رواية سجيبة طارق الفصل الحادي عشر 11 - بقلم هاجر حسين

طارق.. أنا هجيب المحامي بكرة، ياريت تكوني موجود الصبح عندي عشان نوقع على أوراق الطلاق. روح.. بتروح عند طارق زي ما قالها. أميرة.. انت هتسيب روح ليه؟ طارق.. انتي مش بقيتي كويسة وده كان اتفاقنا أنا وهي من الأول، ولا إيه يا روح؟ روح بحزن.. أيوه يا أميرة، أنا اللي طلبت كده. طارق.. تمام، تعالي عشان تمضي على ورقة الطلاق. روح بتقرب وبتاخد الورقة من المحامي ولسه هتمضي. زين.. روح استني.

طارق.. بيبص بيلاقي زين جايب ماجد وهو مضروب وداخل بيه القصر. طارق.. في إيه يا زين؟ إيه الدخلة دي؟ زين.. اسمع يا طارق، أنا ممكن كنت الأول مبحبكش، لكن بعد اللي شوفته وخوفك على روح، ولأول مرة أشوف الحب في عينك لروح. طارق.. انت بتقول؟ زين.. بقول اللي انت فيه يا طارق، واللي روح فيه. زين.. روح بتحبك يا طارق. طارق.. بيفضل واقف ساكت وبيبص لروح. زين.. روح مخنتش ثقتك أبداً يا طارق. وبيروح رامي ماجد قصاد طارق.

زين.. هتنطق ولا إيه؟ ماجد.. الصور مش حقيقية، زياد هو اللي طلب مني إني أعمل كده، وأنا بكلمها روحت حضنها، وروح أول ما حضنتها بعدتني عنها. طارق.. مسك ماجد بالقوة.. أنا مش قولتلك تبعد؟ ماجد.. وقبضت تمن كده، أنا... ماجد لسه هيتكلم، طارق بيوقفه وبيقوله: اطلع بره. روح.. ثواني، استنى هنا. يعني إيه قبضت التمن؟ ماجد.. أنا أخدت تمن إني أسيبك يا روح، وبعدت عنك. روح.. بتقرب من ماجد وبتروح ضرباه بالقلم.

زين بيروح ماسك روح وبعدها عنه، وماجد بيمشي ويسيبهم. زين.. وبعدين انتوا هتفضلوا واقفين باصين لبعض كده كتير؟ زين.. بيمسك إيد روح وبيروح يحطها في إيد طارق، وطارق بيروح واخد روح في حضنه. زين.. كده مش ناقص غير حاجة واحدة بس، لازم أعترف بيها ودلوقتي. طارق وروح بيبصوا لزين، وأميرة بتبقى واقفة. زين بيروح يقف قدامها.

زين.. قدام أخوكي وأختي، أنا عايز أقول إني كنت بضحك عليكي يا أميرة، وكنت ناوي أضحك عليكي باسم الحب، كنت عايز أذيكي زي ما طارق بيأذي أختي. طارق.. وقف سامع كلام زين. زين.. بس مع الوقت أنا حبيتك بجد يا أميرة، واكتشفت ده يوم ما قابلت علا وقالتلي إنها شربت العصير بدالك. كنت هموت وأوصلك قبل ما أكرم يمس شعرة منك. اتأكدت ساعتها إني بحبك، وإني استحالة أفكر إني أذيكي.

زين.. كان لازم أقولك كل ده، وقدام طارق، وراضي منك بأي رد فعل. أميرة بتبقى واقفة قصاد زين وبتبص على طارق. طارق.. عايز الحق، أنا ممكن أكون مكنتش بطيقك، لكن بعد اللي قولته، أثبتلي فعلاً إني كنت غلط، وإنك راجل يعتمد عليه بمعنى الكلمة. أميرة.. لسه واقفة بتبص على طارق. طارق.. مستنية إيه؟ أنا موافق طبعاً. أميرة بتجري على زين وبتروح حضناه، وزين شايلها وبيلف بيها. روح.. طارق، أنا عايزة أتشال كده.

طارق.. من أولها هنغير ولا إيه؟ بعدين انتي مينفعش تتشالي. روح.. ليه إن شاء الله؟ طارق.. اهدي يا روح، هشيلك بس بليل يا حلوة. روح.. لا شكراً، مش عايزة. طارق.. ليه بس؟ طب إيه رأيك أشيلك من دلوقتي؟ روح.. بتسيب طارق وبتجري على زين تقف جنبه. أميرة.. ممكن أخرج بليل مع زين؟ طارق.. وهو بيبص لروح.. وبليل ليه؟ ما دلوقتي أحسن. روح.. أيوه نخرج كلنا سوا. زين.. فكرة. طارق.. بيضرب زين.. فكرة إيه؟ خليك في صفي بدل ما أمنع أميرة تطلع.

زين.. فكرة، أنا قولت فكرة. روح وهي بتشد ودن زين.. بعت أختك في ثواني. زين بيمشي وطارق وروح بيفضلوا قاعدين. طارق.. أميرة، أنا هطلع فوق وجاية. في أوضة أميرة.. تليفونها بيرن. أميرة.. الوو. خالة طارق.. أميرة، أوعي تقفلي يا بنتي. أميرة.. خير يا خالتي؟ الخالة.. أنا عرفت كل حاجة، ومن ساعتها وأنا في المستشفى يا بنتي. أميرة.. انتي بتقولي إيه؟ أنا هقول لطارق حالا.

الخالة.. لا يا بنتي، أنا بقيت كويسة، أنا بس عايزة أشوفك، أتأسفلك. أميرة.. مفيش داعي. الخالة.. اعتبريه طلب من حد مريض يا بنتي. بلاش خالتك. أميرة.. خلاص، هنزل أجلك. الخالة.. بس متقوليش لطارق، أنا لسه هكلمه هو كمان. أميرة.. ماشي. طارق.. رايحة فين؟ مش قولتي بليل. أميرة.. زين كلمني وعملي مفاجأة، وقالي اطلعي نص ساعة وارجعي. طارق.. ماشي. احنا هنروح معاكم بليل، ومتنسيش خطوبتك انتي وهو بكرة. أميرة.. بجد يا أبيه؟ أنا بحبك أوي.

وبتروح سيباهم وماشية. على الساعة ٧.. زين بيجي ياخد أميرة، وروح وطارق بيبقوا جاهزين للخروج. طارق.. اتأخرتوا ليه؟ فين أميرة؟ زين.. أميرة، احنا مش اتفقنا هنطلع كلنا من هنا؟ في إيه يا طارق؟ طارق.. أميرة قالت إنك عاملاها مفاجأة وطلعت تشوفك. وفجأة تليفون طارق بيرن. الخالة وهي مغيرة صوتها.. لو عايز تشوف أميرة تاني، الكاميرا تكون عندي قبل الساعة ٩، على العنوان ده.