رواية سجيبة طارق الفصل التاسع 9 - بقلم هاجر حسين

وفجأة، حد بيشد روح من وسطها. روح: أنت؟ ماجد وهو بيحضن روح: وحشتيني. في اللحظة دي بيبقى زياد بيصور ماجد وهو بيحضن روح. روح: ابعد عني، أنت اتجننت؟ أنا واحدة متجوزة. ماجد: وده من إمتى الكلام ده؟ روح: من ساعة ما اتجوزت واتخليت عني، وكأني كنت ولا حاجة بالنسبالك. ماجد: يا روح افهمي، أنا كنت مدمر كليًا. روح: وأنا ما كنتش عايشة. بص يا ماجد، سواء راجع دلوقتي أو ماشي، أنا ما بقاش يهمني. لأن أنت بالنسبالي انتهيت، فاهم؟

انتهيت، وياريت ما تظهرش قصادي تاني. ماجد بيسيب روح وبيمشي. ماجد: إيه رأيك؟ زياد: زي الفل، برافو عليك. ماجد: برافو عليك حاف كده؟ فين فلوسي؟ زياد: يا عم اصبر على رزقك، اتفضل خد. روح بتدخل لطارق. روح: حاسس إنك كويس دلوقتي؟ طارق: الحمد لله. روح: طب يلا بينا على بيت المزرعة. طارق: لا يا روح، يلا بينا على بيتنا. روح بابتسامة: بيتنا؟ طارق: هو مش بيتنا ولا إيه؟ روح بفرحة اترسمت على كل ملامح وشها: يلا بينا.

روح وطارق في العربية. طارق: روح، أنتِ إيه أكتر حاجة بتحبيها؟ روح: المكرونة البشاميل، ما أقولكش، بأموت فيها. طارق: روح، بأقولك حاجة نفسك فيها، مش تاكليها. روح: ما هو دي برضه نفسي فيها أوي، ويا سلام بقى لو من إيد ماما. طارق: خلاص، اتصل لنا بماما وقول لها إننا معزومين عندها النهار ده على الغداء. روح ساكتة. طارق: مالك سكتي؟ يعني مش عايزة؟ روح: بالعكس، أنا مستغربة بس. طارق: من إيه؟ روح: أول مرة تقول يا ماما.

طارق: هي مش ماما ولا إيه؟ روح: طبعًا ماما. في الأوقات دي في قصر طارق. خالة طارق: أيوه يا أكرم، قولت لك هنفذ النهار ده. أكرم: مالك صوتك واطي ليه؟ أنت فين يا ماما؟ أم أكرم: في البيت، هأكون فين يعني؟ أكرم: مش عارف ليه مش مصدقك. أم أكرم: المهم أنت دلوقتي تخليك في اللي أنت فيه. وأنا هأخلي روح وأكرم يروحوا على المخيم بأي طريقة. أكرم: تمام، سلام. خالة أكرم في أوضة أميرة بتدور على حاجة. خالة أكرم: يا ترى راحت فين؟

أنا بقى لي عشر سنين بأدور عليها. معقول تكون البت العاجزة دي مخبيها؟ كله هيبان. خالة أكرم نازلة من على سلالم القصر. سمعت بوابة القصر وفي عربية داخلة، فطلعت من الباب الخلفي. طارق: في حاجة غلط. روح: مالك؟ طارق: بوابة القصر كانت مقفولة، أنا متأكد مين فتحها؟ روح: ما هو بصراحة مش معقول أخ وأخته قاعدين مع بعض في قصر طويل عريض وما فيش خدم أو حراس. طارق مسك إيد روح: ما تخافيش، كل حاجة هتتغير.

طارق: يلا روحي غيري والبسي على ما أنا كمان أحضر نفسي ونروح عند ماما. روح طلعت وهي مبسوطة من اهتمام طارق بيها. طارق: ها يا روح، خلاص؟ روح: ثواني ونازلة. طارق بيتكلم في التليفون: عايزك تزين لي القصر كله النهار ده، أرجع ألاقي القصر جاهز. روح بتنزل لابسة فستان أحمر قصير وشعرها الطويل المفرود وعيونها الواسعة وجمالها سحرت طارق من الآخر. روح: يلا يا طارق. طارق: ها، بتقولي إيه؟ روح: مش يلا عشان نروح لماما؟

