: ماجد اللي كان شاريكي ويتمنى رضاكي؟ روح بتطلع صور اللي طارق إدّاها لها.

روح: تفتكر لو حتى ده شاريني كان هيصورني كده ويبيني وحدة بلا أخلاق عشان يرجعني له تاني؟ زين: على الأقل بعد الصور دي أكيد طارق هيسيبك. روح: أيوه يا زين، وقالي القرار عندك، لو عايزة تسيبيني أنا مش هأمنعك. زين: ومالك زعلانة كده ليه؟ أنتِ حبيتي طارق ولا إيه؟ روح بتسكت وبتمشي مع زين في الطريق. وفجأة بتقف عربية قصاد روح وزين. زين: سيبيني وامشي. روح: أنت اتجننت! أنا لا يمكن أسيبك في الحالة دي وأمشي.

زين: روح إفهمي، الشباب باين عليهم شاربين وأنا مش هأقدر عليهم كلهم، إجري يا روح اهربي. روح: مش هأقدر يا زين، مش هأقدر. زين بيروح زاقق روح عشان تجري، وروح بتلاقي الشباب نزلوا من العربية وزين ابتدى يضربهم. وروح بتجري وعمالة تنده على حد يساعدهم. زين بيحاول معاهم لكن واحد بيسيبه وبيروح ورا روح. الشاب بيقف قصاد روح: رايحة فين يا حلوة؟ روح: ابعد عن طريقي أحسن لك. الشاب: هتعملي إيه يعني؟ وبيروح مقرب من روح ولسه هيلمسها.

طارق: هي مش قالت لك ابعد أحسن لك؟ الشاب: وتطلع إيه أنت كمان؟ طارق قبل ما بيخلص كلامه بيروح نازل عليه ببوكس في وشه وقعه على الأرض. الشباب الثانية شافت صاحبهم وقع، بيروحوا سايبين زين وبيهربوا. طارق: أنتِ كويسة؟ روح: أيوه. طارق: طب يلا على العربية أنا هوصلكم. روح: بس... طارق: أنا قولت إيه؟ طارق بياخد روح وزين وبيطلعوا العربية، وروح بتبقى جنب طارق وزين ورا جنب أميرة. زين وهو بيكلم نفسه في العربية: معقول اتغير؟

معقول فعلًا حب روح ولا كل ده عشان أخته؟ بس أخته خفت يعني كان ممكن يسيبنا ويمشي، لكن اللي متأكد منه إنه جه عشان خاطر روح. في الوقت ده... خالة طارق: إيه اللي أنت هببته ده؟ أكرم: كنتي عايزاني أعمل إيه؟ الأم: غبي غبي، هتفضل طول عمرك غبي، لقيتها صاحية كنت أخرج وسيبها. أكرم: المهم دلوقتي هنعمل إيه؟ الأم: مالكش دعوة بحاجة، أنا اللي هتصرف بعد كده. طارق بيوصل روح وزين على بيتهم.

طارق: أنا هأجيب المحامي بكرة، يا ريت تكوني موجودة الصبح عندي عشان نوقع على أوراق الطلاق.