طارق: ما تيجي نكنسل ماما؟ روح بخجل وراحت سايبة طارق وماشية. طارق بيشد روح عليه: أنتِ حلوة أوي. روح: طارق. طارق: بس استني. طارق بيطلع عقد من جيبه وبيقف ورا روح وبيلبسها الطوق في رقبتها وبيقرب منها وبيطبع قبلة على جبين روح. روح: يلا. طارق بيمسك إيد روح: يلا بينا. في بيت روح. أم روح: اتفضل يا ابني، شرفت. طارق قبل ما يدخل: بمناسبة كلمة ابني دي، ممكن تسامحي ابنك على اللي عدا؟

روح واقفة بعيد وشايفة طارق وهو بيبوس إيد أمها ومبسوطة بيه. أم روح: يلا بقى على السفرة يا ولدي. روح وطارق قصاد بعض وبيأكلوا ويبصوا لبعض. روح وطارق خلصوا الأكل وقعدوا شوية وراحوا مروحين على القصر. روح أول ما بتدخل القصر. روح أول ما بتدخل بتلاقي طريق طويل بالشموع وحواليه بلالين كتير والقصر متزين بطريقة حلوة أوي. وفي تربيزة في النص عليها تورتة مكتوب عليها: "بحبك يا روح". روح بتبص لطارق.

طارق: أيوه يا روح، حبيتك إمتى وفين وإزاي بس خليتي طارق العنيد العصبي يحبك؟ طارق اللي من ساعة ما دخلتي حياته وهو بيهينك بكل الطرق، ورغم كده لما زياد عرض عليكي للمرة التانية إنك تمشي وتسيبيني ما سيبتنيش. روح: أنت؟ طارق: أيوه يا روح، أنا كنت سامع كل كلمة بيقولها زياد ليكي وأنا في المستشفى. في الأوقات دي. أكرم بيدخل خيمة أميرة. أميرة: أيوه يا أكرم، عايز إيه؟ أكرم: أنا جيت أجيب لك العصير، اشربي قبل ما تنامي.

أميرة: ومن إمتى الكلام ده؟ أكرم: ما فيش يا ستي، أصل خلاص اقتنعت إن أنا وأنتِ ما ننفعش لبعض. أميرة: أخيرًا. أكرم: أيوه خلاص بقى، أنا ماشي. أميرة قاعدة ولسه هتشرب العصير، علا بتدخل تشربه. أميرة: ده العصير بتاعي يا حيوانة. علا: وأنا وأنتِ إيه مش واحد؟ أميرة: طب يلا بقى احكي لي عملتي إيه مع زين؟ علا: بكرة هأقول لك، يلا بقى اطلعي عشان عايزة أنام. علا: ماشي يا ستي، اتقلي علينا براحتك، أنا هأروح أعرف من زين.

علا بتطلع من خيمة أميرة وبتقعد تمشي كتير، لأن خيمة أميرة آخر خيمة بعيد عن المخيم شوية. علا بتخبط في زين. زين: أنتِ كويسة يا علا؟ علا بتقع على زين: مش عارفة يا زين، من ساعة ما شربت العصير عند أميرة وأنا حاسة إني دايخة. زين: عصير إيه؟ علا: العصير اللي أكرم أداه لأميرة. زين بياخد علا على الخيمة بتاعتها وبيطلع يجري على خيمة أميرة. أم أكرم: اتصلي دلوقتي بـ طارق خليه ييجي. أم أكرم: تمام. في قصر طارق.

طارق بيقرب من روح وبيحضنها، وروح لسه هتحضنه بيجي رسالة لطارق. طارق بيفتح الرسالة بيلاقي صور ماجد وهو حاضن روح. روح: مالك يا طارق؟ طارق: كان لازم أتأكد الأول من مشاعرك قبل ما أعمل كل ده. روح: طارق، أنت بتقول إيه؟ طارق: ما تقوليش حاجة، لو عايزة تروحي لماجد أنا مش هأمنعك. طارق بيسيب روح وبيطلع. روح لسه هتطلع وراه طارق بعد ما شافت الصور عشان تفهمه. تليفون طارق بيرن. روح: ألو.

خالة طارق: أيوه يا حبيبتي، لازم تروحوا أنتِ وطارق على المخيم دلوقتي، أميرة تعبانة أوي. روح: طارق، طارق، الحق. طارق بينزل جري: في إيه؟ روح: أميرة. طارق قبل ما يتكلم بيطلع يركب العربية وروح بتركب معاه. طارق: مش قولت لك امشي؟ أنا بأعفيكي من أي مسؤولية ليا أو لأميرة. روح: مش وقته الكلام ده دلوقتي، المهم أميرة. في الوقت ده في المخيم. أميرة نايمة. وأكرم دخل عليها. أكرم بيقلع التيشيرت وبيقرب من أميرة، أميرة بتفوق.

أميرة: أكرم، أنت بتعمل إيه؟ ابعد عني.